Adnan Oktar A9 TV; 1 Mart 2013

Qardaşlarımız namaza sevinclə qalxsın. Nə gözəl, qalxdığımızda tərtəmiz dünya görürük. Səhər yerindən iflic də qalxa bilərsən. Qalxarsan ayağın yer tutmaz, ağzın əyilmiş vəziyyətdə ola bilər. Yaxud qalxdığında cəhənnəmə getmiş də ola bilər. Nə gözəl, Cənab Allah məmnuniyyətlə, bərəkətlə oyandırır.

Fanatiklərin tək bir üslubu olur, o da çox keyfiyyətsiz olur. Geyimləri, yeməkləri, həyat tərzləri çox zövqsüz olur.

Daxili İşlər Nazirimizi Bədiüzzamana göstərdiyi hörmətə görə təbrik edirik. Ustadımıza olan sevgisi ilə könülləri fəth etdi.

Allah mehdiyyətin, İsa Məsihin yolunu açmışdır. Bundan başqa bütün yollar bağlıdır. Nəhayətdə Allahın təqdir etdiyi olar.

Xurafatçılar, dəccaliyyət hücum edir deyə müsəlman hüznə qapılmamalıdır. Nizam hiylə ilə qurularkən o nizamın qurulmasını Allah müəyyənləşdirir. Allah hikmətlə yaradır.

Şöhrət ehtirası müsəlmana yaraşmaz. Nəfsin tərbiyə edilməsi üçün daim insan nəfsini acizlik içində görməlidir. Allaha təslim olacaq, qardaşlarını çox sevəcək, məhəbbətlə baxacaq. Onların xidmətçisi olmağın həyəcanını yaşayacaq.

Türkiyə olaraq bir böyüklük iddiamız yoxdur. Böyük olan Allahdır. "Türkiyə böyük qardaş"dır. Belə deyil. Türkiyə Allah rizası üçün xidmət etməyə, xidmətçiliyə namizəddir.

Alpərənlər canımızdır. Çox gözəl əxlaqlı, məmləkətin canları olan, Anadolu əxlaqını ən gözəl təmsil edən vəli xasiyyətli insanlardır, maşaAllah.

Yəhudilərə, xristianlara qarşı bizim qədər şəfqətli olan birlik yoxdur.

Allah qədərdə İslam Birliyinin yolunu açdı, səddini qaldırdı. Yəni o səddin yıxılması çox əhəmiyyətli idi. Cənab Allah o maneəni aradan qaldırdı. Daha əvvəldə maneə yaradan Allah idi.

Sevən qəlb sağlam olan qəlbdir, nifrət edən qəlb isə xəstədir.

Gözəl olan İslam Birliyidir, qardaş olmaqdır, hər kəslə qucaqlaşmaqdır. Düşmənimiz qalmasın. Düşmən insana çətinlik verər, böhrana salar. Dünyada düşmənimiz qalmasın. Düşmənimiz təkcə şeytan olsun. Dəccaliyyəti elmlə, mədəniyyətlə yox edək, qardaş olub, gözəl şəkildə yaşayaq.

Döyüşsüz marksist düşüncə olmaz. Marksizm, marksist düşüncə, bu ideologiya sona qədər qan tökmək üzərinə qurulmuşdur. Qandan imtina etdiyində adamlar onsuz da onu inkar etmiş olar. Elə bir şey olmaz. Marksist düşüncə heç bir şəkildə qan tökməkdən imtina etməz. Marksist düşüncə elmlə, ağılla, sənətlə aradan qalxar.

Ən gözəl olan şeylərin cəminə din deyilir. Fanatikliyi heç kim istəməz, amma sevgini, yaxşılığı, gözəlliyi hər kəs istəyər.

Nur surəsində başın deyil, sinənin örtülməsi əmr edilir. Quranda başı örtməklə əlaqədar bir hökm yoxdur. Ancaq Əhzab surəsində bildirilən təhlükəli yerlərdə çarşab geyinilməsi ilə bağlı ayə çadranı da ora daxil edən hökmdür. Çünki çarşab bir xanımı başdan ayağa kimi örtən bir geyimdir.

Xristianlara və yəhudilərə şəfqət göstərmək qardaşlarımızın daimi xüsusiyyəti olmalıdır, inşaAllah.

Bizim dövlətimizə, millətimizə qarşı kimsə qoçuluq etməsin. Millətimiz qanuni yolla, hüquqla bunun cavabını verər.

Müəmmalı ifadələrlə, eyhamlarla fərz hökmləri verilməz. Allahın axirətdə bizi sorğu-sual etməsi üçün möhkəm hökmün olması lazımdır. Allah "buna işarə etdim, niyə anlamadın?" deməz. "Açıq şəkildə söylədim, niyə başa dümədin?" deyər. İşarə ilə, dolayı yolla fərz olmaz. Bu, Cənabı Allahın ədalətinə uyğun olmaz.

Allah sevgi üçün insanlara müxtəlif yollar göstərir. Müxtəlif izahatlar göstərir. Peyğəmbərləri göndərir. Nəticədə ortaya çıxan yol sevgi olur.

Terror ağılla, elmi yolla bitirilməlidir. Bunu təkcə mən yox, əvvəla Cənabı Allah Quranda söyləyir, peyğəmbərimiz (s.ə.v) hədislərində ifadə edir, Atatürk, Bədiüzzaman söyləyir. Ağıl belə olduğunu deyir. Bu edilməlidir.

Dünya imtahan dünyasıdır, bir qapıdan girilib, bir qapıdan çıxılır. Hamımız o şərəfə, gözəlliyə çatacağıq, inşaAllah. Rəbbimizin qatına çıxacağıq. Cənabı Allah bildirir ki, hər nəfs ölümü dadacaq. Bir “gözəl dadmaq”, bir də “ağrılı dadmaq” var. Allah gözəl dadanlardan olmağı nəsib etsin.

Cənabı Allah deyir:"Hər nəfs ölümü dadacaqdır". Bir “bal kimi dadmaq” var, gözəl ətir verilərək, gözəlliklə, iltifatlarla, məmnuniyyətlərlə, cəsarətləndirərək, Allah xatırlanaraq, təkbirlərlə gözəl şəkildə can alınması var. Birdə sillə ilə, yumruqla, qaranlıq içində süründürülərək, alçaq, rüsvay edilərək can alınması var. Allah bizləri gözəl canı alınan möminlərdən etsin. Can gözəl alınsa onsuz da cənnətə zəmanət verilir, inşaAllah.

Quranda mehdiyyət ən incə təfsilatına qədər izah edilmişdir. Mehdi (ə.s) harada qalır, nə edəcək, bütün incəliklərinə qədər vardır, diqqətlə baxan hamısını görər.

Mehdiyyətin, İsa Məsih (ə.s)-ın və Mehdi (ə.s)-ın dəstəyini alan bir hərəkət mütləq müvəffəqiyyətli olar.

Namazı Quranda təsvir edildiyi kimi səmimiyyətlə, tərtəmiz qılmalısınız. Qarışıq bir şey yoxdur. Sevinclə, sevgi ilə, hüzur, dincliklə namazı qılmalısınız. Namazı qarışıq hala gətirməyə cəhd etmək şeytanın rəftarıdır. Şeytan qarışıq hala gətirər ki, insanlar namaz qıla bilməsin.