Adnan Oktar A9 TV; 1 mart 2017

Şeytan insanların arasının dəyməsi üçün dünyaya sevgisizlik cadusu etdi. Bu cadunu israrla Allahdan və sevgidən bəhs edərək yox edəcəyik.

Zəlzələdə evləri dağılanlar sədəqə hökmündə, yaralananlar qazi hökmündə savab qazanırlar. Hamısına Allah uzun ömür versin.

Xurafatlar ilə müsəlmanlığı ola biləcək ən ürküdücü hala gətiriblər. Gülməyi, zarafatlaşmanı belə qadağan ediblər. Şeytan acı bir oyun oynayıb.

Qadınla kişi qohum belə olsa bir yerdə yemək yeyə bilməz deyənlərin çox azğın zehniyyəti var. Həccdə qadın və kişi birlikdə ibadət edir.

Bir insan sevgini itirmiş, nifrətlə dolmuşdursa insanlığını itirmiş, müəyyən mənada şeytan olmuşdur. Belələrinin sözləri mömini daha da şövqləndirər.

İnsanların bir hissəsi sevgini, ehtirası, iman dərinliyini bilmədikləri üçün insana bənzəyən, lakin insanlığı bilməyən şeytani varlıqlar olurlar. Bəzi insanlar da sevgini bilməyənlərin əxlaqsızlığına təəccüblənirlər. Təəccüblənəcək bir şey yoxdur, nifrət dolu insandan nifrət axar, gözəllik deyil.

Şeytanın ən çox qarşı olduğu mövzu sevgidir. Hədəfi sevgini və gözəlliyi yox etməkdir. Nifrət və şiddət filmləri bilmədən buna xidmət edir.

Allah istəsə hər kəs iman edər. Biz ibadət olaraq səy göstəririk. Allah bizim səyimizi ibadət olaraq istəyir.

Şeytan həmişə insanları doğru yoldan azdırmaq istəyər. Münafiq də möminlərin birliyinin pozulmasını, işlərinin müvəffəqiyyətsiz olmasını istəyər.

Müsəlman əxlaqi cəhətdən çökmüş, nifrətə qərq olmuş, korlanmış insanları xilas etməyi hədəfləyər. Onların qurtulması üçün səy göstərmək ibadətdir. Müsəlman birinci növbədə müsəlmana deyil, İslamı heç tanımayan, şeytanın təsirinə qapılmış insanlara təbliğ edər. Bizim əsil təbliğimiz bu kütləyədir.

Quranda zirehə diqqət çəkilmişdir. Tədbir almaq, lazımi mühafizə tədbirlərinin alınması ibadət hökmündədir.

İmtahanın uzunluğu və güclü olması o insanın lehinə olar. İnsana nə qədər çox əziyyət, sıxıntı, çətinlik gəlirsə, deməli, o, bir o qədər çox savab qazanır.

Müsəlman təbliğ etməklə məsuldur. Qarşı tərəf dinləsə də, dinləməsə də, müsəlman təbliğ etmiş olmanın savabını qazanar.

Münafiq ən yüksək xüsusiyyətdə mənfi qüvvə olduğu üçün münafiqlə elmi mübarizə aparmaq möminin savabını ən yüksək nöqtəyə çıxarar.

Vəsvəsə insana həmişə gələr. İman vəsvəsəyə qarşı mübarizənin adıdır. Nəfsin hücum edər, şeytan hücum edər, başından min hadisə keçər, sən ona qarşı müqavimət göstərərsən.

Qəzəblənməyən insan ibadət zövqünü alar, biz pisliyə qarşı hər zaman bağışlayıcılıqla, şəfqətlə cavab verərik. (Fussilət surəsi, 34: Yaxşılıqla pislik eyni ola bilməz. Sən, ən gözəl tərzdə (pisliyi) uzaqlaşdır; bu zaman, (görərsən ki,) səninlə onun arasında düşmənçilik olan kimsə, sanki mehriban dost(un) olmuşdur.)

İbadətdə hüzur və ağıl var. Əgər insan namaz qılanda, dəstəmaz alanda, Quran oxuyanda, xeyir iş görəndə yorulursa, deməli, şeytan onunla oyun oynayır. Allah bütün ibadətləri zövq alacağımız və asan olacaq şəkildə yaradıb.

Pis söz söyləyən müsəlmana savab qazandırar. Biz dünyaya savab qazanmaq üçün gəlirik inşaAllah. Pis söz sahibinə əzab və sıxıntı gətirər.

Allah istəsə İslam əxlaqı dərhal hakim ola bilər, lakin müddət uzun olur, niyə? Çünki imtahan əhatəli olsun, savabı çox olsun deyə.

Mömin imanını qətiyyən itirmək istəməz, bundan çox qorxar. Məhz imanını itirmək istəməməyi, iman əlamətidir. Yoxsa vəsvəsə gələr, düşünər. Lakin şüur altında iman edir. Bir kərə Allaha inanmışdır.

İman, şüur altındakı səmimi imana deyilər. Yoxsa insanın ağlı onsuz da gedib gələr. Yəni ağlından hər cür fikir keçər. Məsələn, bu doğrudurmu, bu yanlışdırmı.. Beyin budur. Beyindəki fikirlər qəribə fırtına kimidir. Bu imanla əlaqəli deyildir. Bunun adı vəsvəsədir. İman kök salmış bir şeydir. Yəni şüur və vicdanla sıx əlaqədə olan, qəlbən gətirilmiş səmimi qənaətə iman deyilər.

Ömür boyu mömin olmuş bir insanın; "Görəsən öləndə imanımı qoruyub saxlaya biləcəyəm?" sualı ilə narahat olması şeytanın vəsvəsədir. Bunu düşünməyə qətiyyən ehtiyac yoxdur. Belə şey olmaz. Yəni əsas məsələ səmimi və şüur altında olan imandır. Yoxsa insanın ağlına çox şey gələ bilər, bunların heç bir əsası yoxdur. Allah buna bütöv formada baxar.

Vəsvəsəyə qarşı aparılan mübarizədə qalib gələnə imanlı deyilər. Vəsvəsə həmişə olar. Şeytan səndən əl çəkməyəcək. Bədiüzzaman: "Şübhə orduları gəlsə də təhqiqi iman yox olmaz" deyir. "Amma təqlidi iman məğlub olar" deyir. Bunun üçün də, biz iman həqiqətləriylə əlaqədar kitablar hazırlayıb bunları sizə çatdırırıq. Yəni şübhə ordularına qarşı mübarizə aparmağınız üçün. Bu mübarizə nəticəsində müsəlman qəhrəman olur, Allah Qatında dəyərli olur.

Namazda vəsvəsəyə qapılmamaq lazımdır. Çünki sən namazdan çəkinmirsən. Dəstəmazdan da çəkinmirsən. Dəstəmaz almağa getdiyinə görə, deməli çəkinməmisən. Əlini üzünü yuyursan. Nə lazımdırsa edirsən. Onda niyə narahat olmalısan ki?

Atatürkün göstərdiyi xidmətin mində birini göstərə bilməyənlərin Atatürkü tənqid etmə haqqı yoxdur. Atatürkün yaratdığı müasirlik çox qiymətlidir.