Adnan Oktar A9 TV; 1 noyabr 2013

Türkiyə müdrikliyin və şəfqətin yaxşı tətbiq olunduğu bir ölkədir. Xeyir yolunda irəliləyir və irəliləyəcək, inşaAllah.

Türkiyə heç bir şəkildə kiçik bir qrupun, yaxud böyük bir qrupun tərəfində olmaz. Türkiyə bütün millətlərin hamısına şəfqət, mərhəmət, sevgi bəsləyir. Bir adam çöldə qalsa biz ona da sahib çıxarıq.

Türkiyə hər hansısa bir ölkənin tərəfində deyil. Biri bir səhv edərkən yalnız səhv qismini tənqid edərik. Yaxşı olan qismini də çox gözəl vurğulayıb, izah edərik. Türkiyəyə yaraşan da elə budur.

Biz Türkiyə olaraq bütün dünyanı əhatə edəcək üslubda ola bilərik. Qərarlaşdırılmış bir fikri, düşüncəni dəstəkləyən vəziyyətdə ola bilmərik.

İnsan: "çox xoşbəxtəm, çünki türkəm" deyərkən genetik mənada saf türkü nəzərdə tutursa vicdansızlıq edir. Amma Türkiyə sərhədləri içərisindəki hər kəsi nəzərdə tutursa bu bir həmyerlilik coşğusudur.

Amerika da, Türkiyə də, yalnız həm xristianların, həm yəhudilərin, həm də müsəlmanların birləşərək İslam Birliyinin qurulması ilə xilas olar.

Osmanlını daxilindən yıxan qatı dinçilər idi. Hal-hazırda da qatı dinçilərin İslam aləmini məhv etdiyinə şahid oluruq. Qatı dinçilər ikrah hissi doğurduqlarına görə, cəfəngiyat danışdıqlarına görə insanlar onlara nifrət edirlər.

ABŞ dünya üçün bir nemətdir. İslam ölkələri ABŞ-a sahib çıxmaq məcburiyyətindədirlər. Xüsusilə, Türkiyə Amerikaya sahib çıxmalıdır. ABŞ-a: "Get, qurtar" deyirlər, sonra da "ABŞ böyük şeytandır" deyirlər.

Türkiyə Atatürkün vəsiləsi ilə Misir, İran, Pakistan kimi deyil.

Türkiyə bütün dünyanın anasıdır və uşaqlarını yığıb birləşdirəcək.

Türkiyə İslam və Türklük aləminin mərkəzidir. Türkiyə böyük və güclü olsa bərəkəti hər yerə çatar.

İslam aləmində yaşanan problemlərə Türkiyə tək başına heçnə edə bilməz. Bütün müsəlmanlar tezliklə birləşməlidir. Birdəfəlik həll darvinizmin elmi olaraq yox edilməsi və İslam Birliyidir.

Bu vətənin adı olan “Türkiyə” irq mənasında deyilmir. “Türk olduğum üçün çox xoşbəxtəm” ifadəsini deyərkən kürd üçün də, laz üçün də, çərkəz üçün də deyilir. Yəni bu, Türkiyədə yaşayan hər kəs üçün deyilir.

Heç vaxt Osmanlıya geri qayıtmarıq. Yəni yeni Osmanlı siyasəti yoxdur. Mehdiyyət siyasəti vardır. İslam aləminin birləşməsinin adı mehdiyətdir, mehdilikdir. Onun başına keçən şəxsə də Mehdi deyilir. Bu, İsa Məsihin dəstəyi ilə olacaq

Bizim ölkəmiz bəzi Orta Şərq ölkələri kimi asanlıqla təxribatlara uyan, idarəetməni itirən bir millət deyildir. Osmanlı dövründən etibarən qərarlı və məqbuldur, heç dəyişməyib.

Yunanıstanla Türkiyə birləşərək əvvəlki―Osmanlı dövründəki kimi olacaq. Onda siz bərəkətə, bolluğa baxarsınız. On iki ada, Krit hamısı birləşəcək. Problem təkcə sərhəddə pasportun soruşulmasıdır. Yunanıstan pasportu, vizanı qaldırsa, zənginləşər .

Osmanlı dövrünün çox daha gözəlini, mükəmməlini barış, sevgi və coşğu ilə yaşayacağıq, inşaAllah. Tamamilə ədalət, güvən, hüzur mühiti olacaq.

İranda şagirdlərin üslubunda belə kommunistlik hakimdir, hiss edilir. Metodlar, üsullar, üslub, stil tam klassik kommunist üslubudur. Osmanlıda öyrəşdiyimiz, Əhli Sünnədə alışdığımız isti, mehriban, munis üslub yerinə, təcavüzkar və qan tökülməsini istəyən kommunist üslub hakimdir.

İslamı aclıqdan sürünmək, tör-töküntülü paltarla gəzmək kimi göstərməyə çalışırlar. Osmanlını yıxan zehniyyəti bura gətirməyə çalışırlar. Həm Darvinizmi, həm də xurafatlılığı ön plana çıxararaq bunu etməyə çalışırlar. Buna görə də harada bir fırıldaq xurafatçı varsa onu ön plana çıxarırlar. Onun da ətrafında bir münafiq halqası vardır. BİZ ƏLLƏRİNİ ELMLƏ, SAVADLA QIRACAĞIQ, ZATƏN ALLAH QIRIR ƏLLƏRİNİ. ƏSLA BÖLÜNMƏYƏ, DAĞILMAĞA İCAZƏ VERMƏRİK.

Türk-Osmanlı ənənəsində bir insan bir dövləti dağıtmağa çalışsa, bir birlik; dövlət ehtimal edilə bilməyəcək qədər vəhşiləşər. Bir çox şeyə səs çıxarmaz, amma dövləti dağıtma məsələsində çox vəhşi çalamağı, dağıtmağı heç kim ağlının ucundan belə keçirməyəcək.

Osmanlı imperiyasında darvinist materialist təhsil verilirdi. Darvinist təhsil nədir? Allahı inkar edirsən; "Allah yaratmadı, təsadüfən yarandın" deyirsən. Bu Osmanlı imperiyasında geniş və əhatəli şəkildə edilən böyük haram, böyük fəsad və fitnə idi. Eləcə də, Osmanlı imperiyasının dağılma səbəbi də bu idi.

İngilislər Osmanlı imperiyasını dağıtmaq üçün, darvinizmi ortaya çıxardılar və ağlasığmaz zərbə vurdular. Bütün dünyanı fəlakətə sürüklədilər, parça-parça etdilər, məhv oldu dünya. Həm I, həm də II Dünya müharibəsi baş verdi. İki müharibənin də təməlində darvinizm var. Çünki həm marksist, həm də faşist düşüncələr darvinizm mənşəli fəlsəfələrdir.

İngiltərə dərin dövləti Osmanlı dövlətinin süqut etməsinin əsil günahkarıdır. Fitnə ilə əsrlərlə birlikdə yaşamış xalqların arasını vurdular. Lakin İngiltərə xalqı günahsızdır. İngiltərə dövləti də bu gizli dərin dövlət quruluşundan narahatdır.

Osmanlı dövlətinin süqutunu İngiltərə dərin dövləti təşkil etdi. Suriya və İraqın sərhədlərini çəkən İngiltərə dərin dövlətidir. Hərami-Şərifi, yəni Məkkəni və Mədinəni Osmanlı dövlətinin əlindən alan İngiltərə dərin dövlətidir. Türkiyənin Cənub-Şərqi Anadolu bölgəsində PKK-nı gücləndirib ayrı bir dövlət yaratması üçün çalışan yenə İngiltərə dərin dövlətidir.

Türkiyə qövmlərin qaynayıb-qarışdığı coğrafiyada yerləşir. Mehriban, qonaqpərvər, hər kəsi sevən, hər kəsi qurtarmağa, hər kəsə yaxşılıq etməyə meyilli bir üslubda olmaq lazımdır. Vicdanlı olan, doğru olan budur.