Adnan Oktar A9 TV; 7 avqust 2015

PKK-ya kitab atılsa, bu, onlar üçün böyük şok olar. Darvinizmin, materializmin əsassızlığı izah edilsə, yük maşınlarıyla, vertolyotlarla, təyyarələrlə xalqa kitab paylansa, PKK-nın yanlış ideologiyası, darvinizmin, materializmin əsassızlığı izah edilsə yer yerindən oynayar. Dərin Amerika və İngiltərənin oyunları puç olar. Bu bütün dünyada qalmaqal yaradar.

PKK-lı qızlar qayaların arasında yatır. Bizim gənc qızlarımızın olduqca böyük hissəsinə isə, necə ər tapacaqları, necə evlənəcəkləri, necə iş görəcəkləri, mənfəətini necə təmin edəcəyi kimi mövzular barədə təhsil verilir. Milli təhsil verilməlidir, milli şüur dərsi keçirilməlidir.

PKK fasiləsiz surətdə Cənub-Şərqi Anadolu bölgəsində silahlanır. “Proses” deyilən şey yoxdur. PKK, “Proses” deyiləndə; Cənub-Şərqi Anadolu bölgəsinin özünə verilməsini, Abdullah Öcalanın da oraya prezident kimi təyin olunmasını başa düşür.

Milli şüur dərsi keçsən, gənclər sağlam olar. Barbut (zərlə oynanılan qumar növü) oynayırlar, tinər iyləməyə cəhd edirlər. Görəsən haradan narkotik tapa bilərəm dərdindədirlər. İnsanın iddiası olmasa belə olar. PKK-lılar niyə tinər iyləmir? Çünki onun pis, çirkin, əxlaqsız da olsa, bir məqsədi var. Buradakı gənclərin də bir məqsədi olmalıdır.

Kürd qardaşlarımız çox təmiz və möhtərəm, heysiyyətinə, şərəfinə düşkün mükəmməl əxlaqlı insanlardır. PKK əxlaqsız və murdardır. Onların qürurlarına toxunurlar. Zorla pul almaq, zorla uşağını götürmək, zorla evlərinə daxil olmaq, pəncərələrin şüşəsini qırıb, evin içinə silahla atəş açmaq. Kürd qardaşlarımıza hər yerdə sahib çıxmaq və üstünlük təmin edilməlidir.

PKK-lı qızlar batil davaları üçün daşların arasında yatırlar. Bizim qızların bir hissəsi isə, “Ağbəniz şahzadəsi” olmağı arzulayalar. Amandır evlənsin, zəngin olsun. Bəy axtarıb tapmaq üçün çalışırlar. PKK-nın ideoloji qətiyyətliliyinə bax, buradakı bəzi insanların laqeydliyinə və dünya ehtirasına bax. Belə olmaz. Dava adamının ruhu olmalıdır, milli şüur olmalıdır.

Kürdlər nurdur. Kürdlərin bir çoxu Axırzaman müctəhidləri və mücəddidləridir. Kürdlər dindar, alicənab, dürüst, dəliqanlı, mərd və təmizdirlər. Bütün müsəlman xüsusiyyətlərinə sahibdirlər, belə olduqda mən onları canımdan çox sevərəm. Mən PKK-nın düşməniyəm. Kürdün dostuyam. PKK murdardır, kürd nurdur.

Türkiyə sərhədində və sərhədi daxilindəki ən böyük təhlükə PKK-dır. Bizim Cənub-Şərqi Anadolu bölgəmizi tamamilə işğal etmiş və orada öz hakimiyyətini bərqərar etmişdir. Eləcə də, bütün sərhəd zolağı tamamilə işğal altındadır.

Hamısına da avtomatik silahlar verilsin. Yeri göyü inildədərlər. Bu vətənini, millətini qorumaqdır. Ölüm-qalım savaşı veririk. Əsgər nə lazımdırsa etsin. Bu hamısı üçün fərzdir. PKK-ya qarşı mübarizə aparmamaq haramdır. PKK-ya qarşı mübarizədə görülən hər cür qanuni iş halaldır.

Mən heç kəsin ölməsini istəmərəm. Terrorist də olsa ölməsini istəmərəm, amma bütün qaynaqları birdəfəlik yox edilsin. Yolları, körpüləri dağıdılsın, yerlə-yeksan edilsin ki, təslim olmalarını asanlaşdıraq. Məsələn, silah-sursat anbarlarını partlatsaq, o zaman azğınlıq edə bilməzlər.

Səfərbərlik elan edilsə, PKK inanılmaz dərəcədə qorxar. 1 milyon əsgəri vəzifəyə gətir, hazırda 600 mini də var, 1 milyon 600 min əsgərin olar. Bu görünməmiş gözdağı olar.

PKK-nın aqibətinin fotolarını çəkib yayımlasalar, bu xalq üçün böyük mənəvi şövq olar. PKK-nı da mənəvi cəhətdən darmadağın edər.

"Onsuz da əlimizdə bu cür hazır kütlə var, onların səslərindən rahat-rahat istifadə edək. Belə etməyimiz bizə bir müddət də kifayət edər" demək olmaz. Sürətlə yeni nəsil gəlir, kifayət qədər məlumat sahibi olurlar, məlumatlanırlar. Sən gəncləri ideoloji cəhətdən yetişdirmədikdə onlar da marksistlərin, leninistlərin, stalinistlərin əlinə keçir. Bu dəfə öhdəsindən gələ bilməzsən, çətin vəziyyətdə qalarsan.

Yeni yetişən gənclər arasında eqoist, darvinist, materialist quruluşlar meydana gəldi. Türkiyənin bölünməsi bunları maraqlandırmır. Buna qarşı tədbir alınmalıdır. Məktəblərdə; "Milli dəyərlər dərsi" keçirilməlidir. Bu dərsdə türk millətinin birliyi, bütövlüyü, PKK təhlükəsi, orduya sevgi, darvinizm-materializmin etibarsızlığı, bütün bunlar izah edilə bilər.

PKK yetişdirdiyi bütün gəncləri bilavasitə məqsədyönlü olaraq öyrədir. Tamamilə həyatın sosial tərəflərindən uzaqlaşmışlar. Yalnız hədəfə bağlanmışdırlar. Türk gəncliyi də belə olmalıdır. Milli-mənəvi hədəflərə bağlanmalıdırlar. Allah qorusun, belə olmasa fəlakət gələr.

Böyük Türkiyə üçün təcili surətdə mənəvi dəyərlərə əhəmiyyət verən bir gənclik yetişdirilməlidir.

Millətçi gəncliyin yaxşı xüsusiyyəti, çox dəliqanlı, cəsur olmasıdır. Əslində bütün türk gəncliyinin bu mənada dəliqanlı olması lazımdır. Qorxaq bir gənc ola bilməz. Vətəndən söhbət getdikdə qız da, oğlan da dəliqanlı olmalıdır.

Türkiyədəki gənclər siyasi cəhətdən yetişdirilmir. Bir çoxu (xalq deyiminə görə) varlansın, əylənsin, evlənsin, varlı bir qız tapsın, qız da varlı bir oğlan tapsın, onun üstünə çöksün, bütün ailə üzvlərinə ona baxdırsın, yaxşı yemək yesin, yaxşı bir iş yeri olsun. Amma PKK-nın məqsədi bu deyil.

Türk millətini, türk gəncliyini siyasi şüurla yetişdirmək lazımdır. Onlar darvinizmə, materializmə qarşı yetişdirilməlidir. İşğalçı kommunist rejimə qarşı nələr ediləcəyi izah edilməlidir. Gənclərə Allah, Kitab, din, iman, vətən, millət, bayraq sevgisi öyrədilməli və bunlar qəlblərinə nəqş edilməlidir.

Türkiyə çox əhəmiyyətli bir dönüş mərhələsindədir, buna görə də, vətənpərvər gənclərin dəstəklənməsi, qorunub himayə edilməsi çox əhəmiyyətlidir. Onların şövqlərinin artırılması, onların gümrah saxlanılması çox əhəmiyyətlidir.

Gənclər televiziya kanallarındakı boş proqramlarla vaxt keçirir. Bu, zehinləri boşaldan təhlükəli mədəniyyətdir. Milli şüura sahib nəsil yetişməlidir.

Bəzi gənclər arasında istehsaldan, texnologiyadan, elmdən tamamilə uzaq, yaradıcı olmaqdan, incəsənətdən, estetikadan tamamilə uzaq, hazır olanı yeyən, hazır olanla bəslənən və müftəxor olan ruh sistemi çox sürətlə yayılır. Məktəblərin tədris proqramına milli şüur dərsi əlavə edilərək buna qarşı tədbir alınmalıdır.

İndi görüləcək iş gəncləri maarifləndirmək, milli şüur dərsi keçməkdir. PKK mütəmadi təhsil verir. Kommunist terroristlər təhsil ilə bu hala gəlirlər. Biz də gənclərə həftədə üç saat milli şüur dərsi keçsək, olduqca faydalı olar.

Gənclərə milli şüur dərsi verilərək, onlara, kommunizm, darvinizm və faşizm təhlükəsinin nə olduğu, terrorun ideologiyasının nə olduğu, zorakılığın, sevginin və mərhəmətin nə olduğu öyrədilməlidir. Milli hədəflərimizdən, məsələn, Türk-İslam Birliyindən bəhs edilməlidir.

İran bizim dostumuz və müttəfiqimizdir. İranı sevməliyik, İran düşmənçiliyi düzgün deyil. İranla dost olmalıyıq. Şiələr çox təmiz, dindar insanlardır. Təqvalıdırlar. Şiə düşmənçiliyi çox murdar şeydir.