Adnan Oktar A9 TV; 15 fevral 2017

Homoseksuallıq Allahın haram etdiyi iyrənclikdir. İnsanların inancının tələbi olaraq iyrəndiyi bir şeyi zorla qəbul etdirmək çox böyük zülmdür. Bu səbəbdən, kilsələrdə rahiblərə təzyiq göstərərək homoseksualları evləndirin demək, rahiblərin inancına zidd olan bir şeyi zorla qəbul etdirmək qəddarlıqdır. Homoseksuallığa qarşı olanları cəzalandırmaq zülmdür. Bir insanı inancına zidd bir şeyə sürükləmək ən təməl insan hüquqlarına ziddir.

Allahın rizasının ən çoxu üçün evlənmək olar. Peşəsinə, gəlirinə görə deyil, təqvasına, əxlaqına görə seçim edilər.

Qadın Allaha qul olaraq yaradılmış gözəl varlıqdır. Qadının əşya kimi istifadə edilmək üçün mövcud olduğunu zənn edənlərin məntiqi çox çirkindir. Qadın, cənnət yoldaşı olmaq, Allahın rizası ilə sevgini yaşamaq üçün evlənər. Primitiv məntiqlə hərəkət edənlər qadını əşya kimi görür.

Evlənməməyimin səbəbi, bütün vaxtımdan, bütün ömrümdən Allah üçün, İslam üçün, təbliğ üçün istifadə edə bilməkdir.

Gənc qızların həyat dolu olması, gözəlliklərinə diqqət göstərməsi gözəllikdir. Hər yerdə azadlığın vacib olduğuna inanıram.

Bir çox yerdə gözəllik təltif edilmir, hətta tam əksinə onu ittiham edirlər. Bu da gənc qızları baxımsızlığa və özünə qarşı diqqətsizliyə yönəldir.

Münafiqin evlilik anlayışının talan etmək məntiqində olması nə qədər alçaq olduğunu göstərər.

Peyğəmbərimiz (s.ə.v) dövründə münafiq qadınlar Peyğəmbərimiz (s.ə.v)-ə əziyyət vermək və ayrılarkən yüksək miqdarda mehr almaq üçün onunla evlənmək istəyirdilər. Münafiq maddi imkan təmin etmək üçün evlənmək istəyər. Zəngin birini tapar, onunla evlənər, sonra aliment adı altında o insanı soymaq istəyər. Münafiqlərin evliliklərində məqsəd qarşıdakı insanın malını qəsb edə bilməkdir. Bu qəsbin hər təfərrüatını incəliklə hesablayarlar.

Kitab əhlindən, yəni xristian və ya musəvi qadınla müsəlman kişi evlənə bilər. Qurana görə bu halaldır.

İman gətirən bir insan Allah rizası üçün evlənər, münafiq isə yox olmaq instinktini aradan qaldırmaq üçün evlənər.

Tənha qalmaq qorxusu, sonsuzluq qazanmaq arzusu ilə münafiqlər evliliyi iztiraba döndərərlər.

Münafiqlərdə daralmış eqoistlik var, əvvəlcə özünü, sonra mənfəətləri üçün zövcəsini, uşaqlarını düşünər, buna güvənərək yaşayar. Münafiqlərdə evlilik anormallıq dərəcəsindədir. Mömində ailə məscid olduğu halda, münafiqdə Dirar məscidi kimidir, fəlakətlərin mənbəyidir.

Mömin Allaha güvənər, "Ailəm məni xilas edər" deməz, "Allah məni xilas edər" deyər, Allah üçün bütün müsəlmanlara güvənər. Münafiq təkcə ailəsinə güvənər, buna görə də evlilik onlar üçün dəlisov instinkt kimidir.

Münafiq evliliyi mühüm silah kimi görər, evlilik müsəlman üçün xoşbəxtlik mənbəyidir, münafiq üçünsə qala kimidir.

Qız uşaqlarına lüzumsuz yerə təzyiq göstərirlər, bəzi gənc qızlar da bu təzyiqi dəf etmək üçün, hiyləgərlik edirlər. Halbuki qız uşaqlarına həmişə sevgi göstərilsə, hər yerdə hörmət görsələr çox gözəl və keyfiyyətli olarlar.

Çiçəyin torpağın içində çox nazik kökləri olur, bu köklərlə torpaqdan kalium, maqnezium, faydalı hər şeyi qəbul edir, zərərli olanı isə qəbul etmir. Köklə torpaqdan qəbul edilən metalları su ilə daşıyır, incə-incə hansı rəng üçün hansı maddədən istifadə edəcəyini bilir, tam ölçüsündə istifadə edir. Gözü olmadığı halda tək-tək yağlı boya portreti kimi boyama fəaliyyəti icra edir, hər rəngin sərhədləri müəyyən olur və çiçəyin möhtəşəm rəngləri meydana gəlir.

Planetlərin orbitləri üzrə fırlanmaları nəticəsində ortaya çıxan naxışlar Allahın möhtəşəm həndəsi sənətinin təcəllisidir.

Allah sonsuz gözəl varlıqdır. Dəyərinin ən çox bilinməli, ən çox sevilməli olan varlıq Odur. İnsanların böyük əksəriyyəti çox nankordur, bu nankorluğa necə sahib olduqları çox təəccübləndirici haldır. İnsanların Allahın dəyərini bilməmələri çox ibrətamizdir.

İnsanların zalım, nankor olması Allahın sevmədiyi haldır. Nankorluq çox qorxunc əxlaqdır. Allahın verdiyi nemətləri həmişə saymaq lazımdır. Müsəlmanın nemətləri həmişə yadda saxlaması və Allahı çox sevməsi lazımdır.

Namaz çox köhnə, qədim bir ibadətdir. Tarix boyu bütün qövmlərdə namaz ibadəti olmuşdur. Qayaüstü təsvirlərdə də bu həqiqət görünür.

Buddizm haqq dinin pozulmuş halıdır. Budizmin içində də namaz, oruc, zəkat kimi ibadətlər dəyişmiş halda var.

Allah möhtəşəm gözəlliklər yaradır. Bu gözəllikləri, bu nemətləri həmişə xatırlamaq, bəhs etmək əhəmiyyətlidir.

Amerika ilə Rusiya arasında gərginlik yaranmasının heç bir zərurəti yoxdur. İki ölkə arasında müdafiə paktı bağlansın, rahat yaşasınlar. Rusiya ilə Amerika silah xərclərini yarıbayarı azaldıb xalqlarının rifahı üçün xərcləsinlər.

Türkiyə ilə dost, mömin, müttəqi kürd bacı/qardaşlarımızın beynəlxalq qanunlara uyğundursa, Suriyada muxtariyyət yaratması millətimizi narahat etməz. Biz sərhəddimizdə kommunist PKK dövləti/bölgəsi istəmirik. Kürd bacı/qardaşlarımızın Suriyada qanunlara uyğun bölgəsinin olması problem olmaz.

İngiltərə dərin dövlətinin Suriya siyasəti tamamilə çökdü. Suriyanı, ardınca da Türkiyəni parçalamağı planlaşdırmışdılar. Planları ayaqlarına dolandı.