Adnan Oktar A9 TV; 14 may 2017

Hər evin önü çiçəkli, baxımlı olmalıdır. Evlər, paltarlar və hətta insanların bütün həyatları təkcə funksional olur. Tək məqsəd həyatda qalmaq olur. İncəsənət, gözəllik, estetika, keyfiyyət istəyən və həsrət çəkən bir həyat olmadıqda həyatın sevinci və zövqü də olmur.

Sevgi gözəlliyin ruhudur. Allah sonsuz gözəldir. Təcəlliləri də sonsuz gözəldir. Müsəlman hər şeyi gözəlləşdirməklə məsuldur.

Zövqsüzlük ürküdücü şeydir. İncəsənət və Keyfiyyət Nazirliyi yaradılıb çox güclü nəzarət həyata keçirilməlidir ki, zövqsüzlüyə imkan verilməsin. İncəsənəti, gözəlliyi aradan qaldırıb təkcə təməl ehtiyacları ödəyib yaşamaq mədəniyyəti hakim olduqda dünya sanki cəhənnəmə dönür.

Bəyənilməyi, gözəl olmağı cinayət halına gətirdikdə insanların bir çoxu özünə diqqət yetirməkdən imtina edir. Bu zaman da gözəlliklər aradan qalxır.

Bəyənmək, bəyənilmək insanları maraqlandırmaz hala gəlibsə insanların yaşama sevinci qalmamış deməkdir. İncəsənətin, gözəlliyin təşviq edilməsi əhəmiyyətlidir.

İncəsənət yox olduqda, sevgi də yox olur. Sevgi yox olduqda gözəllik və mərhəmət də yox olur, yerinə mərhəmətsiz, eqoist, keyfiyyətsiz həyat yayılır.

İman təbliğində gözəllik, incəsənət və keyfiyyət çox əhəmiyyətlidir. Hz. Süleymanın sarayının ehtişamı təbliğdə çox müsbət təsir edirdi.

Bəzək və gözəlliyin hamısı Allahın sənətidir. Bütün çiçəklər bəzəklidir və göz oxşayır. Kəpənəklər, quşlar hamısı cazibədardır, göz oxşayandır.

Bəziləri qadının baxımlı olmasını, özünə diqqət göstərməsini, gözəl olmasını səhv kimi görür. Halbuki bu qadının ən təbii haqqıdır. Avropada qadının baxımlı olması ilə fəxr edirlər. Burada isə baxımlı olan qadın əzilir.

İnsanlara əvvəlcə gözəlliyə qarşı meyli öyrətmək, gözəlliyin, sevginin bir tələbi olduğunu izah etmək lazımdır. Gözəllik sevginin libasıdır.

İman olmadan sevginin, keyfiyyətin və gözəlliyin mənası olmaz. İman da iman həqiqətlərinin izah edilməsi, darvinizmin yox edilməsi ilə yaranar.

Bütün gənclərin canının yandığı məsələ sevgisizlikdir. Gözəlliyi görə bilməmələri, axtardıqları keyfiyyəti tapa bilməmələri çox canlarını yandırır.

Gənc qızların həyat dolu olması, gözəlliklərinə diqqət göstərməsi gözəllikdir. Hər yerdə azadlığın vacib olduğuna inanıram.

Gənc qızların bir hissəsi evlilik məsələsində maddiyyata görə düşünüb sanki dəliyə dönürlər. Evliliyə verdikləri əhəmiyyəti, haşa Allaha vermirlər.

Qız uşaqlarına lüzumsuz yerə təzyiq göstərirlər, bəzi gənc qızlar da bu təzyiqi dəf etmək üçün, hiyləgərlik edirlər. Halbuki qız uşaqlarına həmişə sevgi göstərilsə, hər yerdə hörmət görsələr çox gözəl və keyfiyyətli olarlar.

Uşaqlara mütləq praktik tibb biliyinin də verilməsi əsas şərtdir. Təkcə tibb fakültəsinə gedən deyil, təhsil alan hər kəs təməl bilikləri öyrənməlidir. Uşaqlara mütləq incəsənət təhsili də verilməlidir. Gözəl insan, gözəl məkan, gözəl mühit necə yaradılar, bunlar məktəblərdə öyrədilməlidir.

Təhsilin təməli nəzakətli insan olmağa təşviq olmalıdır. İmtahanlarla uşaqları sıxışdırmaq deyil, zövqlə öyrənmələrini təmin etmək lazımdır. Uşaqlara nəzakətli, mədəni olmağın zövqünü hiss etdirmək vacibdir. Mədəni olduğu zaman həyatın hər sahəsində müvəffəqiyyətli olacağını göstərmək lazımdır.

Uşaqları sərgilərə, muzeylərə aparmaq, hər mövzunu vizual üsullar işlədərək izah etmək əhəmiyyətlidir. Tarix, coğrafiya, hər mövzuda muzeylərdə izah edilə bilər.

Taxta stullar üzərində, havasız siniflərdə deyil, filmlərdən istifadə edərək, bağçada sevinc içində söhbət edərək təşkil edilmiş təhsil sistemi olmalıdır. Uşaq məktəbə getməyi əziyyət kimi deyil, ümumi biliyinin, keyfiyyətinin artacağını bildiyi əyləncə olaraq görməlidir. Bu zaman öyrəndiyini unutmaz. Mənanı unutduran təhsil sistemi olduqda uşaq dərinlik ala bilmir, sevgisizlik yayılır, fəlakət addım-addım inkişaf edir.

Allahı inkar edən darvinist fəlsəfənin dövlət əli ilə gənclərə öyrədilməsinə son verilməsi lazımdır. Hər yerdə Allahın sənəti izah edilməlidir.

Möminlər Allahın sevgisini itirməkdən, Allahı incitməkdən qorxarlar. Beləliklə Allaha olan sevgilərini gücləndirər, daha yaxın olarlar.

Allah qorxusu, sevdiyini incitməkdən qorxmaqdır. Biz ən çox Allahı sevirik. Allah qorusun Onu incitdiyimiz zaman dəhşətli acı hissi yaşayarıq.

Hadisələri hər zaman ağıllı qiymətləndirmək lazımdır. Bəzən insanlar çoxsaylı kütlələrin təsiri altında qalaraq hərəkət edir. Təklikdə nəcib olmaq lazımdır.

Allah sevgisi və Allah qorxusu ilə sevgisizlik aradan qaldırılar. Allahı sevmədən insanların bir-birlərini həqiqətən sevmələri qeyri-mümkündür.

Sevgisizliyi milli problem kimi ələ alıb, təcili həll yolu tapmaq üçün səy göstərmək lazımdır. Sevgi səfərbərliyi elan edək.