Adnan Oktar A9 TV; 21 avqust 2017

Allah bütün dünyanı mehdiyyətə doğru yönləndirir. Bütün baş verənləri yaradan Allahdır. İnsanlar hz. Mehdi hadisələri hazırlayır zənn edirlər, bu doğru deyil. Mehdi, Allahın yaratdığı hadisələr ardıcıllığının nəticəsində qarşımıza çıxacaq və hakimiyyətə vəsilə olacaq insandır. Mehdiyyətin əsas hədəfləri sevgisizliyin və ədalətsizliyin aradan qalxmasıdır. Bütün insanların axtarıb istədiyi mehdiyyətdir.

Allah insanları bacı-qardaş olmaları üçün fərqli ümmətlər olaraq yaratmışdır. Xristian və musəvi düşmənçiliyi Qurana uyğun deyil.

Allah insanların dünyanı sevməməsi üçün çoxlu tədbirlər alıb. Buna baxmayaraq, insanların dünyanı dəlicəsinə sevmə hərislikləri çox ibrətamizdir.

Allah İslam Birliyini, müsəlmanların qardaşlığını istəyənlərin duasına tezliklə cavab versin inşaAllah.

Allahı çox sevən, ruh sahibi olan və dünyadakı təhsilini bitirib gözəl əxlaqı öyrənən hər kəs cənnətdə olacaq inşaAllah.

Allahın hər yerdə olduğunu bilən Allahın hər yerimizi əhatə etdiyini bilən; "ey Rəbb məni qoru" deyən insan heç nədən qorxmaz inşaAllah.

Allahın mövcudluğunun açıq-aydın dəlillərini gördükləri halda, insanları kortəbii təsadüflərin məhsulu olduqlarına inandırmağa çalışmaq çox böyük günahdır.

Axırzamanın ən böyük bəlalarından biri rəsmi, yuxarıdan aşağı baxan, özü kimi olmayan, sevgisiz insanların çoxalmasıdır. Bu, insanın təbii xarakterinə ziddir.

Bir insanın həqiqi üzünü görə bilməmək, həmişə taktika yürüdən bir insanla əlaqə qurmağa çalışmaq çox əzablı və çətindir. Səmimi insan çox olmur. İnsanların çoxu həyatı boyu olduqları kimi yaşamır. İnsanların həqiqi üzünü görmədən onlarla yaşamaq qorxuncdur. İnsanlar bir-birilərinin səmimi üzünü görə bilmədikləri üçün bir-birindən uzaq dayanırlar, yolda bir-birilərinə salam belə vermirlər.

Bir ölkənin keyfiyyəti artdıqca iş saatları da azalar. Türkiyənin keyfiyyəti artdıqda, bu da düzələcək inşaAllah.

Bir tərəfdən ənənəçi İslam anlayışı, digər tərəfdən darvinizmlə insanların incəsənət üfüqünü, mühakiməsini, düşüncə gücünü sındırdılar. İnsanların ruhlarında böyük boşluq yarandı. Bu boşluğu seriallar, lazımsız internet söhbətləri kimi boşluqlarla doldurmağa çalışırlar.

Cəhalət əslində ruhun qüsurudur. Allahı tanımayan, Allahı sevməyən, Allahdan qorxmayan insanların ruhlarındakı boşluqdur.

Cəhənnəmin mövcudluğu insanların daha tutarlı, tarazlı və ağıllı olmasını təmin edər. Müsəlman cəhənnəmin mövcudluğunu düşünərək ağıllı olar.

Cənnətdə, dünyadakı dostlarımızın səbrini, gözəl əxlaqını bildiyimiz üçün onları daha çox sevəcəyik inşaAllah.

Cənnətin əsas xüsusiyyətlərindən biri sevdiklərimizlə birlikdə olmağımızdır. Dünyada sevdiklərimizi cənnətdə doya-doya sevəcəyik inşaAllah.

Çox böyük hadisələr olacaq, bu böyük hadisələrdən heç bir bacı-qardaşımız sarsılmasın, narahat olmasın. Sonu çox xeyirli olacaq inşaAllah.

Dəccaliyyət hava, su kimi ehtiyac olan sevgini insanların əlindən aldı. Bu neməti zorla dəccaliyyətdən geri alacağıq, sevgi hakim olacaq.

Dəccaliyyət insanları bir tərəfdən darvinizmlə, digər tərəfdən ənənəçi ortodoks sistemlə mühasirəyə almış vəziyyətdədir, sevgini əllərindən alır.

Dəccaliyyətin sevgisizliyinə tabe olan insanlar mütləq düşmən olacaq birini tapırlar. Ələvi, yunan, ərəb, kürd, musəvi fərq etmir.

Dünyada öyrəndiyimiz sədaqəti, sevgi dərinliyini, vəfanı, ağlı, mahirliyi cənnətdə əbədiyyən istifadə edəcəyik inşaAllah.

Dünyada xoşumuza gələn, sevdiyimiz hər şey cənnətdə ən gözəl halı ilə olacaq inşaAllah.

İnsanlar bir-birindən qorxur, heç kim heç kimə salam vermir, güvənə bilmir, bu sevgisizliyi elmlə, irfanla aradan qaldıracağıq inşaAllah.

İsa Məsihi çevik, yaraşıqlı dəliqanlı olaraq inşaAllah görəcəyik. Yaşı çox olmasına baxmayaraq, çox gümrah olacaq.

Millətimiz Quran müsəlmanlığının həqiqi İslam olduğunu gördü və yavaş-yavaş bu gözəllik yayılır inşaAllah.

1400 il ərzində tale həmişə Peyğəmbərimiz (s.ə.v)-in dediyi kimi inkişaf etdi, bundan sonra da belə inkişaf edəcək. Bu əzabların sonunda gözəl günlər var.