Adnan Oktar A9 TV; 19 Oktyabr 2012

MHP, BBP və Səadət Partiyası ölkə üçün çox vacib üçlükdür. Birlikdə böyük iclaslar, konfraslar təşkil etmələri çox gözəl olardı.

Cənab Dövlət Bağçalı çox ağıllı, bir çox əziyyətlərə düçar olmuş insandır. İdealistlərin lideridir. Onu sevir və hörmət edirik. MHP də bütün Türkiyəni əhatə edən partiyadır.

MHP-nin terrora və hərəkatlara qarşı münasibəti çox gözəldir.

İdealist və Alpərən ocaqlarının varlığı əhəmiyyətlidir. MHP, BBP və Səadət Partiyasının varlığı lazımlı olan partiyalardır. Partiya olmaqdan başqa bunlar bir fikir ocağıdır, əxlaq məktəbidir. Nə MHP-də, nə BBP-də, nə də Səadət Partiyasında iqtidar ehtirası, siyasət ehtirası yoxdur, bu partiyaların iddia ehtirasları vardır.

CHP, MHP, BBP, bütün partiyalar unitar quruluş barədə baş nazirə dəstək olsunlar.

MHP-nın hamiyyəti-islamiyyəsi güclüdür, amma eyni zamanda çox mülayim insanlardır.

MHP gəncliyi (İdealist gənclik), Səadət gəncliyi, Alpərənlər birlikdə qardaşca, demokratik, elmi, coşğulu, imana, Qurana əsaslanan qardaşlıq ruhu daxilində toplu şəkildə hərəkət etsinlər. "Vətəni böldürmərik" şüarı ilə sıx bir fəaliyyətə başlamalarının zamanıdır.

MHP vətəni, milləti eşqlə, dəlicəsinə sevən insanlardır.

Hər vaxt MHP-nin də, BBP-li qardaşlarımızın da, Səadət Partiyalıların da coşğulu, qüdrətli səslərinə millətin ehtiyacı var. Xarici dünyanın da bu səsi eşitməyə ehtiyacı var.

MHP benqal pələngi kimi nərə çəkir, maşaAllah.

MHP bu vətənə çox əmək sərf etmişdir, xidməti çoxdur.

MHP həmişə müstəqil bir güc kimi mövcud olmalıdır. İdealistlər, mücahidlər fərqli bir qüvvə kimi millətin zəmanətidir.

MHP daxili və xarici təhlükələrə qarşı böyük gücdür. CHP qatı dinçiliyə qarşı mükəmməl potensialdır. Səadət Partiyası Ortodoks rəftarı ilə çox razıdır. Həmçinin Böyük Birlik Partiyasını da bütün qəlbimlə dəstəkləyirəm.

MHP tək başına həmişə həm PKK təhlükəsinə, həm də kommunist qiyamına qarşı dəfələrlə çox gücə malikdir. Tam əmin olaraq deyirəm, MHP PKK qiyamına və kommunist qiyama gücü çatacaq mövqedədir. Hər yerdə: havada da, quruda da, dənizdə də güclüdür.

AKP, MHP, BBP, Səadət―bütün sağ partiyalarımızın fərqli gözəllikləri var. Hər hansı partiyanı təhqir etmək ağıllı hərəkət deyil. Bütün partiyaların yaxşı cəhətlərini bir yerə yığmaq ən məqsədəuyğun hərəkətdir. CHP də yaxşıdır, tarazlıq partiyasıdır.

Hörmətli Dövlət Bağçalı, MHP-nı çox gözəl idarə edir.

Əgər MHP olmasaydı, Türkiyə indi kommunist idi. Dəqiq getmişdi. O aslanlar bədənlərini Səddi-Zülqərneyn kimi sipər edib vətəni, milləti qurtardılar, maşAllah.

MHP Türkiyənin fəal qüvvəsidir. Yəni millətin daim etibar edərək arxalandığı bir gəncliyi vardır, idealist bir gəncliyi var. MHP-nin hüdudları çərçivəsində idealist gəncliyin də səsi gur çıxmalıdır. Həm gəncliyin, həm də partiyanın üzvlərinin səsi gurultulu çıxsın.

Milliyyətçi Hərəkət Partiyası vətən, millət, bayraq, dövlət sevgisi, millət sevgisi və diqqətli olmaq deməkdir, qəflətə və dəlalətə qarşı ayıq-sayıq olmaq deməkdir. Vətənin, millətin mənfəətini çox diqqətlə qorumaq deməkdir. Ciddi və ətraflı bir şəkildə araşdırmaq deməkdir. Buna görə belə müvəffəqiyyətli bir hərəkatı məclisdən uzaqlaşdırmaq düzgün deyil.

MHP-nin aktiv bir gəncliyi var. Yetişdirilmiş, siyasi və ideoloji cəhətdən təhsil almış bir gəncliyi var. Amma Ədalət və İnkişaf Partiyasının belə bir gəncliyi yoxdur. Bunu Ədalət və İnkişaf Partiyası da etməlidir. Milliyyətçi, vətənpərvər, vətənə, bayrağa, millətə, dövlətə zərər verməyə çalışanlara qarşı kükrəyən bir gənclik yetişdirməlidirlər. Bu vacibdir.

Rəhmətlik Başbuğun gəncliyə verdiyi ruh, fəlsəfə, dövlət kitablarında oxudulmalı olan, dövlətin rəsmi siyasəti olmalı bir ruhdur. Gəncliyin də bu şəkildə yetişdirilməsi lazımdır. Bunu etmirlər. Bu çox dəhşətli bir şeydir.

Millətçi gəncliyin yaxşı xüsusiyyəti, çox dəliqanlı, cəsur olmasıdır. Əslində bütün türk gəncliyinin bu mənada dəliqanlı olması lazımdır. Qorxaq bir gənc ola bilməz. Vətəndən söhbət getdikdə qız da, oğlan da dəliqanlı olmalıdır.

MHP koalisiya üçün təkcə bir ön şərt irəli sürsün; PKK-nın darmadağın edilməsi şərtini. MHP qəhrəman olar. Belə olduqda AKP də xilas olar, MHP də xilas olar. Daxili İşlər Nazirliyini MHP-yə versinlər.