Adnan Oktar A9 TV; 23 iyul 2017

Quran əxlaqına əsaslanan ağıllı sevgi, şəfqət, yetkinlik anlayışının insanlara mənimsədilməsi lazımdır. Bu da ənənəçi izahatla olmaz.

Quran ruhunun hər yerə yavaş-yavaş yayıldığını görürük. İnsanların sevgi, qardaşlıq və dostluq axtarışı bu ruhun əlamətidir.

Quran əxlaqını yaşayan mömin, insanları öz uşağı kimi qorumaqla, dəyər verməklə, sahib çıxmaqla məsuldur. Hamilik sistemi budur.

İnsanların çoxu funksionallığı əsas götürür. Geyim zövqü, keyfiyyət, incəsənət, gözəllik axtarışı demək olar ki, heç olmur. Bu dəhşətli vəziyyətdir. Əksər insan arasında gözəlliyi öldürmə anlayışı yaranmış vəziyyətdədir. Gözəlliyi istəyəni və baxımlı olanı günahkar kimi görürlər, digər tərəfdən gözəlliyi təqdir edəcək, bəyənəcək kəsləri də olmur. Bu zaman inkişaf etmək, yaxşı olmaq, gözəlləşmək üçün heç səy göstərmirlər. Yaxşılıq, gözəllik, incəsənət, sevinc, sevgi, nəciblik həyatlarından çıxdığı zaman isə boğucu, şizofrenik, eqoist və içinə qapalı xarakter yaranır.

İnsanların xoşbəxtliyi axtarmamaları anormallıqdır. Xoşbəxtlik, hər şeyin sahibi, mərhəmətli, sonsuz ağıl sahibi Allaha bağlanmaqla olar.

Bəzi insanlar çox az əlaqə ilə Allaha bağlanır, hərdənbir Allahı xatırlayırlar. Belə olmaz. Allahla əlaqədə millimetr, santimetr boşluq qoymadan kəskin diqqət olması lazımdır. Bu zaman insan həqiqi mənada xoşbəxt olar. Allahdan uzaqda olan isə həmişə sovrular.

Tezliklə İsrail oğulları ilə İsmayıl oğullarını barışdırıb, bölgədə hüzur içində yaşamalarını təmin etmək lazımdır, yoxsa əzablar böyük olar. İsrail və Fələstin xalqının o gözəl torpaqlarda dostcasına, qardaşcasına yaşaması mümkündür. Nifrəti qızışdırmaq heç kimə fayda verməz.

Bir çox insan sevgini bilmir, lakin mehdiyyət dövründə sevgi yüksək vicdanla, Allah qorxusu və Allah sevgisi ilə təcəlli edəcək.

Mən ən çox səmimiyyət, sevgi, dürüst və anlaşılan olmağa əhəmiyyət verirəm, kitablarımın da insan ruhunu açan əsərlər olmasına diqqət göstərirəm.

İsrail ilə Fələstin arasındakı divarları dağıdaq, Fələstinli qardaşlarımız torpaqlarına qayıtsınlar, o torpaqlarda gözəl mədəniyyət yaradaq. İsrail-Fələstin sülhünün təmin edilməsində Türkiyə öncül olsun. İki xalqın ən gözəl şəkildə yaşayacağı sülh, sevgi dolu mühit yaradaq.

İsrail ilə Fələstin arasındakı məsələni çıxılmaz vəziyyətə salacaq üsullar deyil, sülhü təmin edə biləcək ağıllı üsulların tətbiq olunması əhəmiyyətlidir. İsrail ilə Fələstin arasında daimi sülh üçün səy göstərək, Fələstinli qardaşlarımız torpaqlarına geri qayıda bilsin, hər cür zorakılıq aradan qalxsın.

Sevgi, mərhəmət, şəfqət olmadıqda hörmət də olmur. Allahı sevən, Allahdan qorxan insan qətiyyən qarşısındakına hörməti itirməz.

Qadınları gözəlləşdirən ən mühüm şeylərdən biri azadlıqdır. Qadın azad yaşaya bildiyi zaman canlanar. Biz qadın azadlığının əsas olmasını istəyirik, bacılarımız sevgisiz, təzyiq göstərən, nifrət dolu tiplərin sözlərini qəti ciddiyə almasınlar.

Qiyamətə yaxın dövrdə dünyada müsəlman qalmayacaq. Qiyamət küfr əhlinin başına qopacaq. Cənnət əhli qiyaməti əmin-amanlıq içində izləyəcək.

Türkiyənin güclü olmasının yolu nəzakət, keyfiyyət, səmimiyyət və sevgidir. Türkiyə çox keyfiyyətli və sevgi dolu olsa, dünya lideri olan bir ölkə olar.

Həqiqi keyfiyyətin, sevgi dərinliyinin və təmizlik intizamının yerləşməsi, təkcə imanla, Allah sevgisi və Allah qorxusu ilə olar.

Mömin həmişə elmi Allahdan tələb edər və "Rəbbim elmimi artır!" deyə dua edər.

İsrail sevgi ilə yanaşılsa, nəzakətli rəftar göstərəcək ölkədir. Fələstin və İsrail arasında bir yol tapaq, bir-birlərini sevdirməyə çalışaq.

İnsanın anladığı və danışdığı dildə dua etməsi lazımdır. Nə dediyini anlamadan dua etmək olmaz.

Dua da, dua etdikdən sonra reallaşan hadisə də taleyin parçasıdır.

Azadlıq olsa, küçələr gənclərin, gənc qızların sevinci ilə şənlənər. Hal-hazırda çoxu gözləri yerdə sevincsiz yaşamağa məcbur edilir.

Möminlərin bir-birlərinə dua etməsi gözəl ibadətdir.

Rusiya və Türkiyənin arasının pozulması üçün çox çalışdılar. Türkiyənin Rusiya ilə də, İsrail ilə də əlaqələri həmişə yaxşı olacaq inşaAllah.

İbadətgahlara hücum etmək Qurana görə haramdır. Məscidlər, sinaqoqlar, kilsələr Allahın qorunmasını əmr etdiyi müqəddəs məkanlardır. İbadət edən insanlara polad qapıları təpikləyərək reaksiya göstərmək qəhrəmanlıq deyil, ağılsızlıq, ədəbsizlikdir. İbadətgaha hörmət göstərilər.

Ərəb Dövlətləri Liqasının asta, monoton, soyuq üslubu çox yanlışdır. Həll edilməsi lazım olan təcili məsələlər olduğu zaman asta davranmaq çox çirkindir.