Adnan Oktar A9 TV; 1 aprel 2016

Mehdi dövründə hər kəs bir-birinə salam verəcək, sevgi göstərəcək, evlərin qapılarında böyük kilidlər olmayacaq, hər yer təhlükəsiz olacaq.

Musəvi mənbələrə görə, hz. Mehdi xaraketrcə ən çox hz. Musa (ə.s)-a bənzəyəcək, zarafatcıllığı isə hz. Süleyman (ə.s)-a bənzəyəcək.

Xristian pravoslavlar və protestantların birləşmə qərarı almalarının səbəbi, hz. İsa (ə.s)-ın gəlmiş olduğuna inanmalarıdır.

Önümüzdəki aylar, illər ərzində çox böyük hadisələr olmağa davam edəcək. Sonunda hz. Mehdi (ə.s)-ı görəcəyik. Hz. İsa Məsih (ə.s)-ı görəcəyik. İslam Birliyini görəcəyik.

Hədisə görə, Mehdi (ə.s) bütün peyğəmbərlərin xülasəsi kimidir. Xatəmə vəlidir, gəlib-keçmiş ən böyük övliya və ehkamda günahsızdır. Allah, İsa Məsih kimi ulul-əzim bir peyğəmbəri, Mehdi (ə.s)-a vəzir olaraq təyin edir. Bu da onun dəyərini göstərir.

İslam ölkələri bir yerə toplanır, yığıncaq keçirilir, lakin iştirakçıların əksəriyyəti şövqsüz olur. İxlas olmadan, səmimiyyət olmadan bu yığıncaqlardan nəticə çıxmaz. Mehdi (ə.s) olmadan bu sistem işləməz.

Peyğəmbərimiz (s.ə.v) bir hədisində Mehdinin sevgisinin dünyadakı ən kəskin qılınc olacağını söyləyir. Mehdinin şəfqətiylə ən qaranlıq ruhlar belə işıqlanacaq.

Musəvi qaynaqlara görə, Moşiyah, yəni Mehdi bütün dünyanı yenidən quracaq və beləliklə insanlar Allaha birlikdə xidmət edəcəklər.

Dəccal Allahsız, dinsiz, homoseksual bir dünyanı hədəfləyir. Bunun edilməsinə imkan verməyəcəyik. Dəccal bunu edə bilməyəcək və məğlub olacaq. Görəcəksiniz, şam kimi əriyəcək. İsa Məsih və Mehdi (ə.s)-ın vəsiləsi ilə Allahın icazəsi ilə yerlə-yeksan olacaq. Elmlə, irfanla, sevgiylə, doğru bilgi ilə, qanunla, hüquqla bu fitnəni yox edəcəyik.

Bütün peyğəmbərlər dövründə edilən alçaq hərəkətlərin, hər dövrdə peyğəmbərlərin mübarizə apardığı alçaq hərəkətlərin min qatı var hazırda. Həmçinin Allah bu bəlanı aradan qaldırmaq üçün Xatəmə vəli olan İmam Mehdi (ə.s)-ı və bütün xristian və müsəlman aləminin sevgilisi olan həzrəti İsa Məsihi göndərir.

Dünya dərin dövləti varsa, bir də Allahın yaratdığı dərin dövlət var. Bunun qətiyyən öhdəsindən gələ bilməzlər. Bunun içində Mehdi (ə.s) var, Xızır (ə.s) var, var da var, yəni mələklər var, cinlər var. Bu, güclərinin heç çatmayacağı metafizik qruplaşmadır.

Hədislərə görə, İsa Məsih (ə.s) ilə Mehdi (ə.s) namaz vaxtı qarşılaşacaq. İsa Məsih, Mehdiyə: "İmam ol, namazı sən qıldır" deyəcək və Mehdi həmin andan etibarən dünyanın imamı olacaq.

Xristianların, haşa “İsa ilahdır” demələri bir çox xristian gəncin dindən uzaqlaşmasına səbəb olur. Bu batil inancı yox etməlidirlər. İsa Məsihə Allahın Peyğəmbəri desən xristianlıq dünyanı əhatə edər. Lakin "İsa Allahdır" desən olmaz. Buna görə də, Avropada böyük kütlə dinsiz oldu.

Sevgi, dostluq yayılsa insanlar çox rahat olacaqlar. İnsanlar bir-birləriylə dost olmaq istəyir, lakin reaksiyalarının nə olacağını bilmirlər. Dostluğu başladan olmur. Məhz bu Mehdi (ə.s) ilə olacaq.

Axırzamanda da müsəlmanlara hər cür əxlaqsız insan zərər vermək istəyəcək. Mehdi dövründə, Mehdi camaatından məhz bir dəstə gənc buna qarşı çıxacaq. Bu qəhrəmanlıq dastanına mehdiyyət deyilir və 40 il davam edir.

Dünyanın sonu gəldi, Allah gözəl bitməsini istəyir. Xristianlıq, yəhudilik və müsəlmanlığın bu cür şirk və pərişanlıq içində olarkən bitməsini istəmir. Hər üçünün də tövhid inancı ilə ehtişamlı şəkildə bitməsini istəyir. Hz. Mehdi (ə.s)-ın zühuru, hz. İsa Məsih (ə.s)-ın enişi və İslamın hakimiyyəti. Onsuz da ardınca sürətli pozulma baş verəcək.

İsa Məsih (ə.s)-ın ən nəzərə çarpan xüsusiyyəti çox kəskin baxışlı olmasıdır. Baxışları bıçaq kimidir, çox ağıllı baxar. Boz gözlüdür, yaşıl deyil, gözləri bozdur. Göz rəngi hz. Yusif (ə.s)-dan gəlir.

İsa Məsih gizli fəaliyyət göstərəcəkdir. Hz. Mehdi (ə.s) daha açıq fəaliyyət göstərər, lakin Allah Mehdini 70 pərdə ilə gizlətdiyi üçün son ana qədər anlaya bilməzlər.

Yeni il bayramını sanki böyük fəlakət kimi göstərirlər. Peyğəmbərimiz hz. Məhəmməd (s.ə.v)-in doğum günü oldu, Mövlud qəndili, iftixarla qeyd etdik, qeyd edirik. Hz. İsa (ə.s)-ın doğum günündə niyə bu qədər dəhşətə düşürlər? O da İslam peyğəmbəridir. O da bizim peyğəmbərimizdir.

Peyğəmbərimiz (s.ə.v) insanları özünə dəvət etmədi. Qurana dəvət etdi. Heç bir peyğəmbər özünə dəvət etmədi. Həmişə Allahın Kitabına dəvət etdilər. Məsələn, hz. Musa (ə.s) Tövrata dəvət etdi. Hz. İsa (ə.s) İncilə dəvət etdi. Mehdi (ə.s) da insanları Qurana dəvət edəcək.

İntihar cinayətdir, qətiyyən olmaz. Gənc qızlar narahat edildikləri və ya təcavüzə uğradıqları zaman heç vaxt intihar etməyi düşünməsinlər. Yaşadıqları hadisə onları heç vaxt alçaltmaz; edəni alçaldar.

Müsəlman sıxılmaz. Boş vaxtı olmaz. Etməyə heç nə yoxdursa gedib gül əkər. Etməyə heç nə yoxdursa ətrafı təmizləyər, gözəlləşdirər. Kitab oxuyar, təbliğ edər, yazı yazar. İnternetdə birinə İslam barəsində, Quran barəsində bir şey öyrədər. Bomboş gəzmək müsəlmana yaraşmaz.

Hz. Xədicə (r.ə) anamız ilk iman gətirən qadındır, vəhyin ilk bildirildiyi qadındır. Peyğəmbərimiz (s.ə.v)-ə ilk yardım edən qadındır. Allah qadının gözəl əxlaqını vurğulamaq baxımından bir dəlil olaraq belə təqdir edir.

Qurandakı bütün peyğəmbərlərin əxlaqına nail olmağa çalışmaq məcburiyyətindəyik. Məsələn hz. Süleyman (ə.s)-ın ehtişamına, onun gözəllik anlayışına, incəsənət və estetika anlayışına heyran olub ona bənzəmək məcburiyyətindəyik. Bəzi müsəlmanlar digər peyğəmbərləri yad hesab edir, bu çox yanlış aspektdir.

Bəzi müsəlman qardaşlarımızın xətası, hz. Süleyman (ə.s)-ı, hz. Musa (ə.s)-ı, hz. İbrahim (ə.s)-ı sanki yox hesab edirlər, başa düşmürlər. Halbuki Peyğəmbərimiz (s.ə.v)-in həyatı kimi, onların həyatı da çox əhəmiyyətlidir. Allah, biz onları da nümunə götürək, deyə bildirir.