Adnan Oktar A9 TV; 15 aprel 2017

Allah əsgərimizə, polisimizə güc-qüvvət versin, qorusun, hər mövzuda müvəffəq etsin. Dəccal ordularını darmadağın etsin.

PKK İngiltərə dərin dövlətinin qabaqcıl polis şöbəsidir, könüllü əsgəridir.

Hər kəsin başına polis qoymaq, insanlara nəzarət etmək mümkün deyil, lakin insanların vicdanını açmaq mümkündür. Bu da Quran əxlaqının yayılması ilə olar.

Cənub-şərqi Anadolu bölgəsindəki əsgərimizin, polisimizin, aslanlarımızın rahatlığı üçün nə lazımdırsa edilməlidir, hüzurlu və gözəl yaşamalarını təmin etməliyik.

"Dövlət çevrilişlərinə qarşı xalq necə mübarizə aparmalıdır? Çevriliş necə dayandırılar?" Dünyada bununla əlaqədar indiyədək görülmüş elmi iş yoxdur. Orduda dövlət çevrilişinin qarşısını alacaq bir mexanizm olmalıdır. Dövlət çevrilişinə qarşı orduya təhsil verilməlidir. Dünyanın heç bir yerində belə təhsil sistemi yoxdur. Necə ki, işğala qarşı təhsil verilirsə, dövlət çevrilişinin qarşısını alacaq şəkildə əsgərin və polisin məlumatlandırılması və öyrədilməsi lazımdır. Dövlət çevrilişinə qarşı nə edilər, necə tədbir alınar, bunlar ümumiyyətlə bilinmir, xalq tamamilə bədahətən dövlət çevrilişinə qarşı dayanır.

Bir dəccaliyyət komitəsi var, bir də haqq komitəsi var. Millətimiz və siyasətçilərimiz əsgəri və polisi ilə birlikdə haqq komitəsi oldu.

Polisə, çiyindən atılan təyyarəvuran verilsin, yer səthindən havaya. Bu, çevriliş edənləri qorxudar. Demək olar ki, hər vilayətdə polisin əlində təyyarəvuran olmalıdır.

Xalq polisə çox yaxşı dəstək olsun. Polisin sayını xeyli artıraq. Polisə daha güclü, daha ağır silahlar verilsin. CHP, MHP, AKP gəncləri əl-ələ çox güclü, böyük mitinqlər keçirsinlər.

Qarşıdurma bölgələrində əsgərlər və polislərin keçid yollarına tez-tez məlumat verə biləcək insanlar yerləşdirilsin ki, yol üzərində ola biləcək təhlükəyə qarşı tədbir alına bilsin.

Polislərimizin Polis Gününü təbrik edirik. Polis mübarək peşədir. Polis, canını ortaya qoyan, şəhidliyə hazır dəliqanlı deməkdir. Allah hamısını xeyirlə sarsın, cənnətiylə şərəfləndirsin.

Polis, əsgər və keşikçi maaşı; bizim maaşlarımızı azaltsınlar, onların maaşını artırsınlar. Çünki onlar vətən üçün canlarını ortaya qoyurlar. Biz şəhərlərdə otururuq, lakin onlar vətən üçün, millət üçün qızğın qarşıdurmalara girirlər. Maaşlarının yüksəlməsi, polis, əsgər və keşikçilərimizin haqqıdır.

Əsgərlərin və polislərin qorxutmaq üçün silah ehtiyatı çox olmalıdır. Uzunmüddətli qarşıdurma olmamalıdır. O silahdan xəbər tutsa, onsuz da ora kimsə gələ bilməz. Köhnəlmiş silahlardan istifadə etsən, adam da gələr.

Dövlət, keşikçiləri polislərin arasına alsın. Saylarını da iki dəfə artıraq. Onlar Cənub-Şərqi Anadolunun bəzəyidir. Canlarını Allah, millət, vətən üçün ortaya qoyurlar. Dövlət bu gözəl insanlara var gücü ilə, ciddi şəkildə sahib çıxmalıdır.

Əsgərin gözü çox qaradır. O Allah, Kitab, vətən, bayraq, millət, dövlət üçün yaşayır. Əsgərin həyatda başqa bir məqsədi yoxdur. Əgər əsgər vətənin bölünəcəyini anlasa, onu heç kim tutub saxlaya bilməz. Jandarmanı da heç kim tutub saxlaya bilməz, polisi də heç kim tutub saxlaya bilməz. Kim alçaqlıq, xainlik edibsə qanunla və hüquqla onu sürükləyib meydana çıxarar.

Heç kim Türkiyənin bölünməsinə izin verməz. Abdullah Öcalanı da heç kim azadlığa çıxarmaz. Buna heç bir türk polisi izin verməz. Bizim bütün polislərimiz millətçidir. Vətən, millət, bayraq deyilən kimi, hamısının gözü dönər. Hamısı Allah üçün, vətən üçün, bayraq üçün ölümü gözə alar.

Əsgər niyə əsgər olur? Allah üçün, vətən üçün, bayraq üçün ölməyə hazır olduğu üçün əsgər olur. Bu vəzifənin xüsusiyyəti budur. Polis vətənin satıldığını hiss edərsə, satanlara dünyanı dar edər. Qaçıb gizlənməyə dəlik axtararlar. Yəni: "Kaş ki, yaşamayaydım" deyərlər. Bunu deyim ki; polis onu qanunla, hüquqla məhv edər. Ən birinci polis və əsgər.

Türkiyəni bölməyə təşəbbüs edərlərsə, buna ilk növbədə türk polisi qarşılıq verər. Türk polisinin polis vəzifəsinə hansı səbəbə görə gəldiyini bilirsənmi? Ölmək üçün gəlir. Polislik; vətən üçün, millət üçün, bayraq üçün, Allah üçün ölməyə qərar verən peşənin adıdır.

Həm keşikçi qardaşlarımızın polis heyətinə salınması, həm də keşikçi sayının artırılması çox vacibdir. Cənub-Şərq bölgəsi problemi köklü surətdə bu yolla həll olar. Birinci sevgi, ikinci şəfqət, üçüncü keşikçi sayının artırılmasıdır. Başqa bir şey yoxdur.

Türkiyə üçün ən böyük təhlükə qatillərə amnistiya tətbiq edilməsidir. Belə olması Türkiyənin rəsmi surətdə məhv olması deməkdir. Əgər bir insan Mehmetciyi, polisləri qətlə yetirən kimsələri bağışlasa, deməli, o dünyanın ən alçaq, ən pis xarakterli adamıdır.

Əli qolu bağlı, polislərin arasında aparılan bir insanın üzərinə hücum etmək, ağzını burnunu əzmək olduqca ayıb, çirkin və aciz olan bir hərəkətdir. Həbsxanada adam döymək, polis bölməsində adam döymək, qandallı adamı döymək, bu kimi hərəkətlər dəliqanlılıq deyil. Tam əksidir.

Cənub-Şərq bölgəsində ən vacib, ən əhəmiyyətli şeylərdən biri mühafizəçilərə sahib çıxmaqdır. Mühafizəçilərə polis statusu verilsin. Şəhərdə də silah gəzdirmələrinə imkan verilsin. Sayları artırılsın.

Hökumət kənd qoruyucularının həm sayını çoxaltsın, həm də onlara polislərə tanıdığı haqları versin. Kənd qoruyucuları hər kənddə, hər yerdə olsun. Kənd qoruyuculuğunun ləğv edilməsi olduqca təhlükəli olar. Əksinə canlandırılmalıdır.