Adnan Oktar A9 TV; 1 avqust 2017

Allah adından yalan söyləyənlər, Quranda olmayan büt inanclar üçün İslamın geriləməsinə, müsəlmanların əzab çəkməsinə səbəb olurlar.

Sevgi ilə həll etmək olduğu halda, məsələləri zorakılıqla həll etməyə cəhd edən olsa, bu daha çox zorakılıq yaşanmasından başqa şeyə yaramaz.

Ən böyük nemət Allahı ən çox sevməkdir. Mömin Allahı ən çox sevmək və Allahın ən çox sevdiyi olmaq üçün dua edər.

Bəzilərinin; "adam olmaq" dedikləri soyuq, sevgisiz, gizli, qəribə dindir. Dəyərləri İslamdan fərqlidir. Müsəlman üçün isə tək din, əlbəttə ki, İslamdır.

Dəccaliyyətin mənfi fəaliyyətlərini biz, müsbət fəaliyyətlərimizlə, sevgi ilə pozuruq.

Münafiq özünü namuslu, ağlı başında, İslam üçün yaşayan insan kimi göstərməyə çalışar, lakin əslində şeytani şəriətə tabe olar. Münafiqin şəriətində Quranın 95%-i yoxdur, lakin müsəlman olduğunu və öz aləmində Qurana tabe olduğunu iddia edər. Münafiq Allahın ayələrini kefi istədiyi kimi şərh edər, Allah üçün deyil, kefi üçün gəzər, haram yeyib-içər, şeytani və dəlisov şəriətini tətbiq edər.

Bütün müsəlmanların hədəfi Allahın rizası, Allahın sevgisi və Onun bizdən məmnun olmasıdır.

Münafiqin malı Allah üçün istifadə etmək istəməməsinin səbəbi İslamın yox olmasını istəməsidir, bu çox böyük alçaqlıqdır.

Bir insan çox ağıllıdırsa Allaha aşiq olar, Allaha dərin hörmət bəsləyər, Allahdan sevgi ilə qorxar, sevdiyini incitmək istəməz.

Gənclərin azadlıq, sevgi və coşğuya ehtiyacı var. Bu da Allah sevgisi və Allah qorxusu ilə olar.

Allah sevgisi, Allahı çox sevmək dünyanın ən böyük zövqüdür.

Möminin ruhundakı konstitusiya Qurandır. Möminin sevgisi, ehtirası, ağlı, dərinliyi ruhundakı Qurana əsaslanar.

Deist də olan çox dostum var, ateist də. Bu insanların dürüstlüyü gözəl xüsusiyyətdir. Münafiq və müşrik isə səmimiyyətsizdir, ikiüzlüdür.

Mən ateist qardaşlarımın düşüncəsinə hörmət edirəm, hamısına dostluqla, qardaşlıq duyğusu ilə yanaşıram.

Ateistlər içində çox tərbiyəli, alicənab, nəzakətli olanlar var. Ateistlik güclü şübhənin adıdır, ateistlərlə danışaraq, şəfqət və hörmətlə yanaşaraq Allahın mövcudluğunu izah etmək lazımdır.

Ateistlərə qarşı şəfqətli, hörmətli davranmaq lazımdır. Açıqca səmimiyyətlə inana bilmədiklərini söyləyirlər, dürüst davranırlar.

PKK-nın beyninin dağıdılması darvinizmin çökdürülməsi ilə mümkün olar. Darvinizmin çökdürülməsi dünyadakı bütün ateist sistemə elmi zərbə olar.

Ateist və ya dinə inanmayan biri öyrənmək məqsədi ilə din haqqında istədiyi sualı soruşa bilər. Nə üçün bunu soruşursan deyilməz.

Masonluqdakı ateist masonların və maddi mənfəət üçün bu quruluşa girməyə çalışanların əslində masonluqla əlaqəsi yoxdur. Hal-hazırda masonluqda ateistliyin zəiflədiyi və təsirinin azalmağa başladığı dövrdəyik.

Firona, Nəmruda olduğu kimi, masonlara da təbliğ edilər. Ateist masonluğa tənqidimiz davam edir, İslama yönəlmələrinə vəsilə oluruq.

Darvinizm-materializm dəccaliyyətdir. Ateist düşüncəyə qarşı bizdən başqa elmi mübarizə aparan birlik yoxdur. Bu qədər güclü mübarizə edən yoxdur.

İnsanlara, heyvanlara şəfqət göstərmək cənnət əxlaqıdır.

Din olsa insan ağıllı olar, Allah onu doğruya yönləndirər, bu insan Allahın himayəsi altında olar. İnsan din ilə Allahın nəzarəti altına düşər və məqsədəuyğun hərəkətlər edər, onun üçün hər şey xeyirli və bərəkətli hala gələr.

Dəccaliyyət sevgisizliklə, nifrətlə türk millətini təsiri altına almağa çalışır, lakin millətimiz həmrəy olaraq bu oyunu pozacaq.

Osmanlını dağıdan həqiqi səbəb darvinizmin Osmanlıya daxil olmasıdır.