İlk Öncə
Uşaqlar!
Heç düşünübsünüzmü?
Dünyamız necə yaranıb?
Günəş və Ay necə meydana gəlib?
Dənizlər, ağaclar, heyvanlar necə meydana gəliblər?
Qapqara və heç bir qoxusu olmayan torpaqdan rəngarəng və çox qəşəng qoxusu olan banan, gilas, alça, çiyələk necə çıxır? Onlara kim qoxu və rəng verir?
Bapbalaca arı çox ləzzətli bal düzəltməyi haradan bilir? Hər tərəfi düzgün olan pətəyi necə düzəldə bilir?
İlk insan kim olub?
Siz ananızdan doğulubsunuz. Amma ilk insanın anası və atası olmayıb. Bəs onda insan birdən-birə ortaya necə çıxdı?
Bu kitabda bu sualların hamısının doğru cavablarını öyrənəcəksiniz. Doğru cavabın nə olduğunu heç bilirsiniz? Ətrafınızda gördüyünüz hər şeyi- dostlarınızı, ata-ananızı, dünyanı, günəşi, çox sevdiyiniz yeməkləri, meyvələri, rəngli gülləri, it və pişikləri, qarışqaları, quşları, kəpənəkləri və s. hər şeyi Allah yaradıb. Sizdən soruşmuşduq ki, bapbalaca arı çox ləzzətli bal düzəltməyi haradan bilir? Bax, həmin arıya bal düzəltməyi Allah öyrədib.
Ancaq bu mövzuda yalan danışan insanlar da var. Onlar hər şeyi Allahın yaratdığına inanmırlar. Hər şeydə yalan danışırlar. Həmin adamlara “təkamülçü”, danışdıqları yalana isə “təkamül nəzəriyyəsi” deyilir.
Biz də sizin doğru olan şeyləri yaxşı öyrənməyiniz üçün öncə doğru olanlardan bəhs edəcəyik. Kitabın ikinci hissəsində isə təkamül nəzəriyyəsinə inananların insanları necə aldatdıqlarından danışacağıq. Bu kitabı oxuyandan sonra bir gün biri gəlib sizə desə ki, təkamül nəzəriyyəsinə inanın, onda siz də bunu yalan olduğunu və hər şeyi Allahın yaratdığını deyə bilərsiniz.
