Adnan Oktar A9 TV; 24 Mart 2013

Çoxluqla öyünməyi Allah bəyənmir. Bəzi xurafatçılar "Bizim sayımız çoxdur" deyir, onunla öyünür. Halbuki, bu bərəkətsizdir. Çoxluq əhəmiyyətli deyil. Allahın razılığı, keyfiyyət əhəmiyyətlidir.

Sevən qəlb sağlam olan qəlbdir, nifrət edən qəlb isə xəstədir.

Dünyada mehdiyyəti bizim qədər ağıllı, elmi dəlillərə, qaynaqlara əsaslı şəkildə isbat edən, Risalə-i Nura, hədislərə, Qurana əsaslanan şəkildə, isbatlı izah edən heç bir birlik yoxdur.

Ehtirasın təqlidi olmaz, ehtirası Allah yaradar. Allaha tam təslim olanda ehtiras böyüyər. Həqiqi ehtiras da, qarşı tərəfə Allah rizası üçün hiss edilər.

Biz İsrailə, yəhudi qardaşlarımıza Allah rizası üçün şəfqət göstəririk. Heç bir mənfəətimiz yoxdur. Əksinə bir çox təhlükə ilə, çətinliklə qarşılaşırıq. Bu mövzuda səylərimizi təkcə Allahın təqdirinə təqdim edirik, inşaAllah.

Türkiyə olaraq bir böyüklük iddiamız yoxdur. Böyük olan Allahdır. "Türkiyə böyük qardaş"dır. Belə deyil. Türkiyə Allah rizası üçün xidmət etməyə, xidmətçiliyə namizəddir.

Təvazökarlığı qəbul etməsən, lovğalansan, təkəbbürlü olsan Allah bəla verər. Allah göstərməsin. Amma məzlum, təvazökar olsan bərəkət, hüzur, dinclik gəlir. Daxilin, xaricin, hər yerin nur olar. İşlərin rahatlıqla gedər. Əks təqdirdə Allah hər yerindən, hər şeydən çətinliyə salar. Bərəkət, hüzur, dinclik, ağıl, fikir, nur qalmaz. Allah əsirgəsin. Allah üzərinizdən nurunu qaldırar.

Yüksəkdən baxmaq çox alçaq bir hərəkətdir. Niyə yüksəkdən baxırsan? Ayaq ol, torpaq ol, təvazökar ol. Torpaq olanı da başımızın tacı edərik.

Bizi Allah, Quran, İslam Birliyi maraqlandırar. Allah bütün dünyaya hakimdir. Biz yaxşı olsaq səhv yolda olanlar bizə zərər verə bilməz. Güc Allahındır.

Cənab Allah "Qədr gecəsi min aydan daha xeyirlidir" deyir. İsa Məsih də, bəlkə, Qədr gecəsində endi." O gecə Rəbbinin izni ilə mələklər və Ruh (Cəbrayıl) hər işə görə yerə enirlər. (Qədr surəsi, 3-4) deyir. Məsih də, deməli, Cənab Allahın icazəsi ilə Qədr gecəsində enəcək.

Müsəlman "Niyə İslam Birliyi hələ yaranmadı, niyə əziyyət çəkirik, niyə bu çətinliklər var?" deməməlidir. Səbir etməlidir. Çünki səbrin sonunda cənnət olur, Allahın razılığı olur. Səbir yoxdursa itirdin.

İxlas bir şeyi yalnız Allah rizası üçün etməkdir. Yəni insanların təqdiri üçün etsə o etdiyi tamamilə faydasız olar, itər. Saflıqla "Allah nə deyər?", "Allah bəyənərmi?", "Allah razı olarmı?", "Allah məmnun olarmı?" müsəlman bunları əsas götürəcək. Bunu unutmamaq lazımdır. İxlasın əsas xüsusiyyəti budur.

Xurafatçılar, dəccaliyyət hücum edir deyə müsəlman hüznə qapılmamalıdır. Nizam hiylə ilə qurularkən o nizamın qurulmasını Allah müəyyənləşdirir. Allah hikmətlə yaradır.

Qardaşlarımız namaza sevinclə qalxsın. Nə gözəl, qalxdığımızda tərtəmiz dünya görürük. Səhər yerindən iflic də qalxa bilərsən. Qalxarsan ayağın yer tutmaz, ağzın əyilmiş vəziyyətdə ola bilər. Yaxud qalxdığında cəhənnəmə getmiş də ola bilər. Nə gözəl, Cənab Allah məmnuniyyətlə, bərəkətlə oyandırır.

Mehdiyyət yolu daim açıq olan yoldur. Digər yollar həmişə bağlıdır. Gedəcəyini zənn edərsən, başını divara vurarsan. Gedəcəyəni zənn edərsən, başını daşa vurarsan. Mehdiyyət yolunda quş kimi uçarsan. O yoldan ayrılmasan quş kimi uçarsan, heç bir maneə ilə qarşılaşmazsan.

Osmanlı gözəl idi, amma İslam Birliyi qeyri-adi gözəl olacaq.

Bura əyləncə yeri, kazino deyil. İmtahan yeridir. İnsanlar burada əylənəcəyini zənn edirsə, o zaman çek-sənədlərlə məşğul olarıq, evlənərik, toy edərik, işimizdə, gücümüzdə olarıq. O zaman Allah rahatlıq verməz. Allah "Mən imtahan üçün yaratdım" deyir. Allah, anlamırlarsa anlayacaqları dildən izah edir.

Allah Duha surəsinin 8-ci ayəsində peyğəmbərimiz (s.ə.v)-ə belə buyurur: " Kasıb olduğun zaman səni varlandırmadımı? ". Peyğəmbərimiz (s.ə.v)-in zəngin olduğunu bildirir. Fanatiklər, haşa, "Yox, zəngin deyildi" deyirlər. Bu iddia Qurana uyğun deyil. Peyğəmbərimiz (s.ə.v) o dövrün ən zəngini idi.

Atatürkdə həm Osmanlı saray nəzakəti, həm də İngilis nəzakətliliyi vardı. Çox nümunəvi, mükəmməl bir insan idi.

Peyğəmbərimiz (s.ə.v) baxımlı olmağı təşviq edərdi. Şəxsən özü də çox baxımlı idi. Qapqara saçlarına tərtəmiz gözəl qoxulu briyantin çəkirdi. Gözlərinə ismit deyilən sürmə çəkirdi.

Atatürkü ağıllı insanlar sevər. Atatürk çox nümunəvi, keyfiyyətli bir Osmanlı gənci idi. Son dərəcə məqsədəuyğun hərəkətlər etdi, fanatikliyi, xurafat düşüncəni sanki kilidlədi.

Ərəb dilini bilməyən tək alim Mehdi (ə.s)-dır. Elə bir alim olmayıb ki, ərəb dilini bilməsin. Hamısı ərəb dilini su kimi bilərlər. Peyğəmbərimiz (s.ə.v) bir tək onun üçün xüsusi olaraq söyləyir. "O ərəb dilini bilməz" deyir. Bir tək onun üçün deyir, möcüzədir.

Yəhudilərə, xristianlara qarşı bizim qədər şəfqətli olan birlik yoxdur.

Kimsə İslam Birliyini istəyir , amma, haşa, Allah, peyğəmbər, Mehdi (ə.s) olmadan istəyir. Bu düzgün deyil. Allaha, peyğəmbər (s.ə.v)-ə, peyğəmbər (s.ə.v)-in göndərdiyi liderə, İsa Məsihə tabe olacaqsan. Bundan başqa yol yoxdur.

Çətinlik hər kəsdə olar. İmtahanın gərəyi bu dünyada çətinlik olar: ilıq su içmək, bədəni susuz qoymamaq, yuxusuz qalmamaq, bir az hərəkət etmək. Amma ən əhəmiyyətlisi Allaha aşiq olmaq, tam təslim olub təvəkkül etmək, özünü tamamilə Allaha həsr etmək, heç bir şəkildə səbəbin, vəsilənin əsas olmadığını bilməkdir.