Adnan Oktar A9 TV; 30 may 2018

Münafiqin müsəlmanlara saysız faydası vardır. Münafiqlə elmi mübarizə, müsəlmanın ağlının daha kəskinləşməsinə, daha güclənməsinə səbəb olur. Münafiqdə şeytani müqavimət vardır, bu müqavimət müsəlmanlar üçün yaxşı fürsət olar. Müsəlmanların daha coşğulu, daha dinamik, daha bir-birinə bağlı, daha canlı olmalarını təmin edər.

Quran əxlaqı çox böyük azadlıqdır. İnsanların beyninə fərahlıq verər. İnsanların beynindəki təzyiq, sıxılma Quran əxlaqının yaşanmamasından qaynaqlanır. Quran əxlaqı yaşansa insanların üzərindən 10 ton yük qalxmış kimi olar. İndiki acılar küfrün təzyiqindən meydana gəlir. Quran əxlaqı olduğunda gənclər, qadınlar, hər kəs ola bildiyi qədər azad yaşayar. Heç kimin başqasından qorxmasına gərək qalmaz.

Özünü bilən, təməlini bilən, bütün kainatın beyninin içində ona göstərildiyini bilən Allahı bilər. Bunu bilməyənin şüuru yoxdur. Şüur sahibi olmayanın da sevgini və mərhəməti bilməsi mümkün deyil. O yalnız həvəsi bilər.

Ağılda zəifləmə də, artım da olar. Ağlı zəifləyən şəxs bunu anlamaz, hətta özünü dünyanın ən ağıllı insanı zənn edər. Ağıl artanda isə həmin şəxs bunu dərhal anlayar.

Allah ilə əlaqə ən həyati məsələdir. Biz çox diqqətlə, xüsusilə Allahın böyüklüyünü düşünərək yaşamaq məcburiyyətindəyik. Allahın varlığını mömin onsuz da qəti olaraq bilər. Allahın böyüklüyünü isə yaxşı düşünmək lazımdır. Allahın böyüklüyünü yaxşı düşünən insan, hər şeyi Allahın etdiyini heç unutmadığı aləmə girər və ola biləcək ən yaxşı həyatı yaşamış olar.

Quran müsəlmanlığında ola bildiyi qədər azadlıq vardır. Allahın haramları çox azdır. Gənclər, qadınlar tam istədikləri kimi azaddırlar. Və Qurana görə hər insan anası atası kimi bütün insanlara baxmaqla mükəlləfdir, bu çox gözəl güvənc və nemətdir.

Tayyib hocamdan və hökumətimizdən xahiş edirik dollarla kirayə dərhal qanunla ləğv edilsin. Dollarla ticarət ləğv edilsin. Türkiyədə bütün əməliyyatlar Türk pulu ilə edilsin. Türkiyəyə iqtisadi tələ quranlara ən yaxşı cavab bu olar. Tayyib hocamdan başqa xahişimiz də, azadlıq və müasirlik ola bildiyi qədər təşviq edilsin. Gənclərin, qadınların azad, istədikləri kimi yaşaya biləcəkləri çox yaxşı vurğulansın. Türkiyənin daha da modernləşməsi və azad olması, qurulan bütün tələləri tərsinə çevirər.

Münafiqin bütün məqsədi müsəlmanlara pislik və zərər verməyə çalışmaqdır. Əsla bunda müvəffəqiyyətli ola bilməz. Ölümcül nifrət duyar amma bu nifrəti yalnız özünə zərər verər, münafiqi daxildən çürüdüb bitirər.

Passiv çözümlər yerinə həqiqi çözümlər ortaya qoymaq əhəmiyyətlidir. Qınamalar, boykotlar və başqaları passiv çözümlərdir. Həmişə qınamaq yerinə, "müsəlmanlar birlik olaq, bütün müsəlmanları qurtaraq" demək lazımdır.

Səmimi olanda vücudda rahatlama olar. Sükunət halı olar. Bütün əzələlər boşalar. Allah səmimi olanların xilas olacağına buna görə xüsusi diqqət çəkmişdir. O səmimiyyət içində Allahın böyüklüyünün bilinməsi əhəmiyyətlidir. Bu səmimiyyəti qazandığında çətinlik olmaz sanırlar. Çətinlik son ana qədər olar, çətinlik imtahanın gərəyidir. Bütün peyğəmbərlər çətinlik çəkmişdir.

Cənnətə zəngin getmək istəyərik. Bu zənginlik dünyada hər an Allah rizası üçün savab qazanmaqla əldə edilər. Uzun ömür buna görə istənilər. Savabı zaman içində qazandığımız üçün, zamanın uzun olması çox savab almamıza, cənnətə çox zəngin getməyimizə vəsilə olar.

İmtahanı xeyirlə bitirmək çox böyük hadisədir. Dünyanın hər dəqiqəsi çətindir. Bu çətinliyin gözəlliyi vardır, amma hər an hər saniyə böyük diqqət tələb edir. Buna görə dünya həyatını xeyirlə bitirən insanı çoxlu təbrik etmək lazımdır, çünki böyük müvəffəqiyyət əldə etmişdir.

Bir insan bütün həyatını Allaha həsr elədisə, həyatın bütün yönlərindən özünü çəkib yalnız Allah üçün yaşayırsa, bu, o insanın təqvasının dəlilidir. Amma buna baxmayaraq müsəlmanda yenə də həmişə Allah qorxusu və cəhənnəmdən çəkinmək olar.

Quranda qadını döymə hökmü yoxdur. Allah həyat yoldaşları arasında anlaşılmazlıq olanda əvvəl danışın, sonra yataqlarınızı ayırın, sonra evləri ayırın, sonra hakim təyin edin razılığa çalışın, buna baxmayaraq olmursa boşanın deyir. Quranda keçən "darabə" feili qadının döyülməsinə deyil evdən ayrılmasını izah edər.

Tayyib hocam cumhurun başı olaraq, dövlətimizin və millətimizin dəyərlərinə sahib çıxaraq, bozqurd işarəsi etməklə çox gözəl rəftar göstərmişdir. Bozqurd simvolunu hər kəsin istifadə etməsi millətçilərə xoşbəxtlik verir. Türklük demək Türküm deyən hər kəsi öz qardaşı görməkdir. Ülkücülər laz, kürd hər kəsi qardaş olaraq sevər və kim bozqurd işarəsi edirsə bundan xoşbəxtlik duyar. Dünyanın hər hansı yerində bozqurd işarəsi edəndə buna sevgi və hörmət edilər.

İnsanların bəziləri dəccaliyyətdən bəhs etdiyimizdə üsulu ilə bir mövzu anlatdığımızı düşünürlər. Dünya metafizik yerdir. Dəccaliyyət həqiqətən dünyaya neqativ təsir edir, Mehdiyyət də həqiqətən buna qarşı elmi mübarizə edir. Sevgisizlik də dəccaliyyətin səbəb olduğu ən böyük faciələrdən biridir. İnsanların dünyada çəkdikləri ən böyük acı sevgini yaşaya bilməməkdir. Az qala heç kimsə sevməyi və sevilməyi bilmir. Az qala bütün insanlar, digər insanlardan dəhşətə gəlmiş və sevginin olmadığına inanmışlar. Elə bu faciəni aradan qaldıracaq olan Mehdiyyətdir.

Diyarbəkirdə şəhid olan igidlərimizi təbrik edirik. Allah onlara nə gözəl mövqe nəsib etmiş, nə böyük gözəllik qazandılar. Məqamlarına qibtə edirik. Şəhadətləri mübarək olsun.

Bir insan Allahın böyüklüyünü qavradığında bu gözəlliyin sevincini yaşamırsa, beyni əvvəlki həyatının təzyiqi altında deməkdir. Beyni uşaqlığından qalma bəlalı sistemin içində boğulur deməkdir. “Mən bu cür böyük neməti gördüyüm halda niyə bu sevinci yaşamıram” deyə bununla mübarizə etməsi lazımdır. İsrarla mübarizə etsə, o kədərdən xilas olar, nəşə və sevinc tapar.

Allahı sevmək dünyadakı ən əhəmiyyətli mövzudur. Allahı, haşa, bir kənarda buraxmış kimi öz halına dalmaq insanların ən böyük səhvi və əxlaqsızlığıdır. Allah çox mərhəmətli və şəfqətlidir, insanların bu qədər anormallığına baxmayaraq bütün insanlara rəhmət edir. İnsanlar özlərinə belə vəfasızlıq, nankorluq edilsə yeri yerindən oynadarlar. Allah isə çox mərhəmətlidir.

Mehdiyyət siyasətlə maraqlanan düşüncə deyil. Mehdiyyətin xüsusiyyəti yalnız sevgi, dostluq, sülh və mərhəmətdir.

Axırzaman münafiqləri dünyanın ən alçaq münafiqləridir və onların üzərində nəsillər boyu davam edəcək lənət vardır.

Allahın böyüklüyünü heç unutmamaq mövzusunda çox ciddi istək lazımdır. O zaman sevgi bütün mənliyi örtər. Bu cür sevgi ruhda meydana gəldiyində, Allah seviləcəkləri də göndərər.

Münafiq axmaqdır. Özünə axmaq təsəllilər tapmağa çalışar. Allaha, Allahın sevdiklərinə, İslama, Qurana düşmən olan münafiqlərə Allah düşməndir. Nəsillər boyu davam edəcək alçaldılma, nifrət edilmə və lənəti boyun olmuşlar. Qotur itlər belə münafiqlərin yanında dayanmaq istəməz.

Allah gözəl insanları, cənnətin necə gözəl olduğunu düşünməmiz və anlamamız üçün bir növ nümunə olaraq yaradır. Cənnətdə hər insan qəlib kimi gözəldir, heç bir qüsur, nöqsan yoxdur.

Hər yatdığımızda hər gün ölür, hər gün dirilirik. Bir gün də yenə yatacağıq və əslində bir yuxu olan bu həyatdan oyanacağıq. Yuxudan qalxdığımızda, yuxu ilə həyatın necə fizika qaydaları fərqli olur amma bizə qəribə gəlmirsə, axirətdə də fizika qaydalarının olmamasını çox adi qarşılayacağıq.