Adnan Oktar A9 TV; 1 yanvar 2017

Qadınlara azadlıq verməyən şirk dinidir. Şirk dini İslam deyildir. Quran dini qadınlara mümkün qədər azadlıq verər. Şirk dinində qadın haşa heyvandan aşağı hesab edilir və mərhəmətsizcə əzilir. Buna görə də şirk dini olan yerdə bərəkət olmur.

Trampı Türkiyə olaraq, türk dövlətləri olaraq və İslam aləmi olaraq dəstəkləyəcəyik. İngiltərə dərin dövlətinə qarşı, Rusiya və Çin də Trampa dəstək verəcək.

Yol, körpü, bənd inşa edilməsi, incəsənət və azadlıq olmadıqda əksik qalır. Bütün küçələrdə incəsənət olmalıdır, qadınlara azadlıq olmalıdır. İncəsənət və Keyfiyyət Nazirliyinin yaradılması çox mühüm məsələdir. Bu, Türkiyənin mövzuya verdiyi əhəmiyyəti göstərər. Bir addım atılsa arxası gələr.

Obama da, yaxın ətrafı da kommunist meyilli idi. Obamanın törətdiyi təxribatı Trampın düzəltməsini diləyirik. Tramp anti-kommunist, anti-darvinist insandır. Rusiya, Türkiyə, İran, Çin və bütün türk dövlətləri Trampa dəstək olsunlar.

Qadınlara azadlıq verilməsə, halallar haram edilsə İslam Birliyi yaranmaz. Qadınların əzildiyi quruluşu Allah müvəffəq etməz. İslam Birliyinin açarı qadınlardır. Qadınların xoşbəxt və azad olduğu cəmiyyət yaradacağına söz versən Allah İslam Birliyini yaradar.

Qadınların əzildiyi hər cəmiyyət dağılar. Qadınlar azad olmalıdır. Hər cür azadlığı təkcə kişilərin haqqı kimi görmək vicdani deyil. Qadınların qiymətini bilməmək insanlar üçün fəlakətdir. Qadının necə gözəl nemət olduğunu görə bilməmək o insan üçün bəladır.

Qadınların azad ola bilmədiyi, gülə bilmədiyi, küçəyə çıxa bilmədiyi, şən ola bilmədiyi cəmiyyətlər çökər. Allah qullarına zülm edilməsinə icazə verməz. Qadın istədiyi kimi gülməli, əylənməlidir. Kişilərə əyləncəni, sevinci haqq görüb qadınlara görməmək olmaz. Qadınlar vicdanı ilə doğrunu bilər.

Bir-birinin ardınca çox böyük hadisələr görəcəyik, lakin heç kim təlaşa qapılmasın. Türkiyəyə heç nə olmayacaq. Sonu həmişə gözəl olacaq inşaAllah.

Türkiyə çətinliklərdən və böyük hadisələrdən keçəcək, dəccaliyyətin zülmü və verdiyi miskinlik bitəcək, bəşəriyyət oyanacaq inşaAllah.

Türkiyəyə qarşı həmlə edən nə Almaniya, nə də Hollandiyadır. Əsil qüvvə İngiltərə dərin dövlətidir. Gücün ölçüsünü görüb ona görə ağıllı tədbir almalıyıq. Prioritetli olaraq sakitləşdirici olaq, mövcud problemi sakitləşdirək. Sonra lazım olan bütün diplomatik, ticarət və siyasi tədbirləri alarıq.

Masonluğun əsil məsələsi düşüncə azadlığı, hər kəsin fikrinə hörmət etmək, sülh, qardaşlıq, dostluqdur. Lakin təbiidir ki, hər mason bu keyfiyyətdə deyil. İnsanlara və qadınlara hörmət göstərməyən, incəsənətə, keyfiyyətə əhəmiyyət verməyən cahil insanlar da masonlar arasında ola bilir.

Hər insan hər mühitdən, hər düşüncədən insanla görüşər, danışar, fikir alar. Bunu anormal qarşılamaq çox yanlışdır.

Küçə sənətçilərinə layiq olduqları dəyərin verilməsi əhəmiyyətlidir. Küçədə ifa edilən musiqi həqiqətən nəfis olur, lazımı qədər təqdir edilməlidir.

Peyğəmbərimiz (s.ə.v)-in verdiyi hökm fərz yaratmaz. Qızıl işlədilməsini öz dövründə ictimai səbəblərdən ötrü qadağan etməsi qızılı haram etməz.

Sevgini, ehtirası unudan insanların həyatdan bezmiş zehniyyətlərinə heç fikir verməmək, dərinliyi, dostluğu, sevgini bilənlərə etibar etmək lazımdır.

Ələvilər Quran müsəlmanıdırlar, anti-xurafatçıdırlar, sevgi insanıdırlar. Ələvilərin dəyərini bilməyənlərə qardaşlarımız heç vaxt fikir verməsinlər.

Darvinizm və materializmlə zehni korlanan insanların yeni fikir yaratması, cəmiyyəti inkişaf etdirməsi mümkün olmaz.

Terrorist olmağın sərbəstliyi olmaz. Zülm etməyin sərbəstliyi olmaz. Əxlaqsızlığın sərbəstliyi olmaz. Pislik etməyin, alçaqlığın sərbəstliyi olmaz. Lakin hər kəs inancında sərbəst olmalıdır, dindar və sərbəst olmalıdır.

Münafiqlər guya yaxşı niyyət adı ilə ortaya çıxarlar. Öz axmaq beyinləri ilə özlərinin nə qədər məntiqli Peyğəmbərimiz (s.ə.v)-in haşa məntiqsiz olduğu, özlərinin incə düşündüyü, lakin Rəsulullah (s.ə.v)-in haşa incə düşünə bilmədiyini iddia edərlər. Halbuki namərddən namərd, alçaqdan alçaqdır münafiqlər. Axmaqdırlar.

Düşüncə azadlığı; hər kəsi təhqir etmək, hər kəsi kədərləndirmək, incitmək, onun sevincini, sevgisini boğmağa çalışmaq mənasını verməz. Sevgini əsas götürməlidirlər. Düzdür fikir azadlığı müqəddəsdir, amma sevgi daha da müqəddəsdir. Nəzakət daha müqəddəsdir, hörmət daha müqəddəsdir.

Dünyaya İslam əxlaqını hakim edəcəyik. Görülməmiş bir azadlıq və sevgi olacaq. Sonsuz gözəl Allahımızı daima anacağıq.

Quran bizə çətinlik gətirmir; bizə sevinc, azadlıq, fikirlərimizə aydınlıq gətirir. Zəncirlərin qırılmasını, yollarımızın açılmasını istəyir. Xurafatçılar çətinlik çəkməyimizi istəyirlər. İbadətlər çətin olsun, namaz, zəkat, təbəssüm, sevinmək, dostluq, bunları çətinləşdirirlər. Halbuki, Allah "QURANI ÇƏTİNLİK ÜÇÜN NAZİL ETMƏDİK"

Müsəlman haram olan mövzuları gündəmə gətirər, lakin kimin necə yaşadığına qarışa bilməz. İnsanların nə zaman əylənəcəyinə, hinduşkanı nə zaman yeyəcəyinə heç kim qarışa bilməz. Qurana görə heç kimin belə haqqı yoxdur.

Müsəlmanlar hər hansı şəkildə yeni ilin və ya hz. İsanın doğumunun qeyd edilməsinin əleyhinə çıxa bilməz. Hz. İsanın doğumu müsəlmanlar üçün də sevinc vəsiləsidir.