Adnan Oktar A9 TV; 25 fevral 2017

Münafiqin çirkin üsullarından biri də, özü İslamı yaşamaz, lakin müsəlmanlara həmişə ağıl verər, özünü çox üstün görər.

Münafiq bir növ sualtı qayıq kimidir. Müsəlmanların içində suyun altından gedər, görülməz. Münafiqlər müsəlmanlara qarşı kin doludurlar.

Münafiq böhtana da əl atar. Özü əxlaqsız yaşayar, lakin mömin qadınların əxlaqı, həyatı barədə böhtanlar ortaya atar.

Münafiqlərin iyrənc və azğın olanları olduğu kimi, səssiz və sakit, dərindən fəaliyyət göstərənləri də vardır. Münafiqlərə qarşı diqqətli olmaq lazımdır.

Keyfiyyətli münafiq dərin dövlətlə əlaqəlidir və buna görə də, küfr əhlinin müsəlmanlara qarşı ən mühüm silahlarından biridir.

Münafiq çoxbilmiş, ədabaz və özündənrazıdır. Təkcə öz ağlını bəyənər, müsəlmanlara qarşı isə ədabazdır.

Münafiqi soruşsan qatı dindar olduğunu söyləyər, hətta müsəlmanlardan daha diqqətcil olduğunu iddia edər, lakin əslində müsəlmanlardan nifrət edər.

Müsəlmanların ən böyük səhvlərindən biri münafiqləri bulanıq bir mövzu olaraq görmələri idi. Buna görə də münafiqlər İslam aləmini qırıb keçirdi.

Münafiqləri tək tip olaraq görməmək lazımdır. Sinifləri və tərzləri fərqlidir, bunları görmək, diaqnoz qoymağa çox faydalı olur.

Münafiq İslama, Qurana uyğun olmayan işlər görər, lakin sözləri ilə insanları aldatmağa çalışar. Dərin düşünməyənlər də buna aldanar.

Peyğəmbərimiz (s.ə.v) dövründəki münafiqlər də o zamanki dərin dövlətlərə yaxın ədabaz xarakterli tiplərdi.

Hz. Əli və digər xəlifələrin şəhid edilməsinin əsas səbəblərindən biri dövrün münafiqlərinin Quranın kafi olmasını qəbul etməmələridir.

Möminin imtahanın ən mühüm hissəsi küfrə, dəccaliyyətə, azğınlığa qarşı elmlə, səbirlə, şəfqətlə apardığı mübarizədən ibarətdir.

Tez qəzəblənmək də küfrdən gələn vərdişdir. Allah, İslamı tanıdıqdan sonra bütün bu çirkin əməllərdən imtina edilməsini istəyir.

İnsanların bir hissəsi İslamı qəbul etdikdə küfrdən tam imtina etmir. Küfrdən gələn çirkin yüklərdən tamamilə imtina etmək lazımdır. İyrənc əməl, söz ilişdirmək, sünilik, əhvalın tez pozulması, kədər, təvəkkülsüzlük, küfrdən gələn çirkin yüklərdir. Bunlardan İslamı qəbul etdikdə imtina edilməlidir.

Allahın küfr əhlinə və münafiqlərə möhlət verməsi, son ana qədər təxirə salması müsəlmanları aldatmamalıdır. Son ana saxlamaq Allahın qanunlarındandır.

Özünə hörməti olmayan, savaşmağa meylli, həmişə söyüşlə danışanlar nifrət dolu həyatı məqbul görürlər. Belə həyat olmayacağını söyləmək lazımdır.

Müsəlman münafiqlərin və küfr əhlinin içərisində şəxsiyyətini, inancını, qətiyyətliliyini qoruyaraq elmi mübarizəsinə davam edər.

Müsəlman münafiq və küfrlə qarşılaşdığı zaman təşvişə düşməz. Sakitcə, ağılla və səbirlə onları öyrədər, elmi yolla mübarizə aparar.

Küfr əhlinin cəhənnəmdə yaşadığı əzab bizim bildiyimiz mənada olan əzab deyil, Allahualəm. Lakin Allah sözünü mütləq yerinə yetirər.

Küfr əhlinin həyatında həmişə çətinlik, bəla, əzab, ürək sıxıntısı, ağıl nöqsanlığı, mühakimə pozuqluğu, kir, çürümüşlük və qeyri-sabitlik hakimdir.

Allah möminləri birbaşa küfr əhli ilə müsahib etməz, küfr əhli eyni məkanda da olsa möminlərdən ayrı bir aləmdə sanki öz cəhənnəmində yaşayar. Münafiqlər də möminlərin arasında yaşayarlar, lakin mütləq küfr aləminə keçərlər, lakin iman gətirənlərə zərər verə bilməzlər.

Küfr əxlaqındakı vicdansızlıq onlara o qədər böyük əzab çəkdirir ki, sanki cəhənnəm oduna düşmüş kimi yaşayırlar. Buna görə belə qəzəblidirlər. Özləri sevgini, gözəlliyi, dostluğu, səmimiyyəti yaşaya bilmədikləri üçün iman gətirənlərin təmiz, nurlu, keyfiyyətli həyatı onların içinə dərd olur.

Küfr əhli ayrı aləmdə, ayrı tezlikdə yaradılır. Möminin onların halından təsirlənib bir anlığa şübhəyə qapılması çox böyük vicdansızlıq olar.

Münafiq çox lovğa, lakin eyni zamanda çox cahildir. Cahilliyini uca səslə bağıraraq gizlətməyə çalışar.