Adnan Oktar A9 TV; 3 iyul 2015

Bölünmə riskinin nə olduğunu bilirsən? İnsanların tək-tək ölməsi deməkdir, ailələrin yox olması deməkdir, İslamın yox olması deməkdir, İslam Birliyinin mümkün olmayan hala gəlməsi deməkdir. Buna heç vaxt icazə vermərik.

Türk İslam Birliyinin, İslam Birliyinin qapısını bağlamaq məqsədi daşıyan hərəkat aparılsa dəliyə dönərik. Yəni qiyamət qopar, bütün dünyada qiyamət qopar. Bu bizim normal haqqımızdır; öz ölkəmizdə müstəqil, rahat yaşamaq istəyirik.

Mehdiyyəti dayandırmaq, İslam Birliyini dayandırmaq üçün bütün hocaları ayağa qaldırdılar. Hamısı xorla; "Mehdi (ə.s) gəlməyəcək, İsa (ə.s) gəlməyəcək, İslam Birliyi olmayacaq" deməklə eyni şeyi söyləyirlər. Guya müsəlmanların şövqlərini yox edəcəklər. Sizin "gəlməyəcək" deməyiniz, onsuz da Mehdi (ə.s)-ın çıxış əlamətidir.

İslam Birliyi, Allaha sevgi deməkdir. Allaha sevginin adıdır. İslam Birliyi istənmədiyi müddətcə bəla yağmağa davam edər və heç kəs bu bəlanı dayandıra bilməz. Ta ki Mehdi (ə.s)-ın zühuruna qədər.

Sünni, Şiə, Vəhhabi - bunların hamısı bir-birinə bərabərdirlər, eynidirlər. Hamısı qardaşdırlar. Mübarizəyə girişmək düşüncəsizlikdir. İslam Birliyi üçün səy göstərin. Bütün müsəlmanları birləşdirməyə çalışın, bunun təbliğatını aparın, izah edin.

Müsəlmanlar zavallıdırlar. Bir-birləriylə boğuşmaları çox ağılsız hərəkətdir. Onsuz da hamı sizi əzib keçmişdir. Onsuz da sürünmüsünüz. Onsuz da pərişan olmusunuz. Bir-birinizi əzib keçməyə nə gərək var? Bunlar necə də ağılsız hərəkətlərdir. Hara baxsaq zavallıları görürük. İraqa, Əfqanistana baxıb zavallıları görürük, Yəmənə baxıb zavallıları görürük. Nə gərək var? Birləşin qardaş olun. Gözəl, təvazökar, zəngin, sağlam, xoş yaşayın.

İslam Birliyi ilk dəfə Türkiyədə müvəffəqiyyətlə tətbiq olunmuşdur. Kürdlər, lazlar, çərkəzlər, hər kəs İslam Birliyinin o gözəl ruhu içində qardaş olmuşdurlar. İrqçilik olsaydı, Orta Anadolu regionunda bir türk dövləti, Cənub-Şərqi Anadolu regionunda kürd dövləti, Qara dəniz regionunda Laz dövləti və Egey regionunda ayrı bir dövlət olacaqdı, parça-parça olacaqdıq və bunlar da öz aralarında yenə parça-parça olardılar. Məhz İslam Birliyi əxlaqı tətbiq olunduğu üçün birlik və həmrəylik içindəyik.

Mövcud olub-olmamaq mübarizəsi var. Ya Türkiyə tamamilə yox olacaq, ya da ali olub, bütün İslam və türklük aləminə hakim olub, gözəl bir yerdə, özünə o müqəddəs liderliyi Allahın bəxş etməsini gözləyəcək.

Türkiyə İslam Birliyinin qalası olduğu üçün, Türkiyənin bölünməsinə icazə verəcək hər şeyə çox kəskin reaksiya verilməlidir. Millətin bütövlüyünü təmin etmək çox əhəmiyyətlidir.

İmam Hüseynin intiqamı qan ilə alınmaz. İslam Birliyinin yaradılması ilə, İslam əxlaqının dünyaya hakim olması ilə alınar.

Allahın vədi üçün olan vaxt artıq bitdi. Yəni qiyamətə təxminən yüz illik bir vaxt qalır. Hakimiyyət yalnız bu əsrdə təmin edilə bilər. Onun üçün artıq masonluq da, tampliyerlər də, sanhedrin də, dərin dünya dövləti də qərar verməlidir. Çünki başqa cür olduqda, dünya tamamilə yox olacaq. Artıq İslam Birliyini hakim etməyin vaxtı gəlib çatdı.

Bütün bu hadisələr hədislərdə təsvir edildiyi kimi baş verir. Hz. Mehdi (ə.s)-ı da görəcəyik, hz. İsa Məsihi də görəcəyik, İslam Birliyini də görəcəyik, hamımız vəzifəmizi bitirdikdən sonra gedəcəyik. Burada heç kəs qalmayacaq. Sonda qalanlar da arxamızca gələcək, dünya boşalacaq, sonra da qiyamət qopacaq.

Prezident idarəetmə sistemini yaratsalar, bu federasiyanın yaranmasına səbəb olar. Türkiyə parçalansa, artıq Türkiyənin mənası qalmaz. İttihad-ı İslama nəhəng zərbə endirilmiş olar. Biz İslam aləminin, Türk aləminin son ümidiyik.

Bölgə, Türk İslam Birliyi düşüncəsini qəbul edər. Lakin Amerikanın bu hegemon məntiqini qəbul etməzlər. Bir də Osmanlı deyə heç nə olmaz. Səlcuqlular deyə heç nə olmaz. Bir daha Oğuz xanın dövrünə qayıdılmaq olmaz. Bir daha Sultan Alp Arslanın dövrünə qayıdılmaq olmaz. Nəyə qayıtmaq olar? Gələcəyə qayıtmaq olar. Gələcək nədir? Mehdiyyətdir.

İslam Birliyinə qarşı müqavimət göstərmək haramdır, müsəlmanların başına lider seçməsi fərzdir. Hər gecikmə haramın qatlanaraq artmasına səbəb olur, müsəlmanlar, öldürülən hər insandan, hər məzlumdan məsul olurlar. Çünki inadla İslam Birliyini istəmirlər, inadla mehdiyyətdən uzaq dayanmağa çalışırlar. Uzaq dayanmağa çalışdıqca da, cinayətlər, ölümlər qatbaqat artır.

Siyasət mürəkkəbdir. İslam Birliyi ilə maraqlanan insan siyasətdən baş aça bilməz. Amma siyasətə ağıllı surətdə uzaqdan istiqamət verilə bilər.

İslam Birliyi planla, layihə ilə olacaq şey deyil. Suriyanın mövqeyi, İraqın mövqeyi inkişaf etdiyi bir vaxtda, göydə də, Allah, hədisdə çıxacağı bildirilən quyruqlu ulduzlarla işarəsini verir. Bunlar insanların edə biləcəyi şeylər deyil. Biz ikibaşlı quyruqlu ulduzu göyə qoya bilmərik. Hadisələr tamamilə tale çərçivəsində baş verir.

Yüz minlərlə müsəlman şəhid edilir. İslam Birliyi olsa bitəcək bu. İslam Birliyinin olmaması cinayətlərə səbəb olur. Müsəlman, İslam Birliyini müdafiə etmədikdə bilmədən bu ölümlərə şərik olmuş olur.

Ən mühüm məsələ İslam Birliyidir. İslam Birliyi olsa terror o andaca dayanacaq. Müsəlmanlara tətbiq olunan şiddət dərhal həmin anda dayanacaq.

Quran İslam Birliyini istəyir. Quran bir imam təyin edilməsini; müsəlmanların başına bir lider təyin edilməsini istəyir, bu şəkildə mehdiyyətə işarə edir.

Allahın arzusu; Mehdi (ə.s)-ın ortaya çıxması, İsa Məsihin zühuru, İslam Birliyinin meydana gəlməsi və qısamüddətli bir hökmranlığın özünü göstərməsidir. Bunları görəcəyik inşaAllah.

Darvinizm, materializm öyrədildiyi halda, Türkiyədə İslam Birliyi ola bilməz. Əvvəlcə darvinizm və materializm aradan götürülməlidir. Milli təhsildə; "Allah yoxdur" deyirsən, bu Allahın xoşuna gəlməz. Bu qəzəb qazandıracaq çox dəhşətli bir sözdür.

İslam Birliyi qurmaq üçün təhsil lazımdır. İslam Birliyini siyasətlə qurmaq olmaz. Misirdə bunu etməyə çalışdılar, Misir məhv oldu. Siyasətlə belə olar. Liviyada siyasətlə İslam Birliyini qurmağa çalışdılar, o da məhv oldu. Suriyada etməyə çalışdılar, Suriya da məhv oldu. Siyasətlə olmaz. Quran həqiqətləri, iman həqiqətləriylə olar. İslam Birliyi elmlə, irfanla qurular.

Adamlar istəyir ki; "axirət də, mehdiyyət də, İslam Birliyi də olmasın. Dünya işləriylə məşğul olaq. Çek və sənədlə məşğul olaq. Avtomobil alıb-sataq". Bura əyləncə yeri deyil. Əlbəttə ki, belə olduqda Allah da dünyanı cəhənnəmə çevirir.

Gənclərə milli şüur dərsi verilərək, onlara, kommunizm, darvinizm və faşizm təhlükəsinin nə olduğu, terrorun ideologiyasının nə olduğu, zorakılığın, sevginin və mərhəmətin nə olduğu öyrədilməlidir. Milli hədəflərimizdən, məsələn, Türk-İslam Birliyindən bəhs edilməlidir.