Qara Torpaqdan Rəngarəng Bitkilər Necə Çixir?

Ananız hər gün yemək hazırlayır və sizi süfrəyə çağırır. Süfrədə müxtəlif meyvə və göyərtilər olur. Bəs heç düşünübsünüz ki, bunlar haradan gəlir?

Bütün bitkilər, çiçəklər, meyvələr və göyərtilər qara torpaqda yetişir. Qapqara və heç də gözəl qoxusu olmayan torpaqdan qıpqırmızı gül və ya çiçək, ya da içi su ilə dolu sarı və ətirli limon necə çıxır? Bununla yanaşı, hər bitkinin, meyvənin, çiçəyin rəngi, qoxusu və dadı tamamilə fərqlidir. Məsələn, ərik, şaftalı, qarpız, portağal, gilas, çiyələk, üzüm, banan, əncir və başqa bitkilər tamamilə fərqli dad, qoxu və formalara malikdir. Allah hamısını bizim üçün yaratmışdır. Hamısının həm dadı ləzzətlidir, həm də faydalı vitamin və minerallarla zəngindirlər. Qışda və yayda həmişə fərqli meyvələr yetişir və hamısı ehtiyacımızı qarşılayır. Məsələn, qışda yetişən portağal, mandarin, qreypfrut kimi meyvələrdə çoxlu miqdarda C vitamini olur. C vitamini isə qışda soyuğa qarşı vücudumuzun gücünü artırır. Yayda isə gilas, qarpız, yemiş və şaftalı kimi bol suyu olan meyvələr yetişir. Yayda havalar çox isti olduğuna görə bədənimiz su çox itirir və yediyimiz meyvələr sayəsində bu suyun bir qismini geri alırıq.

Bax, bunların heç biri təsadüfən olmayıb. Yəni qarpız təsadüfən bir gün qərar verib yayda bitməyə başlamayıb. Yaxud da hamısının dadı və qoxusu təsadüfən gözəl olmayıb. Heç bir meyvə öz qoxusunu özü müəyyən edə bilməz. Məsələn, bir portağal: “Mənim qoxum belə olsun, dadlı olum, rəngim bu olsun, dilim-dilim olum ki, insanlar məni rahat yesin”, -deyə qərar ala bilərmi?

Əlbəttə, ola bilməz!

Allah insanlara asanlıq olsun və yediklərindən zövq alsın deyə, meyvələri bu özəlliklərlə yaratmışdır. Buna görə də xoşumuza gələn şey yeyəndə bunu bizim üçün yaradanın və bunu bizə verənin Allah olduğunu heç unutmamalıyıq. Allaha bizə verdiyi və göstərdiyi gözəlliklər üçün şükür etməliyik.