Adnan Oktar A9 TV; 23 iyun 2014

Küfrə etina etmək olmaz. Küfrdə dinclik, vəfa, həqiqi yoldaşlıq olmaz. Mənfəəti bitdiyində səni sərf edər, səni yandırar. Vəfasızlığın yayıldığı ağrılı bir dünyada yaşayarsan. Səhər qalxdığında belə sənə namərdlik edə bilər. İki saat sonraya belə zəmanətin olmaz. Küfrdə iki saat sonra tam fərqli adamla qarşılaşa bilərsən.

Müsəlman elə olacaq ki, özü haqqında "bu adam namərdlik edər" deyilməsinə yol verməyəcək. Yəni "bir şəkildə edə bilər" dedirtməyəcək. O dərəcədə zəmanət verəcək. O zaman həqiqi bir müsəlman olar. "Bunun namərdlik etməsi mümkün deyil" deyəcəksən.

Küfrdə möhkəmlik yoxdur. Adamla danışırsan, bir də görürsən ki, gedib pislik edir. Kənarda azğınlıq, manyaklıq edir. Mənfəəti qədər yanaşmaq istəyir. Mənfəəti olmayanda gəlmək istəmir. Halbuki, İslamda mənfəət olmadan Allaha qul olmaq var. Ona görə çox gözəl yaşanır. Davamlı olaraq sabit bir düzgünlük var.

Küfrdə müsbət bir şey yoxdur. Küfrdə pozğunluq, pislik, vəfasızlıq, namərdlik, fırıldaq, etikaya yaraşmayan danışıq var, dözümsüzlük var. Adamlarla danışırsan, iki saat sonra baxırsan namərd bir hərəkət etmişdir. Müsəlmanda sabitlik var. Allah rizası üçün iki saat sonra da, on gün sonra da, bir il sonra da, iyirmi il sonra da möhkəmdir

Küfr əhli müsəlman üçün "ağılsızdır" deyər bəzən, haşa. Halbuki, ən ağıllı hərəkəti o edir. Ömrünə bərəkət gəlir, içi gözəlləşir, xarici görünüşü gözəlləşir. Bədən orqanları belə bayram edər, daxili, zahiri bayram edər. Gözü, üzü məna qazanar, ağılı, bəsirəti açılır, danışığı gözəlləşir.

İman əhlinə qarşı insanların ürəyində bir nifrət olar. Məsələn, küfr içində olan bir insanla danışarkən hörmətli olarlar, dəyər verərək danışarlar. Amma mömin olduğunda, daxilində qəribə bir şeytani nifrət duyur. Allaha sığınılması lazım olan bir şeytani instinktdir. Bu möminin təbii ki, çox lehinə olan bir şeydir. Möminlərin oturduqları yerdə hər dəqiqə, hər saat savab qazanmalarını təmin edər.

Bir qisim insanlar müsəlmana qarşı çox pərvazsız və rahat ola bilirlər. Halbuki, əsas möminlərə sevgi və hörmət edilməsi lazımdır. Küfr içində olanlara, qurtarmaq məqsədiylə şəfqət göstərərsən.

Müsəlmanlar qüvvə və ləyaqəti Haqda axtarması lazımdır. Həqiqi möminə şərəf gözüylə baxmaq lazımdır. Hörməti ona göstərmək lazımdır, küfrə deyil.

Dünyanın ən keyfiyyətli insanına müsəlman deyilir. Ən yüksək dərəcəli insanına, ən yaxşı düşünən, ən gözəl əxlaqa sahib insana müsəlman deyilir.

Dekolteli də, hicablı da mükəmməl müsəlmandır. Hicab düşmənçiliyi nə qədər çirkindirsə, dekolteli xanımlara qarşı düşmənçilik də o qədər çirkindir. Hər ikisini də qınayırıq.

Orta yolla gedən müsəlman deyə bir şey yoxdur. Qurana tabe olan müsəlman vardır. Qurana əməl edirsə tabe olur, əməl etmirsə tabe olmur. İki cür müsəlman vardır. Biri Qurana əməl edən, biri də əməl etməyən. Orta yolla gedən müsəlman olmaz.

Müsəlman küfrlə, İslam arasında seçim etmək vəziyyətində qalsa İslamı seçər. Bitərəf olmaz; o zaman kənar olar. Amma mömin qardaşlarının arasında əgər seçim etməli olsa o zaman kənarda dayanar.

Hər mömin Mehdi kimi, Peyğəmbər kimi olmaq istəyəcək. Müsəlman özünə sərhəd çəkə bilməz. Hər müsəlman Allaha ən yaxın olmağı diləməlidir.

İnsan keyfiyyətsizliyə alışdıqdan sonra, daha çirkli, daha keyfiyyətsizləşməyə, mədəniyyətsizləşməyə, kütləşməyə başlayır və arxasınca deyirsən ki: "Bu nədir?" "Müsəlmanlıq budur" deyir. Vəhşiliyin, kirin, keyfiyyətsizliyin, mədəniyyətsizliyin baş alıb getdiyi bir sistemə müsəlmanlıq deyir. Bu çox böyük bir təhlükədir. Bu milli bir təhlükədir.

Dünyada xristian-müsəlman mübarizəsi yoxdur. İman və imansızlıq mübarizəsi var. Buna qarşılıq olaraq Allaha iman edən xristian və müsəlmanların birlik olmaları lazımdır.

Müsəlmanların bir qisminin şiəlikdə və bir qisminin də sünnilikdə ifrata varması xurafatların girdiyi mötəbər olaraq tanınan İslami qaynaqlara əsaslanır.

Allah ürəyi qara olanlara, mənfi xarakterli, tərs insanlara özləri kimisini nəsib edir. Möminlərə, gözəl xasiyyətli insanlara, insanları sevənlərə də, sevgi, qəlbi məhəbbətlə dolu, nur kimi insanları nəsib edir. Cənnətdə də, dünyada da belədir.

Təhsildə cəhənnəmə, kafirə, imansızlara, zalımlara ehtiyac vardır. Yaxşı insanlar bu qara kömürün üzərində almaz kimi düzüldüyündə diqqət çəkər.

Yaxşı olmayan insanlar Allahın möminlərə verdiyi nemətlərdən istifadə edirlər. Yəni əslində nemətlər onlar üçün deyil, səmimi möminlər üçün yaradılır. Onlar da bir kənardan, bir yandan istifadə edirlər. Axirətdə bu imkanlar əllərindən alınar.

Müsəlmanı məzlum görüb hücum edənlər küfrə xeyli hörmət edərlər. Çünki eyni şeyi küfrə qarşı etsələr necə sərt, qəddar bir qarşılıq alacaqlarını çox yaxşı bilirlər, başqa sözlə onlardan qorxurlar.

Həqiqi İslam mehdiyyətin izah etdiyi İslamdır.

Müsəlmanlar getdikcə rahatlanacaq, canlanacaq, işləri yolunda gedəcək. Mehdiyyətin yolu davamlı açıq olacaq, Allah tərəfindən qədərdə elə hazırlanmışdır. Çətinliklər çox olacaq, amma dayandıra bilməzlər. Bütün güc Allahın əlindədir.

Quranı həyata keçirmək bir sənətdir. Ağıllı insan Quranı çox yaxşı anlayar və həyatına gözəl şəkildə tətbiq edər. Məsələn, təvazökarlıq necə ediləcək? Təkəbbür hissi aradan necə qaldırılar? Sevgi necə yaşanar?

Gənc qızlar gəncliyini, cavanlar cavanlığını yaşayacaq. Mehdi (ə.s) qrupu insanları sanki məzardan çıxaracaq. Hədisdə Mehdi (ə.s) üçün "məhv olmuş dünyanı yenidən canlandıracaq" deyir.

İmam Mehdi (ə.s) bütün dünyanın dəstəklədiyi lider olacaq. Mehdi (ə.s)-a müxalif olan olmayacaq. Kim qəbul etdirir? Allah qəbul etdirir. Allah insanların ürəklərinə vəhy edəcək; anlamadıqları bir şəkildə insanlar Mehdi (ə.s)-a tabe olduqlarına əmin olacaqlar. Qəribə şəkildə onu sevdiklərini anlayacaqlar. Qəribə şəkildə ona güvənəcəklər və onları qurtaracağına, vəsilə olacağına inanacaqlar.