Adnan Oktar A9 TV; 22 iyul 2013

Qatı dinçilik Allaha qarşı savaşmaqdır. Allahla savaşan itirər.

Müsəlman qardaşlar Allah xatirinə bu qatı dinçilikdən imtina edib Qurana sarılsınlar. Çox rahatlayacaq, məsələ də həll olub bitəcək. Qatı dinçilik hər yerdə əzilir, qatı dinçiliyə Allah rahatlıq verməz. Mümkün deyil.

Qurana tam əməl etsələr Allah fərahlıq, rahatlıq verəcək. Qurana, Allahın Kitabına heç cür güvənmirlər. Güvənib Qurana əməl etsələr məsələ bitəcək. qatı dinçilikdən, uydurmalardan əl çək.

Qatı dinçiliklə İslam fərqli-fərqli anlayışlardır. Qatı dinçilik İslamı yox etmək üçün şeytan tərəfindən ortaya çıxarılmış zülm sistemidir. Müşrik qadınlar və müşrik kişilərdən ibarət olan bir birlikdir. Qurana tabe olan "Quran müsəlmanı" həqiqi müsəlmandır.

Qatı dinçilər İslam Birliyini, mehdiyyəti istəmir. Bunlar necə müsəlmandır. Bütün müsəlmanları müsəlman hesab etməyən müsəlman ola bilərmi? Düşmən olmadığı insan qalmayıb, deməli, sevgisiz insanlardır. Sevgi İslamın ruhunda, Quranın ruhunda olan əsas mövzudur.

Qatı dinçilik zehniyyəti içində yəhudi düşmənçiliyini guya müqəddəs hesab edənlər var. Yəhudilər Kitab əhlidir, Allah onlara zülm edilməsinə razı olmaz.

Quranın səmimi şərh olunması əhəmiyyətlidir. Qatı dinçi əlində Quranla vəhşilik edər, hz. Mehdi (ə.s) isə əlində Quranla dünyanı cənnətə çevirər.

Avropa qatı dinçi olan zehniyyət qarşısında dəhşətə düşür və bunun həllinin mehdiyyət olduğunu da təzəcə öyrənir. Görəcəksiniz, ABŞ və Avropa mehdiyyəti bütün gücləri ilə dəstəkləyəcəklər.

Axırzamanda qatı dinçilər və xurafatçıların bir qismi eqoistlik edəcək, böyüklük göstərəcək, azğınlaşacaq, fironlaşacaqlar. Amma Mehdi (ə.s)-ın tələbələri bütün müsəlmanlara qarşı təvazökar və mehriban olacaqlar.

Mən İslamın fanatı olmağın tərəfdarı deyiləm. Avropa düşüncəsi ilə yanaşdıqda, səhabələrin yaşadığı, cənnət mənasında bir İslam anlayışını müdafiə edirəm. Dünya cənnətə bənzəməlidir. Cəhənnəmə bənzəyirsə, demək ki, nəsə düz deyil.

Misirdə bir tərəfdə müsəlman, imanlı insanlar var, bir tərəfdə də yenə iman edən, amma qatı dinçilikdən çəkinən insanlar var. Hər iki tərəfi Mehdi (ə.s) birləşdirəcək. Çünki mehdiyyət müasir, mehriban, dinc, gözəl bir İslam anlayışını ortaya qoyur. Mehdiyyət hər iki tərəfin qəbul edəcəyi sistemi ortaya qoyan insan və inancdır.

İslam aləmini qatı dinçilik sıxıb qovurur. İhvan buna fikirlə bir zərbə endirsin, müasir İslam anlayışını, səhabə İslam anlayışını ortaya qoysun.

Mütləq yaxşılar və pislər olacaq. Yaxşılarla pislər mübarizə edəcək, amma pislər məğlub olacaq. Yaxşılar isə qalib gələcək. Onlar cənnətə hazır, öyrədilmiş vəziyyətdə gedirlər. Sevginin, şəfqətin, mərhəmətin, estetikanın, gözəlliyin, keyfiyyətin insanları olaraq cənnətdən həzz alarlar. Əgər insan bu təhsili almasa, cənnət onun üçün bir şey ifadə etmir.

Yaşamaq çətindir, insan dünya həyatında onsuz da çətinlik içində imtahan verir. Bununla yanaşı bir də qatı dinçilik olduqda bunu heç kim qəbul etməz.

İmtahan o qədər əhəmiyyətlidir ki, imtahan verməsək cənnət mənasız olar, Allah göstərməsin. Bu, çox mühüm məsələdir. Sevgi öz mənasını tapır. Çünki sevgini öyrənmək lazımdır. Səbir, şəfqət yoxdursa, kainat mənasız olur.

Dünya imtahan məqsədi üçün yarandığına görə, dünyada həm mələk kimi, həm də şeytan kimi insanlar var.

Allah uşağı da tərbiyə edər. Quranda hz. İsmayıl (ə.s)-ın, hz. Yusuf (ə.s)-ın başına gələn hadisələrdə olduğu kimi, uşaqlar da imtahan olunar. Allah uşaqları da çətinliklərlə, asanlıqlarla sınayar ki, böyüyəndə onu xatırlasın. Böyüdüyündə onu xatırlaması imtahanın bir şərtidir.

Yaxşıların qiymətinin bilinməsi üçün Allah xətaları da yaradar, səhvi olan insanları da yaradar. Hər zaman yanlış insanlar olar, səhvli insanlar olar. Amma yaxşılar səhvi olan insanların içərisində fərqlənir. Xətalı insana ehtiyac vardır. O zaman imtahanın sirri ortaya çıxar, inşaAllah.

Haqq yolda irəliləyərkən Allah imtahan olaraq çatışmazlıqlar, tərsliklər də yaradır. Amma sonunda haqq qalib gəlir. Mütləq ziddiyyətlər olacaq. Çətinliklər mütləq olacaq. Əks halda imtahanın bir mənası qalmaz.

Çox qısa kursdayıq, çox qısa. Gecə-gündüz təhsil alırıq, özümüzü təkmilləşdiririk, cənnət tərbiyəsi alırıq. Cənnət tərbiyəsi almadan cənnətə getsək robot kimi olarıq. Cənnətdə sonsuz zövq almağımız üçün bu təhsildən keçməyimiz lazımdır.

Dünya çox qısadır, hamımız gedəcəyik. Hamımız inşaAllah cənnətə gedərik. Qısa bir imtahan dövründəyik. Əhəmiyyətsiz şeylər üçün bir-birimizi qırmayaq, xəcalətli etməyək, kədərləndirməyək, ağzımızdan çıxacaq sözlərə fikir verək.

Belə rahatlıqla evlərinizdə oturub çeklə, sənədlə, ticarətlə məşğul olmağınız, məktəblərinizi bitirib, evlənib, işinizdə-gücünüzdə olmağınız bir başqa dünya olur. Belə bir şeyə Allah icazə verməz. Allah dünyanı bunun üçün yaratmadı. Allah, Mehdi (ə.s)-ın zühurunu, İsa Məsihin zühurunu, İslamın dünyaya hakimiyyətini istəyir.

Bura oyun, əyləncə yeri deyil və yaxud yaşanacaq yer deyil. Biz bura imtahan olunmaq üçün gəldik.

Allah səbri əsas götürür. Bura imtahan yeridir. Axşam nişan, səhər toy olmaz. Mütləq ki, əziyyətli uzun bir dövr keçəcək. İmtahan olunacaqsan.

Amerikanı, Rusiyanı fərqli bir güc zənn edirlər. Bütün güc Allahındır. Atoma, elektrona hər şeyə hakim olan Allahdır. Sonsuzluğa hakim olan da Allahdır.