Adnan Oktar A9 TV; 8 iyun 2016

Keyfiyyət və incəsənət nazirliyi yaradılsın. Hər şeydə keyfiyyəti əsas götürək. İnsan keyfiyyətini əsas götürək; davranış keyfiyyətini, xarakter keyfiyyətini. Hər mövzuda sənayedə, texnologiyada, elmdə, ədəbiyyatda, incəsənətdə keyfiyyəti əsas götürək. Dünyanın bütün dövlətləri bizə heyran olar, bu zaman özləri bizimlə birləşmək istəyərlər.

Müsəlmanların ağıllı, üstün, keyfiyyətli, mədəni, yaraşıqlı, zəngin, müasir olmasına bütün dünya alışacaq. Hər şeyin ən gözəli müsəlmanlar üçündür.

Müsəlmanların keyfiyyətli və güclü olmasına alışacaqsınız, zənginliyinə alışacaqsınız, ağıllı və yaman olmasına alışacaqsınız, dünya hakimi olmasına alışacaqsınız, elmlə, irfanla küfrü məğlub etməsinə alışacaqsınız, darvinizmi yerlə-yeksan etməsinə alışacaqsınız, dünyada terroru, anarxiyanı tamamilə yox etməsinə alışacaqsınız.

Türkiyədə binalar, paltarlar, hər şey, incəsənət nümunəli, keyfiyyətli və gözəl olmalıdır. Rəftarlar, danışıqlar, hərəkətlər, hər şey keyfiyyətli olmalıdır. Bu zaman Avropa ölkələri Türkiyə ilə birləşmək üçün can atarlar. Lakin öz həyat keyfiyyətlərinin pozulacağını düşünsələr, buna icazə verməzlər.

Türkiyə həm demokratiyada, həm hüquqda, həm azadlıqda, incəsənətdə, keyfiyyətdə, memarlıqda dünyanın ən üstünü olsun. Bütün dünyanı bu yolla xilas edə bilərik.

Avropa İttifaqı bizi müsəlman olduğumuz üçün deyil, müsəlmanlığı yanlış tətbiq edənlər var deyə üzvlüyə qəbul etmir. Bizim bəhs etdiyimiz tərzdə müasir səhabə İslam anlayışı yaşanmış olsaydı, biz çoxdan Avropa İttifaqının üzvü olmuşduq. Ənənəvi Ortodoks İslam anlayışı tətbiq edildiyi üçün üzvlüyə qəbul etmir.

Türkiyə Avropa İttifaqının bütün meyarlarını yerinə yetirsə belə Türkiyəni qəbul etmək istəməzlər. Çünki keyfiyyət, müasirlik, qadına hörmət anlayışı zəifdir. Hər cəhətdən çox keyfiyyətli insanlarımız var, lakin keyfiyyətsiz insanlar Avropa İttifaqına daxil olmağımıza əngəl törədir. Yoxsa müsəlman olmağımızla əlaqəsi yoxdur.

Müasir, ziyalı, keyfiyyətli Türkiyə məsələsi üzərində dayanmaq lazımdır. Mövhumatçı ənənəpərəst görünüş iztiraba səbəb olar.

Gələcəyimiz İslam Birliyidir, müasir Türkiyədir, bütün Asiyanın birləşməsidir. Rusiya da daxildir, İslam aləmi daxildir, Türk dövlətləri daxildir. Böyük olan yeni bir bloka doğru gedirik.

Ənənəpərəst ortodoks görünüşlü bir Türkiyə bütün Avropanın, bütün Amerikanın hətta Rusiyanın, Çinin hədəfinə çevrilər. Bütün dünya qarşısında dayanar. Müasir Türkiyəni mütləq meydana gətirməliyik. İncəsənəti, estetikanı, keyfiyyəti ön plana çıxarmalıyıq. Keyfiyyətin bütün Türkiyədə hakim olması vacibdir.

Təkcə ənənəvi ortodoks İslamı yaşamağa cəhd etsən Türkiyə geriləyər. İncəsənət qalmaz, estetika qalmaz, mədəniyyət və keyfiyyət qalmaz, dünya cəhənnəm kimi olar. O zaman buna dünya icazə verməz. Yəni Allah icazə verməz, dünyanı üstünə müsəllət edər.

Qiyamların və dövlət çevrilişlərin həmişə kökündə cəmiyyətin çox sıxılması vardır. Lakin incəsənətin, estetikanın, keyfiyyətin yüksək olduğu heç bir cəmiyyətdə dövlət çevrilişi və qiyam olmayıb və olmur.

Müsəlmanın tətili olmaz. Suriyada, İraqda müsəlmanlar öldürülərkən, Əfqanistanda müsəlmanlar məhv edilərkən, Misirdə müsəlmanlar pərişan ikən, İslam aləmi dəhşət içində yaşayarkən bizim istirahətə ayıracaq vaxtımız olmaz. Hətta mövzulardan danışarkən belə, öncə ən təcili mövzulara yer verilməlidir.

Mehdiyyət Axırzamanın ən mühüm məsələsidir. İraqdakı, Suriyadakı hadisələrin tək səbəbi mehdiyyətdir. İslam aləmindəki hazırkı həyəcan və qarışıqlığın tək səbəbi mehdiyyətdir. Dünyanın hər yerində mehdiyyət yeri göyü inildədir.

Ənənəvi İslam anlayışına qarşı Quranın kafiliyini hər kəsə çatdırmalıyıq. Əks halda Əfqanıstan kimi, Suriya kimi, İraq kimi olmağımız çox asandır, Allah qorusun. Bu məsələdə vaxt itirmək çox təhlükəli olar. Osmanlını məhv edən ənənəvi İslam fəlsəfəsi ilə yenidən dirilmək qeyri-mümkündür.

Mehdi, olduqca hüzurlu, mehriban, sevgi dolu insandır. Onun dövründə əsla qarışıqlıq olmaz.

Harada bir məzlum öldürülsə bu haramdır. Əhli kitabdan da, müsəlmanlardan da heç fərq etməz. Hamısı cinayətdir.

Kommunizmin mənşəyi darvinizmdir. Bütün Marksist liderlərin hamısı bu məsələdə ittifaq halındadırlar. Darvinizm olmadıqda kommunizm də olmaz.

Münafiqin bütün məqsədi həyatını boş keçirməkdir, beyni boşdur. Allahı beynində inanc kimi saxlamaq istəməz.

Münafiq həmişə başçı olmaq istəyər. Yəni ən mühüm insan olmaq istəyər. Ən çox diqqəti çəkən insan olmaq istəyər. Həmçinin bütün ömrünü, bütün planını da bunun əsasında qurar. Müsəlmanlara yanaşma səbəbi də budur.

Münafiq heç vaxt həqiqi sevgini bilməz. Sevgini yalnız təkəbbür üçün istəyər, yalnız etibar üçün istəyər, bu qədər.

Münafiq ayələrini oxuyarkən, qarşıdakı hər hansı qüvvə deyil də, özümüzün də münafiq ola biləcəyimizi düşünərək, ayələri özümüzə aid edərək, Allahdan qorxaraq özümüzü tərbiyə etməliyik. Münafiq onsuz da bu ayələrlə heç maraqlanmaz. O yeni oyunlar axtarar.

İslam Birliyi üçün, əvvəlcə darvinist materialist düşüncə aradan qalxmalıdır. Dövlətin, təhsil müəssisələrində, hər yerdə elmi izahat verməsi lazımdır. İman həqiqətlərindən, Quran möcüzələrindən bəhs edilməli, imanla, Quranla meydana çıxılmalıdır.

Necə ki, biz cəhənnəmi gördükdə cənnətin qiymətini daha yaxşı anlayırıqsa, cəhənnəm əhli kimi olan münafiqi gördükdə də müsəlmanların və imanın qiymətini daha yaxşı anlamış olarıq. Müqayisə aparmağa imkan yaradar.

Çox az insan Allahın üzərində cəmləşə bilir. Belə olduqda da Allah müsibət, fəlakət, iqtisadi böhran yaradır. Yoxsa insanlar çox rahat və hüzurlu yaşayarlar.