Adnan Oktar A9 TV; 7 sentyabr 2013

Biz müsəlman, xristian, yəhudi və yaxud ateist, məzlum olan hər insanı qoruyarıq.

Bəzi müsəlmanlarda “yaşasın holdinqçilik” düşüncəsi hakimdir. Bəzilərinə görə isə müsəlmanlıq ağac əkmək, sənayeni inkişaf etdirməkdən ibarətdir.

Qurana tabe olan müsəlmanlar hər şeyi xoş qarşılamalı, hər şeyə ağılla yanaşmalıdırlar. Həyəcanla baxmamalıdırlar.

Müsəlman olan kəs kilsə yandırmaz, kilsəni qoruyar.

Yaxşı olmayan insanlar Allahın möminlərə verdiyi nemətlərdən istifadə edirlər. Yəni əslində nemətlər onlar üçün deyil, səmimi möminlər üçün yaradılır. Onlar da bir kənardan, bir yandan istifadə edirlər. Axirətdə bu imkanlar əllərindən alınar.

Müsəlmanların böyük bir hissəsinin bəsirət və fərasətləri bağlanıb. Evlərində oturub zikr edirlər. On min zikr edərkən orada 70 uşağı qətl edirlər. Onları qoruyacaq, qurtaracaq zikr et.

"Yalnız bu ölkə xilas olsun!" deyirlər, lakin belə olmaz. Bu, eqoistlikdir. Bütün müsəlmanların qurtuluşunu istəməlidirlər.

-Bəzi kəslərə aiddir bu sözlərim-tərtəmiz, imanlı müsəlmanlarla savaşmağı, qarşı çıxmağı asan gördüyü üçün qoçuluq etməyə çalışmaq uğursuzluq gətirər. Allah məzlumu qoruyar, məzluma heç bir şey olmaz. Olan səhv hərəkət edənə olar, inşaAllah.

Müsəlman göz görə-görə şərabı necə içsin? Boğazına tıxanar, istəsə də içə bilməz. Mömin zina ilə iflic olar. Əli qolu bağlanar, qüdrəti çatmaz. Günaha girmə gücü olmaz, bəsirəti bağlanar, edə bilməz, inşaAllah.

Allahın rəhməti öldürməyə deyil, diriltməyə istiqamətlidir. Allahın rəhməti bütün müsəlmanların üzərinə olsun.

Söymək çox kobud və çirkin bir hərəkətdir. Ağıllı tənqid etmək varkən söyməyə nə ehtiyac var.

Təhsildə cəhənnəmə, kafirə, imansızlara, zalımlara ehtiyac vardır. Yaxşı insanlar bu qara kömürün üzərində almaz kimi düzüldüyündə diqqət çəkər.

Müsəlmanların bir yerə gəlib bir-birlərini qorumalarından daha gözəl nə ola bilər?

PKK, küfr mütləq məğlub olur. Dünyada, diqqət yetirsək, küfr heç vaxt qalib olaraq davam etməyib. Küfr mütləq hüsranla bitər.

Çində, dünyanın ən uzaq yerində belə olsa müsəlmanlar tək bir ailədir. Hamısıyla maraqlanmalısan, hamısı üçün məsuliyyət daşıyırsan. Allah ayədə deyir ki, müsəlmanlardan tək bir adama zülm edildiyində bütün müsəlmanlar birləşib onu qurtararlar. Bu, Allahın hökmüdür.

Bir insan küfr içindədirsə , etdiyi hər şey onun üçün şərdir. Yemək yeyər şər olar, küçəyə çıxar şər olar, nə edirsə etsin şər olar. Onun üçün xeyir yoxdur. Əgər bir insan səmimi, mömin, təmizdirsə onun elədiyi hər şeydə xeyir vardır.

Hər inanca mənsub insana şəfqətlə yanaşmaq müsəlmanlığın vəzifəsidir.

Allah ürəyi qara olanlara, mənfi xarakterli, tərs insanlara özləri kimisini nəsib edir. Möminlərə, gözəl xasiyyətli insanlara, insanları sevənlərə də, sevgi, qəlbi məhəbbətlə dolu, nur kimi insanları nəsib edir. Cənnətdə də, dünyada da belədir.

Müsəlman küfrlə, İslam arasında seçim etmək vəziyyətində qalsa İslamı seçər. Bitərəf olmaz; o zaman kənar olar. Amma mömin qardaşlarının arasında əgər seçim etməli olsa o zaman kənarda dayanar.

Darvinistlər, materialistlər, kommunistlər, onlara görə, Allahı aciz vəziyyətə salmaq üçün, haşa, səy göstərirlər. Lakin heç bir təsiri olmaz. Çünki qədərdə onları, onların İslam əleyhinə fəaliyyətlərini yaradan da Allahdır.

Xurafatçılar Müsəlmana hücum etdikcə Müsəlmanın həyəcanı daha da artır. Darvinist-materialistlər hücum etdikcə şövqləri çoxalır. Çünki xurafat, küfr hücumu Quranda vəd edilən həqiqət və möcüzədir. O möcüzəni gördüyü üçün Müsəlmanın imanı artır.

İnsanların bir çoxu belədir, küfr desən onda dərin bir istək, küfrə qarşı dərin arzu yaranar. Müsəlmanca xidmət, rəftar görəndə isə dayanar, durğunlaşar, danışma qabiliyyətini, əzmini itirər, amma küfrlə əlaqədar bir imkan tapsa və Müsəlmanlar da ətrafda yoxdursa, Müsəlmanların gücünün olmadığına əmin olsa, heyrətamiz şəkildə küfr xarakteri, qabiliyyəti göstərər.

Küfrün olması çox əhəmiyyətlidir. İnsanlar küfrün, dəccalın yoxluğunu istəyir. Lap yaxşı, amma belə olduqda imtahanın, savabın da olmaz. Buna görə də Allah dəccaliyətin ömrünü uzadır. Məsələn, dəccalın ömrü qırx ildirsə, İslam hakimiyyətində Mehdi (ə.s)-ın iman həqiqətləri istiqamətindəki fəaliyyəti də qırx ildir.

Küfr əhli müsəlman üçün "ağılsızdır" deyər bəzən, haşa. Halbuki, ən ağıllı hərəkəti o edir. Ömrünə bərəkət gəlir, içi gözəlləşir, xarici görünüşü gözəlləşir. Bədən orqanları belə bayram edər, daxili, zahiri bayram edər. Gözü, üzü məna qazanar, ağılı, bəsirəti açılır, danışığı gözəlləşir.

Biz dünyaya Allaha, dinə xidmət üçün gəlirik. Gözəl əxlaqı, sevgini, vəfanı yaşamağa gəlirik. Dünyəvi mənfəət arxasında olanlar parazit düşüncədə yaşayırlar. Müsəlman dünyəvi mənfəət arxasınca qaçıb dünya malına tamah salmaz. Özünü Allaha tam təslim edər.