Adnan Oktar A9 TV ; 19 dekabr 2013

İnsan əgər dürüstcəsinə səhvini boynuna alıb etdiyi günahdan imtina edərsə, Allah bağışlayacağını bildirir.

Mömin olan kəs səhv etdiyi halda Allahdan bağışlanma diləyər. Allah bunu bəyənir. Bu, Allahın sevdiyi rəftardır. Allahın razılığını axtaran kəs bunu etməlidir. ''Ya Rəbbim! Məni bağışla, əfv et'' deməlidir. ''Əstəğfirullah, əstəğfirullah, əstəğfirullah'' Allah bunu bir gözəllik olaraq qəbul edir.

Hz. Mehdi (ə.s)-ın səhv etdiyini zənn etdiyin yerdə o doğrunu etmiş olur. Deyirsən ki, böyük səhv etdi, amma doğru olur. Çünki, Allahın hökmüdür: "Hər şeydə bir xeyir vardır". Hz. Mehdi (ə.s)-ın hər hərəkətində xeyir olur.

Müsəlman daima Allahdan bağışlanma diləməlidir. Çünki daima səhv edir, düşüncələrindən yanlış fikirlər keçir.

Bilə-bilə səhvi təkrarlamamaq, davam etdirməmək lazımdır. Buna baxmayaraq, meydana gələn hadisələrdə daim müsəlman üçün xeyir vardır. Taleyindəki hadisədir. Amma səbəbə sarılmalıdır.

Bir xəta edir, günah işləyir, özünü həlak edir. İztirab çəkir. Allah səndən belə şey istəmir ki. Yalnız tövbə et deyir, normal həyatına davam et deyir. Özünü pərişan et demir. Bunlar anormal, müşriklərə məxsus hərəkətlərdir. Sonunda sənə həmin xətanı etdirən də Allahdır. Bir xeyir var. Bir daha etməməlisən, bu qədər. Qərar verməlisən, etməməlisən.

"Xəta elədikcə vicdan narahat olur, insan boğulurmuş kimi olur" deyir. Bu özünü şeytana boğdurmaqdan qaynaqlanır. Qardaşım bu nəyə lazımdır? Sən Allaha təvəkkül edirsən, tamam, Allaha tövbə edirsən. Tövbə nə deməkdir? Allahın tövbəni qəbul etməsini ümid edirsən. Onda niyə o vəziyyətə düşürsən? Deməli, belə çıxır ki, sən Allaha güvənmirsən. Xəta elədinsə taleyindəki xətanı edirsən. Bir daha etməməyə qərar verdinsə kifayətdir. Əzm etsən problem yoxdur.

Müsəlman səhv edə bilər, səhv etməkdən qorxmamaq lazımdır. Çox böyük səhv də edə bilər, müsəlman qardaşını xəbərdar edər, lakin xəbərdarlığa dəlicəsinə reaksiya vermək çox anormaldır. "Yaxşı düşünərəm" deyərsən, "Allah razı olsun etməyə çalışaram" deyərsən olub bitər. Həddindən artıq reaksiya vermək anormal hərəkətdir.

Mömin səhv edə bilər, lakin səhvində israr etməz.

Peyğəmbərimiz (s.ə.v); “Allahım mənə qardaşlarımı göstər” deyərək Mehdi və tələbələrini görmək üçün dua etmişdir.

Bir insan dini yaşamağa başlamadan əvvəl bir çox səhv etmiş ola bilər. Ömrü boyu bu səhvlərin əzabını çəkmək Qurana görə doğru deyil. Müsəlman dini öyrəndikdən sonra əvvəl bilmədən etdikləri üçün tövbə edər və o mövzular bitər. Həmişə onun utancını yaşamaz.

İnsanları qazanmağa çalışmaq əhəmiyyətlidir. Hər insan səhv edə bilər, insanlara səhvini düzəltmə imkanı vermək lazımdır.

Çox qısa kursdayıq, çox qısa. Gecə-gündüz təhsil alırıq, özümüzü təkmilləşdiririk, cənnət tərbiyəsi alırıq. Cənnət tərbiyəsi almadan cənnətə getsək robot kimi olarıq. Cənnətdə sonsuz zövq almağımız üçün bu təhsildən keçməyimiz lazımdır.

Haqq yolda irəliləyərkən Allah imtahan olaraq çatışmazlıqlar, tərsliklər də yaradır. Amma sonunda haqq qalib gəlir. Mütləq ziddiyyətlər olacaq. Çətinliklər mütləq olacaq. Əks halda imtahanın bir mənası qalmaz.

Qatı dinçilik insanlara dərin bir yuxu, yorğunluq verdi. Dəccal yuxu halı verdi. Dəccallıq həm darvinist fəlsəfə ilə, həm qatı dinçi fəlsəfə ilə İslam aləmini və dünyanı yandırıb-yaxır.

Camaatı bölməyi, parçalamağı ağıllarından çıxarsınlar. Bir də camaatı AK Partiyaya qarşı qoymaqdan da imtina etsinlər. Belə ağılsız layihə olmaz. Belə bir şeyə icazə də vermərik.

AK Partiyanın da, camaatın da müəyyən bir gücü var. İki gücü birləşdirib, 1+1, 11 edər. İki 1-i birləşdirib 11 edək. Bir daha 1 əlavə etsək 111 edər. İnşaAllah. 1-ləri bölməyə niyyətimiz yoxdur, həm də böldürtmərik. AK Partiya ilə də camaatı qarşı-qarşıya qoymarıq.

AK Partiya ilə camaatın arasını düzəldəcəyik, müharibə gedirmiş kimi görünən nöqtələri düzəldəcəyik. Kimsə həvəslənməsin, kimsə də sevinməsin. İcazə yoxdur.

İki müsəlman camaatın bir-biri ilə məşğul olmasından Maoizmlər, iddia edilən Ərgənəkon terror təşkilatı, şəbəkələr, şeytanın dostları, İslam əleyhdarları, bəzi həsəd aparan insanlar, xoş niyyətli olmayan bəzi insanlar məmnun qalar. Buna görə belə bir şeyi təşviq etmək olmaz.

Əmək sərf edərək yetişdirilmiş, öyrədilmiş, İslamı, Quranı müdafiə edən bir mömin birliyini bütünlüklə dünyadan yox etməyə cəhd göstərmək çox çirkin hərəkətdir, günah olar.

Şeytanın ən çox təzyiq göstərdiyi ölkə Türkiyədir. Nə AK Partiyanın yıxılmasına, nə də camaata zərər gəlməsinə icazə verərik.

Peyğəmbərimiz (s.ə.v) söyləyir, İslam Birliyinin tək ünvanı imam Məhəmməd Mehdidir. Başqa ünvanı yoxdur. Axırzamanın əlamətlərinə inanılsa, Rəsulullah (s.ə.v)-in möcüzələrinə inanılsa bu doğru olar.

Müsəlmanı müsəlmanla vuruşduran davranışdan çəkinmək lazımdır. Həm haramdır, həm uğursuzluqdur, həm bərəkətsizlikdir. Allah belə çirkin rəftarı bəyənməz. Heç kim bunu təşviq etməsin.

Allahın əsl istədiyi sülhdür. Allah müharibə istəmir. Döyüşü Allah imtahan vəsiləsi olaraq yaradar. Müharibəni, o fitnəni aradan qaldıran kimdir? Allahdır. Möminləri də vəsilə edər, sülh mühitini meydana gətirər.