Adnan Oktar A9 TV; 13 fevral 2018

Ağıl Quranla birlikdə inkişaf edər. Ağıllı bildiyimiz insan belə Quranı unutduğu zaman yolundan azar, ağıllı ola bilməz. Ağlın yaranması üçün Qurana tam tabe olmaq əsas şərtdir.

Allah yolundakı qətiyyətimin ən böyük səbəbi Allaha olan inancım və sevgimdir. Dünyada Allahdan başqa diqqət yönəldiləcək başqa heç bir məsələ yoxdur. Həyatı Onun üçün yaşamaq, Onun üçün sevmək və Onun üçün səy göstərmək lazımdır.

Bir çox insan başqa yerlərə diqqətini yönəltdiyi üçün Türkiyənin qarşısında əsas qüvvənin və təhlükənin İngiltərə dərin dövləti olduğunu görmür. Yaxın Şərqdəki bütün fitnələrin, iğtişaşın təşkilatçısı İngiltərə dərin dövlətidir. Yaxın tarixdəki hadisələri diqqətlə təhlil etsələr bunu görərlər. Biz sənədləri ilə İngiltərə dərin dövlətinin üzərindəki pərdəni qaldırdığımız üçün, dəccaliyyəti ifşa etdiyimiz üçün heyrətamiz dərəcədə narahat oldular. Elmlə, irfanla, qanunla dəccaliyyətin bütün pərdələrini qaldırmağa davam edəcəyik.

Bir mövzuda hökm verərkən ədalətli olmaq üçün heç kimin təsiri altında qalmamaq lazımdır. Ədalət ağıl işidir. Ən ağıllı, ən səmimi, ən doğru nədirsə ədalət onu tapar. Türkiyədə 28 fevral düşüncəsində olan bəzi kəslər ədaləti öz kin və qəzəblərini göstərmək üçün silah kimi istifadə etmək istəyirlər. Ədalət belə çirkin yollara girməz, ədalət dürüst və ağıllıdır, İslam nuruyla nurlanmışdır.

Bu dövrdə canla-başla Allah üçün, Quran üçün, vətən üçün, millət üçün səy göstərən Tayyib hocama haqsızlıq etməyə cəhd etmək, işinə mane olmaq mənim inancıma görə fitnədir. Türkiyə olaraq prezidentin ətrafında millət olaraq möhkəm birləşək, dəccaliyyətin həmlələrini aradan qaldıraq. Qarışıqlıq olduğu dövrdə liderin ətrafında birləşmək, möhkəm birləşmək fərzdir. Belə dövrdə ediləcək tək şey birlik olmaqdır, çox möhkəm şəkildə bütöv millət olaraq möhkəm birləşməkdir. Türkiyə olaraq prezidentin ətrafında millət olaraq möhkəm birləşək, dəccaliyyətin həmlələrini aradan qaldıraq. İngiltərə dərin dövlətinin tərəfdarları əxlaqsızcasına Tayyib hocamı hədəf seçmiş vəziyyətdədirlər.

“Bunu etsən günahın mənədir” sözü dini bilməyən insanların istifadə etdiyi üslubdur. Dinə əhəmiyyət verən insan bu cür üslub istifadə etmir. Qurana görə heç bir insan başqasının günahını daşımaz. (Fatir surəsi, 18: Heç bir günahkar başqasının günah yükünü daşımaz. Yükü ağır olan kimsə öz yükünü daşımaq üçün başqasını köməyə çağırsa və çağırdığı kimsə yaxın qohumu olsa belə, o yükdən heç nə daşınmaz. Sən ancaq Rəbbindən Onu görmədikləri halda qorxanları və namaz qılanları xəbərdar edirsən. Kim günahlardan təmizlənirsə, öz xeyrinə təmizlənmiş olur. Qayıdış də ancaq Allahadır.)

İngilis dərin dövləti müsəlman ölkələrin mənəviyyatını zəiflətmək üçün homoseksuallığı istifadə edir. Allahın haram etdiyi homoseksuallığı öz aləmlərində leqallaşdırmağa çalışırlar. Bu böyük təhlükəyə qarşı dövlətimizin bütün qurumlarının çox diqqətli olması əhəmiyyətlidir.

Ülkücülər türk millətinin mülki zəmanətçiləridir. Hər dövrdə çox xeyirlərə, faydalara vəsilə olmuşdular. Dövlət tərbiyəsi almış, nəcib, alicənab, öz millətini, öz fəlsəfəsini, öz dinini müdafiə edən, özünü Allaha həsr etmiş igidlər birliyidir. Allah saylarını və şövqlərini artırsın. Sonuna qədər dəstəkləyirəm. Xüsusilə bu dövrdə çox yaxşı qorunmaları lazımdır. Belə gənclər yetişdirmək çox mühümdür. Allah yollarını açıq etsin.

Zarafat etmək asan şey deyil. Zəka, diqqət və iradə tələb edər. İnsanların zarafatları ümumiyyətlə xəcalət etmə və ya alçaltmağa yönəlmişdir. Bu cür zarafat olmaz. Bu üslub ədəbsizlikdir. Öz təkəbbürünü bəsləmək qarşısındakını alçaltmaq üçün edilən rəftarlar düzgün olmaz.

Münafiq müsəlmanların parçalanmasını istəyər. Məqsədi isə budur: Özü eqoistcə və alçaqca müsəlmanları tərk etdiyində, dünyada acı çəkmiş bütün müsəlmanları tərk etmiş olur. Allahı, Allahın dinini və İslamın birlikdə yaşama əmrini də tərk etmiş olur. Özünü müsəlman tanıtdığı və qüruru də çox olduğu üçün öz aləmində imicini qurtarmaq üçün müsəlmanların tamamilə parçalanmasını istəyər. Müsəlmanlar parçalandığında, o da, həmin parçalardan biri olmuş olur. Cinayət və cinayətin dəlili öz ağlına görə ortadan qalxmış olur. Buna görə münafiq səhər axşam müsəlmanlar dağılsın deyə məşğul olar. Müsəlmanlarda isə münafiqlərin bu işləri tam tərsinə təsir oyandırar, daha çox bağlanar və birləşərlər. Bu da münafiqlərə çox böyük acı verər. Müsəlman bərəkətli heybətli ağac kimi qol-budaq atıb böyüyərkən münafiqlər torpaqda içəridən çürüyər.

Münafiqin 40 yaşıyla möminin 60 yaşı müqayisə edəndə, möminin 40 yaşı daha çox gəncdir. Münafiq çürümüş kartof kimidir. Münafiqin ömrü qısa olur, möminin ömrü uzun olur.

Ağıl, ehtiras və dərinlik kimdədirsə qadın ona yönələr. Eşqin sonsuz dərinliyinə özünü çəkə bilən kişi üçün qadın dəli-divanə olar.

Ağıllı, dürüst, vicdanlı yaşadıqsa öldüyümüz zaman bizi həyəcanla gözləyən izdihamla qarşılaşacağıq. O andan etibarən hər mərhələsi mömin üçün cənnətdir. Möminin ölümlə birlikdə keçdiyi hər mərhələ cənnətdir. Möminin narahat olduğu, qorxduğu, narahatçılıq yaşayacağı heç nə olmaz. Mömin ölüm anında heyrətamiz, çox güclü əmin-amanlıq duyğusu hiss edər. Bu, Allahın möminlərə nemət olaraq verdiyi sakitlikdir. Mömində ölümlə birlikdə çox kəskin və aydın fikir aydınlığı və hüzur yaranar. Mömin üçün axirətə keçdiyi andan etibarən hər dəqiqə cənnətdir. Möminin sorğusu da ucalığını, yaxşılığını, gözəlliyini ona vurğulamaq üçündür, mömini ən kiçik şəkildə belə narahat edən his olmaz.

Allah qadının üzərində təzyiq edilməsinə icazə verməz, nə edəcəyini qadının öz vicdanına buraxmışdır. Qadın bir insanı xoşagəlməz hesab edirsə əl uzadıb görüşməz. Məqbul hesab edirsə əl uzadıb görüşər. Qadını, potensial cinayətkar ünsürü və ağlı zəif hesab edərək ona nəyisə zorla qəbul etdirmək, üzərində təzyiq yaratmaq düzgün deyil.

Allaha yaxınlaşmağın yolu sonuna qədər açıqdır, lakin imanın üzərində pərdələr var. Mömin ömrü boyu o pərdələri açmağa çalışacaq. Hər pərdəni qaldırıb açanda imanı bir daha yerləşəcək, dərinləşəcək.

Bir insan ənənəçi ortodoks inanca mənsubdur deyə, ona təzyiq tətbiq olunmaz. Səhvini söyləyərsən, lakin inancına hörmət edərsən. Doğru olduğuna inandıqları həyatları var, heç kimə zərərləri yoxdur. Bu insanları kədərləndirməyə çalışmaq, bədbəxt etmək, zorla və təzyiqlə yola gətirməyə çalışmaq qəbul edilməz.

Bir qadın yaşlandı deyə ona sevgidə, hörmətdə qüsur etmək çox böyük əxlaqsızlıqdır və günahdır. Müsəlman qarşısındakı insanın sədaqətini, vəfasını gördükcə həmişə daha çox sevər.

Şirkdən qorunmaq üçün insan gün ərzində səhər oyandığından etibarən hər şeyi Allahın etdiyini özünə xatırlatmalıdır. Bunu etdiyi andan etibarən ağlına bərəkət gələr, o insan metafizik varlığa dönər. Səssiz-səmirsiz bərəkət qazanar. İşləri rast gedər, hər şeydə müvəffəqiyyət qazanar. Əgər təbliğ edirsə və təbliği qurtarmayıbsa ölməz. Ömrü uzun olar. Təbliğinə mane olacaq xəstəlik olmaz. Peyğəmbərlərin ömrü vəzifələri bitmədiyi üçün uzun olmuşdur.

Atatürk son dərəcə müttəqi insan idi. Namazlarını qılan, Allahı çox sevən, Allaha aşiq bir insan idi. Cibində Quran gəzdirir, ömrü boyu Quran gəzdirdi. Gedin Mavzoleydə baxın. Cib Quranı var idi. Ömrü boyunca heç çıxarmamışdır, həmişə ürəyinin başında gəzdirmişdir.

Sevgi bölgəyə hakim olsa əla olacaq. İnsanların ömrü də uzanar sevgidə. Sevincləri də artar, sağlamlıqları, səhhətləri də artar.

Allah axirətdə heç bir bəhanəni qəbul etməyəcək. Lakin Allah orada cəhənnəm əhlini sorğu-sual edəcək və danışdıracaq. Bunun səbəbi cəhənnəm əhlinin nə qədər alçaq və namərd olduqlarını və cəhənnəmə niyə layiq olduqlarını göstərmək və möminlərin qəlblərinə fərəhlik və hüzur olmasıdır.

Allah cəhənnəm əhlini ibrət olsun deyə dünyaya göndərir. Onların da mövcudluğu mühümdür, çünki onları görən möminlər imanlarının dəyərini anlayır, Allaha olan yaxınlıqları artır. Cəhənnəm əhlinin ruhu yoxdur, ölüdürlər. Allah onları insanlara göstərsə insanlar qorxudan küçəyə çıxa bilməzlər, lakin Allah onları bəlli etmir.

Allah, dini son dərəcə azad və rahat yaradır. Amma mövhumatçılar din belə olmaz, qadağalar və çətinliklər olmalı, buna görə biz bir az əlavə edək deyirlər. Bu şeytanın oyunudur. Şeytan yəni dəccaliyyət, dini kilidləmək, içindən çıxılmayacaq hala gətirmək, mürəkkəbləşdirmək, beləliklə kimsənin yaşayamayacağı hala gətirmək istəyər. Dəccaliyyət, səmimi olaraq həqiqi dini yaşamaq və izah etmək istəyənləri də dayandırmağa çalışır. Amma dəccal tərəfdarları hər nə edirsə etsin, boş yerə çırpınmış olur, xeyir və haqq hər zaman qalib gələcəkdir.

Allah əsgərimizə güc, qüvvət, sağlamlıq versin. Onlar dünyanın ən mərhəmətli, ən nəcib ordusunun igidləridir. Allah ordumuzu müzəffər etsin.

Allah Hakkaridə şəhid olan igidimizin şəhadətini mübarək etsin. Nə xoşbəxt ona. Onlar bizim quzumuzdur, igidimizdir, aslanımızdır. Axşam yeməyində Rəsulullah (s.ə.v) ilə birlikdədirlər nə gözəl. Allah bizə də şəhadət nəsib etsin.