Adnan Oktar A9 TV; 23 may 2017

Ateistlər içində çox tərbiyəli, alicənab, nəzakətli olanlar var. Ateistlik güclü şübhənin adıdır, ateistlərlə danışaraq, şəfqət və hörmətlə yanaşaraq Allahın mövcudluğunu izah etmək lazımdır.

PKK-nın beyninin dağıdılması darvinizmin çökdürülməsi ilə mümkün olar. Darvinizmin çökdürülməsi dünyadakı bütün ateist sistemə elmi zərbə olar.

Həqiqi masonluq ziyalı, fikrə və inanca hörmət göstərən, qadına və incəsənətə dəyər verən, Allaha iman gətirən minlərlə illik mənşəyi olan qədim quruluşdur. Həqiqi masonluq, kiçik, masonluqdan müstəqil öz-özünə təşkilatlanmış, ateist, dinsiz, mason olduğunu iddia edən quruluşlara heç fikir verməz.

Bir çox ölkədə masonluqdan kənar mason deyə ortaya çıxan kiçik qeyri-qanuni quruluşlar da var. Bunların masonluqla bilavasitə əlaqəsi yoxdur. Ateist, mənfəət üçün masonluğa gizlincə daxil olmuş insanları və ya özlərini mason kimi göstərən kiçik quruluşları əhəmiyyətli görməmək lazımdır.

Masonluqdakı ateist masonların və maddi mənfəət üçün bu quruluşa girməyə çalışanların əslində masonluqla əlaqəsi yoxdur. Hal-hazırda masonluqda ateistliyin zəiflədiyi və təsirinin azalmağa başladığı dövrdəyik.

Mən ateist qardaşlarımın düşüncəsinə hörmət edirəm, hamısına dostluqla, qardaşlıq duyğusu ilə yanaşıram.

Deist də olan çox dostum var, ateist də. Bu insanların dürüstlüyü gözəl xüsusiyyətdir. Münafiq və müşrik isə səmimiyyətsizdir, ikiüzlüdür.

Çin xalqının böyük əksəriyyəti ateist yetişdirildiyi üçün soyuq, sevgisiz və mərhəmətdən uzaqdır. Onlara İslamı izah edək, bu bəladan xilas edək.

Ateist dürüstdür, mən inana bilmirəm deyə açıqca söyləyər. Münafiq isə namərddir, xaindir, alçaqdır. Müsəlmanları daxilən gəmirməyə çalışar.

Ateist və ya dinə inanmayan biri öyrənmək məqsədi ilə din haqqında istədiyi sualı soruşa bilər. Nə üçün bunu soruşursan deyilməz.

Ateist olana təzyiq göstərmək çox yanlışdır. Açıqca, dürüst şəkildə inana bilmədiyini söyləyir. Təzyiq olduqda insanlar münafiqliyə üz tutar Allah qorusun.

İngiltərə dərin dövlətinin yönləndirməsi ilə ateistlər və homoseksuallar arasında ən geniş yayılmış din rumilikdir. Bu Anadoluda məlum olan mövləvilik deyil.

Dünyəvilik, dindarla dinsizin və hər inanca sahib insanın eyni vətəndaşlıq hüquqlarına sahib olaraq bərabər yaşamasıdır. İnancından ötrü insanlara təzyiq göstərilməməsidir. Ateistə sən necə ateist ola bilərsən deyə təzyiq göstərilə bilməz. Heç kimin paltarına, həyatına qarışmaq olmaz. İstərsə çarşab, istərsə də mini yubka geyinər. Quranda; "sizin dininiz sizə, mənim dinim mənədir" hökmü var. Bu hökm dünyəviliyin ən gözəl tərifidir.

Bəziləri incəsənət adı altında şüur altı azğın zehniyyət yaratmağa çalışırlar. Haram olan homoseksuallığı qanuniləşdirməyə qarşılarına məqsəd qoyurlar. Ateist incəsənət xadimləri də haşa peyğəmbərlərə olan hörməti aradan qaldıracaq, homoseksuallığı, cinayəti qanuni kimi təqdim etməyə çalışan azğın mövzu üzərində dayanırlar.

Həmişə Allahın lehinə, dinin lehinə düşünmək lazımdır. Müsəlman, heç vaxt əksinə analiz apara bilməz. Mütləq lehinə aparar. Həmişə hüsnü-zənn edər. Lakin küfr içindədirsə və ya ateistdirsə, araşdırar, o cür düşünə bilər; lakin mömin iman gətirdikdən sonra bu cür olmaz. Həmişə hüsnü-zənlə və həmişə gözəl düşünməlidir.

Ateist dürüst insan deməkdir. Mərdcə, açıqca söyləyir, "mən Allaha inana bilmirəm, dinə inana bilmirəm, məni razı salacaq insan varsa danışaq, dürüst iman gətirmək istəyirəm" deyir. Saxtakarlıq, münafiqlik çox qorxuncdur.

Ateisti, dinsizi, İslam əleyhinə olanları qazanmağa çalışdığına görə, qəlbində xəstəlik olan, imanında zəiflik olan müsəlmanı daha çox qazanmağa çalışmaq lazımdır. Çünki o sənin yanında hazır vəziyyətdədir, onsuz da rahat danışa bilirsən. Nə qədər anormal olsa da, nə qədər tərs olsa da, bunun savabı çox olar.

Sən bir ateistə, darvinistə təbliğ etməsən, bu necə İslam anlayışı olar? Kimlərə yaxşı iş görmək buyurular? Cəhd kimlərə qarşı edilər? Kitab əhlinə, müşriklərə, ateistlərə, hamısına anlayacaqları dildə İslamı izah etmək, müsəlmanın boynuna düşən bir vəzifədir, Allahın əmridir. Yoldaş kimi, dost kimi izah etməlisən. Düşmən üslubu ilə izah edilməz. Sevgiylə izah edilər.

Hz. Musa (ə.s) Firona, hz İbrahim (ə.s) isə Nəmruda təbliğ edirdi. Müsəlman ateistlə, kommunistlə, dinsizlə, bir sözlə hər kəslə danışar, görüşər və təbliğ edər.

İnsan ateist də ola bilər. Ateist olmaq Allah Qatında bir günahdır, qul yanında deyil. Sən buna qarışa bilməzsən ki. Allah ayədə: "De: “Sizin dininiz sizə, bizim dinimiz bizədir"" deyir, adam ateist də olar, dindar da olar, başqa bir dinə mənsub da olar. Allah: "Dində məcburiyyət yoxdur" deyir.

Kommunist olmaq cinayət deyil, terrorist, anarxist, azğın olsan, cinayətdir. Yoxsa fikir səviyyəsində qalsa kommunist ol, başqa fikirlərdən ol, bizi maraqlandırmaz. Ateist də ola bilərsən, kommunist də ola bilərsən, amma zorakılıq və dəhşəti tətbiq edərsənsə, qarşı gələrik. İcazə vermərik.

Ateist olanların tənqiddən narahat olmaları yersizdir. Mən ateistlərin də cənnətə getməsi üçün cəhd göstərirəm. Dinc və rahat yaşamalarını istəyirəm. Əslində heç maraqlanmaya da bilərdim. Dindar olub da, ateist və kommunistlərə şəfqətlə yaxınlaşanlar tək bizik.

Biz müsəlman, xristian, yəhudi və yaxud ateist, məzlum olan hər insanı qoruyarıq.

Yəhudilər və xristianlar Allaha inanırlar, biz onları, təbii ki, sevərik. Ateistlərə də şəfqət duyaq. Hətta əksikliyi müsəlman olaraq biz özümüzdə axtararıq―"deməli, kifayət qədər təsir edə bilməmişik, daha çox təbliğ etməyimiz, izah etməyimiz lazımdır"― deyə düşünürük.