Adnan Oktar A9 TV; 30 iyun 2017

Heç bir imani iş görməyən, heç bir insanın imanına vəsilə olmayan şəxslər Bədiüzzaman kimi möhtərəm insana söz deyə bilməzlər.

Dindarlıq yüksəlmir deyənlərin bir anket şirkətinin bir qrup insandan soruşmasıyla deyil, küçədə insanlardan soruşaraq araşdırma aparmaları lazımdır. Bəzi dairələrin dindarlıq zəifləyir iddiası, Quran müsəlmanlığının yayıldığını görmələrindən irəli gəlir.

Tək bir quşun tək bir tükünün tək bir hüceyrəsində İstanbul şəhəri qədər böyük, mürəkkəb məlumat var. Bu məlumat təsadüf nəticəsində meydana gələ bilməz.

Müsəlman təkcə Allahdan qorxar, lakin hər zaman təmkinli və diqqətli olar.

Qadınların ictimai nəqliyyat vasitələrində narahat olması bütün cəmiyyətin vicdanını narahat edər. Qadınlara hər zaman prioritet verilməlidir.

Millətimiz mübarək millətdir. Ələvi, sünni, bektaşi, cəfəri, hər biri ayrı gözəldir, hər biri ayrı dəyərlidir.

Cənnətin ən mühüm xüsusiyyətlərindən biri çox təmiz olmasıdır. İnstinkt olaraq təmizlikdən zövq almaq Allahın bizə hədiyyəsidir. Təmizlik eyni zamanda sənətdir. Bir yerə təmizlik gəldikdə keyfiyyət və gözəllik gələr. Təmizlik cənnətə həsrətimizin təcəllisidir.

Rumlar, musəvilər, hamısı qardaşımızdır, hamısı canımızdır. Hər biri Türkiyənin bəzəyidir, gözəlliyidir, hər biri çox dəyərlidir.

Quranın qaydalarından kənar cəmiyyətin insanları əzən süni qaydalarını ləğv etmək lazımdır. O zaman hər kəs çox azad olar.

Şeyx Nazım Kıbrısi həzrətlərinin övladları çox dəyərli insanlardır. Onlar bizə Sultanımızın əmanətidir, hər biri bizim üçün çox dəyərlidir.

Hər şeyin Allaha məxsus olduğunu bilən və hər şeyi Allahın yaratdığına iman edən biri qısqanclıq duyğusu yaşamaz.

Ənənəçi ortodoks sistemdə qadın potensial cinayət ünsürü kimi görünür, mövcud olmasını belə təhlükə hesab edirlər. Bu zaman qadına hörmət olmur.

Türkiyə hər zaman məzlumların yanındadır. Qətərin yanındayıq. Səudiyyə Ərəbistanı ilə Qətər də qardaşdır, qardaşları barışdıracağıq inşaAllah.

Müsəlmanların mənəvi lideri olmadığı zaman necə böyük çətinliklər yaşandığını hal-hazırda bütün dünya görür.

Keçmiş və gələcək deyilən anlayış insanın beynindəki inancdır. Sonsuz uzun zaman, sonsuz qısa zaman içində olub bitmişdir.

Keyfiyyətli insan tərifləndiyi zaman lovğalanmaz. Lakin insanların bir hissəsi qeyri-sabit olur, adi insan olduğu halda tərifləndiyi vaxt əxlaqları pozulur. Tərifləndiyi zaman lovğalanıb özündən çıxmaq müəyyən mənada ruhi xəstəlikdir və şəxsiyyət pozuqluğudur. Sevgi dolu, Allahdan qorxan, Allahı sevən insan hər zaman sabitdir, tərifləndiyi zaman əsla lovğalanmaz.

Quranın azadlıq sahəsi çox genişdir. Qurandakı azadlıq yaşandığı zaman kimsə sabahı düşünməz, insanlar heyrətamiz sevinc və coşğu ilə yaşayarlar.

Hər şey təsadüf məhsuludur deyərək insanları aldatmağa çalışmaq tarixi məntiqsizlikdir. Təkamül elm deyil, bütpərəst inancdır.

Darvinistlər də çox yaxşı bilirlər ki, təkamül elmi deyil. Buna görə təşvişə qapılır, israrla "təkamül həqiqətdir" deyə çırpınırlar. Astronomiya, paleontologiya, biologiya həqiqətdir, deyə heç kim çırpınmır. Çünki elm olduğundan hər kəs əmindir. Təkamül üçün çırpınmalarının səbəbi həqiqət olmadığını çox yaxşı bilmələridir. Darvinizm elmi olaraq öldü. Darvinistlərin təkamül ölmədi deyə ağlamalarının mənası yoxdur.

Kitab ilə təbliğ dəccaliyyətə vurulmuş elmi zərbədir.

Rumilik ilə Anadoludakı mövləvilik eyni deyil. Rumilikdə homoseksuallıq var. Rumilikdə "bizim yolumuzda İslam yoxdur" deyilir. Millətimiz İngiltərə dərin dövlətinin fəlsəfəsi olan rumiliyi heç vaxt qəbul etməz. İslam aləminə dinsizliyin yayılmasına icazə vermərik.

Qanuna, hüquqa uyğun olduqdan sonra ədalətin mükəmməlləşməsini istəmək gözəl tələbdir. Müxalifətin olması demokratik zənginlikdir.

Gənclərdə həmişə sevgi, dostluq, qardaşlıq mühitinə həsrət var. Gənclərin istədiyi bu gözəl dünya həsrəti mehdiyyət dövründə həqiqət olacaq.

İctimai nəqliyyat vasitələrində qadınların qorunması yüksək əxlaqın əlamətidir. Buna çox diqqət göstərilməsi lazımdır.

Türkiyənin texnologiya və elm sahəsində geri qalmasının ən mühüm səbəblərindən biri ənənəçi ortodoks İslam anlayışıdır. Çünki bu anlayış incəsənəti, geniş düşünməyi qadağan edir. İncəsənətin və geniş düşünmənin olmadığı bir yerdə elm də, texnologiya da inkişaf etməz.