Adnan Oktar A9 TV; 23 iyul 2017

Hörmətli Devlet Bahçeli çox keyfiyyətli və sadə insandır. İngiltərə dərin dövlətinə qibtə edən bəzi insanlar Bahçelinin dərinliyini anlaya bilmir, dəyərləndirə bilmirlər.

Şeytan insanlardan intiqam almaq üçün fitrəti pozur. Qadının qadın kimi, kişinin kişi kimi olması lazımdır.

İnsanların xoşbəxtliyi axtarmamaları anormallıqdır. Xoşbəxtlik, hər şeyin sahibi, mərhəmətli, sonsuz ağıl sahibi Allaha bağlanmaqla olar.

İnsanların çoxu funksionallığı əsas götürür. Geyim zövqü, keyfiyyət, incəsənət, gözəllik axtarışı demək olar ki, heç olmur. Bu dəhşətli vəziyyətdir. Əksər insan arasında gözəlliyi öldürmə anlayışı yaranmış vəziyyətdədir. Gözəlliyi istəyəni və baxımlı olanı günahkar kimi görürlər, digər tərəfdən gözəlliyi təqdir edəcək, bəyənəcək kəsləri də olmur. Bu zaman inkişaf etmək, yaxşı olmaq, gözəlləşmək üçün heç səy göstərmirlər. Yaxşılıq, gözəllik, incəsənət, sevinc, sevgi, nəciblik həyatlarından çıxdığı zaman isə boğucu, şizofrenik, eqoist və içinə qapalı xarakter yaranır.

Allahı tərk edən insan faciəvi şəkildə sovrular. Allaha çox möhkəm sarılmaq, Allahı heç tərk etməmək lazımdır.

İnsan zəif yaradılmış varlıqdır. Allaha özünü bağlamayan insan pessimist, içinə qapalı, şizofrenik xarakter formalaşdırar.

Quran ruhunun hər yerə yavaş-yavaş yayıldığını görürük. İnsanların sevgi, qardaşlıq və dostluq axtarışı bu ruhun əlamətidir.

Ərəb düşmənçiliyi də, İsrail düşmənçiliyi də xüsusi təhriklə əldə edilir. Sevgisiz insanların nifrət siyasətinə qarşı səbirli izahat əsas şərtdir.

Ərəb Dövlətləri Liqasının asta, monoton, soyuq üslubu çox yanlışdır. Həll edilməsi lazım olan təcili məsələlər olduğu zaman asta davranmaq çox çirkindir.

Xəta etdiyin vaxt, heç bir açıqlama vermədən dürüst şəkildə üzr istəmək keyfiyyətli insan əxlaqıdır.

Təbliğdə gözəl və yaraşıqlı insanlar, baxımlı məkanlar, dəbdəbəli həyatlardan istifadə edilməsi Quranda hz. Süleymanın üsulu olaraq bildirilir.

Deist də olan çox dostum var, ateist də. Bu insanların dürüstlüyü gözəl xüsusiyyətdir. Münafiq və müşrik isə səmimiyyətsizdir, ikiüzlüdür.

Küçədə sənət olması o ölkənin keyfiyyəti, sevinci, bayramıdır. Küçə sənətçilərinə bütün qardaşlarımız dəstək olsun.

Müsəlmanların vətənpərvərlik hissinin güclü olması lazımdır. Şəxsi mövzularda coşğulu olanlar İslam, Quran əleyhinə mövzu olduğu zaman maraqlanmırlar.

Dekolte, incəsənət, rəsm, heykəl, musiqi əleyhinə olan ölkədə turizm inkişaf etməz.

Gənclərin tələbi həmişə incəsənət, gözəllik, keyfiyyət, təmizlikdir. Bu tələbləri Quran müsəlmanlığına olan sevgilərini göstərir.

Ziddiyyətlərin olması imtahanın tələbidir və Allahın mövcudluğunun möcüzəvi dəlilidir. Ziddiyyətlər Allahın sənətlərindən biridir.

Universitetlərin bütün binalarının təmiz, baxımlı və təravətli olması əhəmiyyətlidir. Gənclərin hər cəhətdən rahat olacağı təhsil müəssisələri olmalıdır.

Gənclərin zehninin açılacağı şən mühitlər olması əhəmiyyətlidir. Gecə-gündüz dərs çalış, evə gəl internetə bax, bir az televizora bax, səhər qalx təkrar avtobus növbəsinə gir, gənclərin sevincini əlindən alan həyat olmamalıdır. Əyləncə gənclərin zehnini açan gözəllikdir. Gənclər dost olmalıdır, yoldaş olmalıdır, yaxşılığı, keyfiyyəti görməlidir, gözəl şeylər görməlidir, dolu-dolu yaşamalıdır. Bunlar hökmən pul tələb edən şeylər deyil, qəlb işidir bunlar. Əyləncə ruhun qidasıdır. Əyləncə, sevinc, fəallıq, sevgi olmadığı zaman gənclərin zehinləri qapanar, dəriləri və sağlamlıqları da pozular. Gənclərin əylənməsi, gülməsi, fəal, şən olması milli məsələ olaraq müzakirə olunmalıdır.

Qadınlar üçün sevmək və sevilmək şüurlarının altına işləmiş, çox güclü duyğudur. Lakin qadınlarda kişilərə nisbətən gələcək qorxusu daha çoxdur. Buna görə də, qadınlar bəzən vicdanları ilə deyil, məntiqləri ilə hərəkət edərlər. O zaman da itirməyə başlayarlar. Yenə də əsasən qadınlar sənətkar ruhludurlar, gözəllikləri çox yaxşı görərlər. Səbirlidirlər, vəfa hisləri yüksəkdir. Sevdiyinə sədaqətlə bağlanarlar. Kişilər isə daha ümumi düşünərlər, sənətkarlıq tərəfləri bir az daha azdır. Qadınların isə təfərrüat və incə düşünməkdə texniki üstünlüyü var.

Möminə ağlamaq, kədərlənmək yaraşmaz. Çox ağlamaq, az gülmək küfrün xüsusiyyətidir. Mömin ağlamaz, hər zaman sevinc, xeyir və gözəllik içində olar.

Az bir zaman sonra Şərqi Türküstan Konya kimi olacaq inşaAllah. Allahın icazəsi ilə. Günorta yeməyinə Şərqi Türküstana, axşam yeməyinə Bakıya, səhər yeməyinə Qahirəyə.

Hz. Mehdi müqəddəs sandığı götürüb Süleyman məscidinin qabağına gətirdiyi zaman yəhudi və xristian aləmi ayağa qalxacaq. Çox az bir qismi istisna olmaqla, hamısı iman edəcək.

Bütün musəviləri düşmən kimi görmək cəhalətin və ənənəçi ortodoks təhsilin nə cür fəlakət olduğunun dəlilidir. Allah Quranda Kitab əhlindən qadınlarla evlənə bilərsiniz, onların yeməkləri sizə halaldır deyir. Qurana görə Kitab əhli dostdur. Düşmənlik və nifrəti təlqin edən anlayış ən çox müsəlmanlara zərər verir. Allah nifrət hissi ilə deyil, şəfqətlə hərəkət etməyimizi istəyər.

Münafiq istədiyi kimi ədabazlıq, hiyləgərlik etməyi hədəf edibdir. Hiyləgərliyinin qarşısının alınmasını istəməz, buna görə də, azadlıq tələb edər.