Adnan Oktar A9 TV; 12 sentyabr 2013

Allah sevgisinin təcəllisi olan imanlı insanların üslub və ruhları gözəl olur. Allah dünyanı zalımlara, sevgisizlərə, mərhəmətsizlərə görə deyil, iman edənlərə görə qoruyur.

Türkiyədə, Amerikada sevgini müdafiə edən çox az sayda nur kimi insanlar var. Allah sırf onlara görə dünyanı qoruyub yaşadır. Getdikcə bu nurların sayı artaraq işıq hər yeri bürüyəcək. Sonra bu nurlar zaman keçdikcə azalacaq, yox olanda qiyamət qopacaq.

Hal-hazırda dünyada sevgini müdafiə edənlər işıq saçırlar. Onsuz da Allah dünyanı onlara görə qoruyur. Yəni qiyamətin qopmamasının səbəbi budur.

Sevgisizlik, mərhəmətsizlik, şiddət hər yeri bürümüşdür. Bunun yerini sevginin tutması üçün sevgiyə sahib olan, sevgini istəyən insanların cəhdlərini artırmaları lazımdır. Mehdi (ə.s), İsa Məsih aşiqlərinin, tələbələrinin var gücləri ilə cəhd göstərmələri lazımdır. Cəhd göstərdiklərində gözəl nəticə əldə edəcəklər.

Hər kəs sevgini axtarmalıdır. Dünyadakı ən böyük ehtiyac, ən böyük nemət və ən böyük gözəllik sevgidir. Allah sevgi olduğu üçün kainatı yaratmışdır.

Yaxşılıq, mərhəmət etmək, şəfqət, sevgi göstərmək çətindir. Qırıb-tökmək çox asandır. Bəziləri əlinə tüfəngi alıb ətrafdakıları biçib qırır. Amma sevgi göstərmək əmək, iradə, mərdlik istəyir. Səbrin, əzmin ən son mərhələsini istəyir.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

Biz dünyaya Allaha, dinə xidmət üçün gəlirik. Gözəl əxlaqı, sevgini, vəfanı yaşamağa gəlirik. Dünyəvi mənfəət arxasında olanlar parazit düşüncədə yaşayırlar. Müsəlman dünyəvi mənfəət arxasınca qaçıb dünya malına tamah salmaz. Özünü Allaha tam təslim edər.

Cemevlər nur kimi insanların olduğu, Allahdan, Qurandan, İslamdan bəhs edilən, sevgi insanlarının yaşadığı nur məkanları, gözəllik məkanlarıdır.

Kilsə də, sinaqoq da, məscid də Allahın evidir. İstəyən istədiyi yerdə ibadət edə bilər. Allah bütün dünyanı bizə məscid etdi.

Məscid eyni zamanda cəm evidir. Adından göründüyü kimi cəm edilən yerdir. Cəm evində də istəsən gedib namaz qıla bilərsən, Aləvi bacı-qardaşlarımız məsciddə də istəsə namaz qılar, söhbət edər.

AXIR ZAMANDA BÖYÜK MƏSCİDLƏR ALLAH TƏRƏFİNDƏN MEHDİ (Ə.S) ÜÇÜN HAZIRLANIR. Müsəlmanlar Ankaranın küçələrinə sığmayacaq. MEHDİ (Ə.S) ORADA DA MƏHƏMMƏD ÜMMƏTİNƏ NAMAZ QILDIRACAQ. İsa Məsih (ə.s.)-a namaz qıldıracaq. Ankaranın bütün əsas küçələri dolacaq. Məhəmməd ümməti sığmayacaq, bunu da görəcəksiniz. Tək mərkəzdən təkbir gətiriləcək və bu, hər yerdə eşidiləcək. İstanbulda da elə olacaq.

Göz qamaşdıran məscidlər qurulur, Müsəlmanlar küçələrə sığmır, cümə namazları qılınır və yollar tıxanır. İki üç milyon adam eyni anda namaz qılır. Xristianlıq getdikcə geriliyir, İslamiyyət isə inkişaf edib böyüyür. Bu nədir? Mehdiyyətdir.

Hz. Mehdi (ə.s) və Hz. İsa (ə.s)ın vəfatından sonra fanatizm təkrar bərqarar olmayacaq, amma küfr olacaq. AĞILLARI BAŞLARINDAN ÇIXACAQ, MƏSCİDLƏRİ DAĞIDACAQLAR. KƏBƏni DƏ UÇURDACAQLAR.

QİYAMƏT İNSAN OLMAYIB, LAKİN İNSAN GÖRÜNÜŞÜNDƏ OLAN KAFİRLƏR ÜZƏRİNƏ QOPACAQ. Quran, məscid, türbə heç birini buraxmayacaqlar. Nikah da olmayacaq, ailə də olmayacaq, hər kəs hər evi çirkli əlaqələri üçün istifadə edəcəklər. O onu söyəcək, bu bunu döyəcək. Dinsizlik bax, bunu gətirər.

İbadət evləri Müsəlman qardaşlarımızın ibadətxanasıdır.İBADƏT EVLƏRİNİ DAŞLAYAN MƏSCİDİ DƏ DAŞLAYAR.

Xarabalığa çevrilmiş bütün məscidlər yenidən bərpa edilməlidir. O vəziyyətdə saxlamaq haramdır. Mütləq bərpa edilməlidir. Məscid qiyamətə qədər məsciddir. Sən oranı dağıdıb əyləncə məkanı inşa edə bilməzsən.

Hökumət məscidləri abadlaşdırsın, hz. Mehdi (ə.s) içini doldurar. Onların vəzifəsi abadlaşdırmaqdır; hz. Mehdi (ə.s)-ın vəzifəsi də sevgiylə, imanla, təqvalı möminlərlə doldurmaqdır. Çünki dövr hz. Mehdi (ə.s) dövrüdür.

Ələvilər Mehdi (ə.s) aşiqidir, Əhli-beyt aşiqidir, hz. Əli (r.ə) aşiqidirlər. Bərabərliyi, birliyi müdafiə edərlər. Qatı dinçiliyə qarşıdırlar. Sünnilərin bəziləri çox xurafatçı və sevgisizdirlər. Aralarında yaxşıları da vardır. Əsas məsələ, Qurana bağlı mehdiyyət təhsilidir. Səhabə İslamının izah edilməsidir. Şəfqət, mərhəmət, məhəbbət anlayışının inkişaf etdirilməsidir.

Allah dünyada birini yandırmış adamı cəhənnəmdə sonsuza qədər yandırar. Birini zəncirə bağlayan müsəlmanı cəhənnəmdə sonsuza qədər zəncirə bağlayar.

Məsələn, adam var ki, dinsizdir, amma zalım deyil, heç kimə zülm etmir. Bu cür insanların cəhənnəmi ayrı olur. Yəni monoton həyat yaşayırlar. Cənnətlə müqayisə etdikləri üçün iztirab çəkirlər. Sıxıcı, durğun, sönük, mənasız bir həyat yaşayarlar. Bu da cəhənnəmin təbəqələrindən biridir. Orada sıxılar, böhrana düşərlər. Sevgisizlikdən, cənnətin gözəlliyi ilə müqayisə etməkdən böhrana düşər. Allah onlara bu şəkildə əzab verər.

Dinsiz olub, amma zalım olmayanların cəhənnəmi fərqlidir. Allah can yandırmayan dinsizlərə cəhənnəmdə darıxdırıcı, sıxıcı bir həyat yaşadır. Dünyada birini yandıranı Allah da cəhənnəmdə sonsuza qədər yandırır, insanları zəncirləyəni Allah cəhənnəmdə sonsuza qədər zəncirləyər.

Allah yaxşı insanlar üçün dünyanı şəkildən-şəklə salaraq dizayn edir.

Yaxşı olmayan insanlar Allahın möminlərə verdiyi nemətlərdən istifadə edirlər. Yəni əslində nemətlər onlar üçün deyil, səmimi möminlər üçün yaradılır. Onlar da bir kənardan, bir yandan istifadə edirlər. Axirətdə bu imkanlar əllərindən alınar.

Quran üslubundakı dərinliyi yaxşı görmək lazımdır.