Adnan Oktar A9 TV; 18 dekabr 2012

Ələvilik bir nurdur. Ələvilik sevgidir, məhəbbətdir, dostluqdur, yaxşılıqdır, gözəllikdir, mənası budur.

İnsanlar çətinliyə dözə bilmir. 60-70 % insanlar antidepressiyadan istifadə edirlər. Qeyri-adi bir qorxu dünyanı bürüyüb. Dost olaq, qardaş olaq, hər dinə, hər inanca mənsub insanla sevgi ilə, dostluq içində yaşayaq.

21 dekabrdan sonra insanların ürəklərinə daha bir Allaha yaxınlıq, daha çox rahatlıq, daha dərin düşünmə gücü gələcəkdir. Özləri görməyə başlayacaqlar. Bu getdikcə artacaq, dünyada insanlar Allahdan başqa bir şey danışa bilməyəcək vəziyyətə gələnə qədər davam edəcək.

Təzyiq göstərən, totalitar, fanatik düşüncə səmimiyyətsiz və geridə qalmış bir cəmiyyət yaradar.

İman zəifliyi olsa Allah dünyanı qovurur, xoşbəxtlik vermir. Osmanlının məhv olmasının səbəbi odur, Səlcuqluların məhv olmasının səbəbi yenə odur. Fanatik bir quruluş inkişaf edəndə, mühafizəkar bir quruluş inkişaf edəndə, sənət, elm, sevgi azalanda, Quranın özündən uzaqlaşanda mütləq fəlakət gəlir.

Ələvilər fanatikliyə qarşıdır, igiddirlər, ələvilər cavan, qoçdurlar. Hər hansı bir yerdə ələvilərin qılına toxunmağa çalışsalar göy qübbəsini təpələrinə keçirərik. Heç bir yerdə quldurluq, psixopatlıq etdirmərik.

Heç bir paltarı fabrik tikməz. Hamısını Allah edər, amma səbəblər içində olduğu üçün, insanlar fabrikin düzəltdiyini zənn edir. Heç bir televiziyanı, radionu, heç bir texniki cihazı fabrik düzəltməz, hamısını Allah edər. Amma möcüzə bir sistem olduğu üçün və Allah böyük bir səbəb-nəticə əlaqəsi yaratdığı üçün insanlar onu fərqinə vara bilmirlər. Milyon təfərrüatla Allah onu pərdələmişdir.

Türkiyə, Mehdiyyətin kölgəsi altındadır. Meydana gələn müvəffəqiyyətdə əsl təsir Mehdiyyətin ruhaniyyətidir. Yəni əsgəri həllə nəticə alınan deyil. Ruhaniyyətlə, Allahın xüsusi bir elmi ilə nəticə alınır.

Mədəni fəaliyyətlərimiz elmlə, sevgi ilə və böyük bir coşğu ilə davam edir.

Darvinist-materialist təhsil sevgisizlik yaradır. Sevgi olmayınca məhəbbət olmur, dostluq olmur, qardaşlıq, fikrə, düşüncəyə dözüm olmur. Qeyri-adi bir əsəb, bir kin, bir nifrət və sevgisizlik insanların ürəyini yandırır. Darvinist-materialist təhsil davam etdikcə bu bərəkətsizlik, bu uğursuz ruh üzərimizdən qalxmaz, Allah əsirgəsin.

SEVGİNİ HEÇ BİR ŞƏKİLDƏ BURAXMAMAQ CƏNNƏT XÜSUSİYYƏTİDİR. Çünki cənnətdə sevgi heç buraxılmır. Cənnətdə sonsuza qədər sevgi buraxılmaz. Ən böyük nemətdir. Ən böyük gözəllikdir. Yoxsa cənnətin bir mənası olmaz sevgi olmazsa. Allahı sevdiyimiz üçün cənnətdə hər şeyi sevərik.

İnsan zəif varlıqdır, yazıqdır insan. Ona hüzur, gözəllik təqdim edəcəksən, şəfqət təqdim edəcəksən. Sakitlik, həlim mühit, insanlar beləcə rahatlayar. İnsan uşaq kimidir, çox diqqət tələb edir.

Dolça bürcü dövrünə girdik, Allah mübarək etsin. Dolça bürcü Mehdiyyətin dövrüdür. Dolça bürcü Mehdiyyətlə yaxın əlaqəlidir. Quranda onsuz da hz. Yusif (ə.s)-ı quyudan götürərkən "Dolçanı aşağı salladılar" deyir. Dolçanın içində kim var? "Müjdə bir uşaq" deyir. Bax o müjdələnilən uşaq Mehdi (ə.s)-dır. Quranın işarə etdiyi odur. Dolça bürcü dövrüdür. Dolçanın içində olan Mehdi (ə.s)-dır, inşaAllah.

Baş naziri tək buraxmayıb əlini qüvvətləndirmək çox vacibdir. Baş nazirə həm mənəvi dəstək, həm dua dəstəyi verək. Və deyəcəyik ki, "Sənin yanındayıq. Allaha güvən, Allaha sığın, istədiyin kimi hərəkət et, səs verib səni dəstəkləyəcəyik" deyəcəyik.

Mehdiyyət nə kapitalistdir, nə də kommunistdir. Quran ruhu ilə hərəkət edən, cənnət modelini əsas götürən cənnətistdir.

Baş nazir bölünməyə şiddətlə qarşı olan bir insandır. O, "Böyük Türkiyə" tərəfdarı, Türk-İslam Birliyi tərəfdarıdır. PKK-ya nifrət edir, onların namərd quruluşuna nifrət edir. Bölünməyi heç vaxt istəməz. Onun üçün dəstək olmaq çox əhəmiyyətlidir.

İnşaAllah daha Mehdi (ə.s)-ın zühurunu görəsiyik, İsa Məsihi görəsiyik. Dəccaliyyətin fikirlə yox olduğunu görəsiyik. İslam Birliyinin meydana gəldiyini görəsiyik. Sonra müsəlmanlıq geriləməyə başlayacaq. Hicri 1506-cı ildən sonra 1543-cü ilə qədər inşaAllah geriləmə davam edəcək. Hicri 1543-cü ildən sonra sırf Allahsız, Kitabsız tiplər qalacaq. 1545-ci ilə kimi də Allahın icazəsi ilə qiyamət qopacaq.

Sənətçilərə hər kəsin dəstək olması lazımdır, hər kəsin şəfqətlə yaxınlaşması lazımdır. Sənətçi bütün dünyaya aiddir.

Biz Rəbbimizə qovuşmağı bayram qəbul edərik. Eşqimiz bizim Allahımızdır, əlhəmdülillah.

Hz. Adəm dövründən bəri "inşaAllah- maşAllah" zikri vardır. İnşaAllah və maşAllah hz. İbrahim (ə.s)-ın da istifadə etdiyi, bütün peyğəmbərlərin istifadə etdiyi Allahın sirli zikridir.

Mehdi (ə.s)-a qarşı otuzdan artıq dəccal mübarizə aparır. Cin düşmənləri də vardır.

Fanatiklər kobud, təcavüzkar, hamıya nifrət edən, sevgisiz, eqoist, qısqanc çirkli və çirkin bir qadın modeli istəyirlər. Bu cazibəsiz bir model olur. Buna heç kim yaxın durmaz. Bu vəziyyətdə İslam hakim olmaz, Allah əsirgəsin.

Küfr elə azad deyildir. Münafiq azad deyil. Adam zənn edir ki, azaddır. Azad deyil. Münafiq ucsuz-bucaqsız azad olduğunu zənn edir. Halbuki, ən kiçik incəliyinə qədər onun nə edəcəyi müəyyəndir. Qədərdəkini edə bilər, başqa bir şey edə bilməz.

Ən gözəl nemət dərin imandır. Allaha şəksiz-şübhəsiz iman etməkdir. Diqqətin Allahın üzərində olması lazımdır. Bütün diqqət Allaha yönəlməlidir. Bütün sevgi Allahadır, insanları sevərkən Onun təcəllisi olaraq sevərsən.

Səmimi, qəlbdən, keyfiyyətli, nümunəvi, müasir, sənəti, elmi əsas götürən, Allahdan qorxan, Allaha tam təslim olmuş, Qurana uyğun hərəkət edən, Quranı səmimi şərh edib Quranda nə varsa ona uyğun hərəkət edən, əlavə də etməyən, çıxarma da etməyən müsəlman anlayışı uçqun kimi yayılır. Belə bir İslam anlayışını heç kim rədd etmir.