Adnan Oktar A9 TV; 4 iyun 2016

Münafiq şeytana qarşı hörmətkeşdir, ona təslim olmuşdur. Yəni dediyi bir şeyi iki dəfə dedirtməz, dərhal yerinə yetirər. Lakin Quranın hökmlərinə, Peyğəmbər (s.ə.v)-in hökmünə şiddətlə qarşıdır.

Münafiq heyrət ediləcək refleksə malikdir. Şeytanın söylədiyini həmin dəqiqə, həmin saniyə yerinə yetirər. Lakin Allahın dediyini etməz, Quranın dediyini etməz. Peyğəmbər (s.ə.v)-in dediyini etməz. Çünki üsyankardır. Münafiq şeytana qarşı itaətkardır.

Münafiq, müsəlmanın Quranla söylədiklərinə tabe olmaz, lakin şeytan söylədikdə dərhal edər. Şeytan şəxsiyyətsizlik, əxlaqsızlıq pıçıldayan kimi, dərhal edər. Heç tərəddüd etməz münafiq.

Münafiqlik əsrlərdən bəri, hətta minlərlə ildən bəri möminləri gəmirən, məhv edən sistemdir. Bu məsələ həll olduqda möminlərdə bütün dünya səviyyəsində böyük fərahlıq yaşanacaq.

Münafiq əhəmiyyətli hesab etmədiyi kəsləri hədəf almaz. Onun seçdiyi bir siyahı var. Ən başda peyğəmbər, sonra səhabələrin qabaqcılları. Bir vəlidirsə, məsələn, o vəli olan insan və vəli olan insana ən yaxın kəslər, ən güvəndiyi kəslər, birbaşa onları hədəf alar münafiq.

Tarix boyu həmişə münafiqlərin ilk növbədə peyğəmbəri hədəf aldıqlarını görürük. Sonra möminləri hədəf alarlar.

Münafiq xidmətini göstəriş üçün edər, başqaları desin deyə. Müvəffəqiyyətli olmaq istəyər, yəni adının eşidilməsini istəyər. Allah üçün etməz, göstəriş üçün edər.

Münafiqlər özlərinin o pis fəlsəfələri üçün, o əxlaqsız düşüncələri, o qəddar ruhlarının meydana gətirdiyi pis siyasət üçün, öz aləmlərində peyğəmbərləri, imamları da yönləndirmək istəyiblər.

Samiri ömrünün sonuna qədər tək yaşamışdır. Bu münafiqlərdə bir həyat tərzidir. Möminləri sevməzlər, bəyənməzlər. Özlərini çox böyük hesab edərlər. Buna görə də, möminlərlə danışmaq, onlarla bir yerdə olmaq da istəməzlər. Yalnız yaşamaq istəyərlər.

Möminə edilən hər şey xeyirdir. Münafiqin özü üçün xeyir zənn etdiyi hər şey də onun üçün şərdir. Yəni nə etsə onun əleyhinə olar.

Münafiq, bir gün müsəlmanlara hücumetmə həyəcanıyla yanıb kül olar. Halbuki onu da Allah yaradır. Nə edəcəyi həmişə bəllidir, qaçacağı gün də bəllidir, hamısı, yəni bütün edəcəkləri bəllidir. O, axmaq olduğu üçün özünü müstəqil zənn edər.

Münafiqin dünyada da, axirətdə də sonu həmişə fəlakətdir.

Münafiq yalan danışarkən heç utanmaz. Yalanları biabırçılıq dərəcəsində ağılsızdır və yalanının ortaya çıxmayacağını zənn edər.

Münafiq xarakterli insanların yazılarını araşdırın, hamısının yazılarının oğurlanmış olduğunu görərsiniz. Münafiq bir-biri ardınca yalanlar danışar, çox saxtakardır.

Münafiq heyrət ediləcək dərəcədə yalançıdır, hər şey üçün bəhanə tapar. Bir əxlaqsızlıq etdikdə bəhanəsi də mütləq olar.

Dürüst olmaq vicdanın rahat olmasını təmin edər. Münafiq isə həmişə saxtakarlıq, yalançılıq edər, buna görə də həmişə gərginlik içindədir.

Münafiq şərəfsiz olduğu üçün yalan söyləməkdən utanmaz, insanın gözünün içinə baxa-baxa yalan söyləyər. Münafiq yalan söyləyərkən üzərində yalan söyləməkdən irəli gələn heç bir narahatlıq olmaz. Bu arsızlığın səbəbi şeytanın nəzarəti altına girməsidir. Münafiqin ağzından yalan, su kimi axar. Yalanlarının ardı-arxası kəsilməz.

Münafiq çox boşboğaz, lovğa, nalayiq, lakin şeytani qabiliyyətlə hazırcavabdır, çox ardıcıl yalanlar söyləyər. Peyğəmbərimiz (s.ə.v) də münafiqlərin boşboğaz olduqlarına diqqət çəkmişdir.

Yalan adi bir hadisə deyil. Murdardır, insanın üzünü qaraldar, ağlını alar, çirkinləşdirər.

Yalan danışmaq dəliliyin bir növüdür və insanların diqqətini çəkmək üçün, insanları əyləndirmək üçün, cahil təbəqədə xüsusilə mədəniyyətsiz təbəqədə çox geniş yayılmışdır. Bu dəlilik növü olduğu və insanı alçaltdığı üçün, heç bir insan buna yaxın durmamalıdır. İnsanların diqqətini çəkəcəyəm, yaxud çoxbilmişlik edəcəyəm, böyüklüyünü göstərəcəyəm deyə yalan danışmaq alçaqlıqdır.

Allah adından yalan söyləyənlər, Quranda olmayan büt inanclar üçün İslamın geriləməsinə, müsəlmanların əzab çəkməsinə səbəb olurlar.

Allah adından yalan uydurub Quranda olmayan haramlar ortaya qoyanlar İslam aləminin daxilən çökməsinə səbəb olurlar.

Səmimi insan necə də gözəl olur, saxtakar insan necə də pis olur. İnsan dürüst olduqda rahat olur. Yalan insanı sıxar, boğar. İntiqam, səmimiyyətsizlik.. İnsan onsuz da zəifdir. İnsan belə yükləndiyi vaxt pərişan olar, sağlamlığı gedər.

Namus dinin bütünüdür. Namusa zərər təkcə zina ilə gəlməz, yalan danışanın, haram işləyənin də namusu zədələnmiş olar.

Müsəlmanın tətili olmaz. Suriyada, İraqda müsəlmanlar öldürülərkən, Əfqanistanda müsəlmanlar məhv edilərkən, Misirdə müsəlmanlar pərişan ikən, İslam aləmi dəhşət içində yaşayarkən bizim istirahətə ayıracaq vaxtımız olmaz. Hətta mövzulardan danışarkən belə, öncə ən təcili mövzulara yer verilməlidir.