Adnan Oktar A9 TV; 8 sentyabr 2013

Qatı dinçilik, təzyiq, kommunizm qorxunc bir şeydir. Azadlıq gözəldir. Biz insanların sevinci ilə xoşbəxt olarıq.

Mehdiyyətə müqavimət göstərildikcə qatı dinçilik, şiddət və terror getdikcə dünyanı bürüyər. Nifrət geniş yayıldığı üçün bölgədə Əl-qaidə üslublu quruluşların tərəfdar tapması, silah və ya pul tapması çətin olmur.

Qatı dinçilərin düşüncəsi çox böyük bir təhlükədir və uçqun kimi də yayılır. ABŞ və Avropa bunu hələ anlamadılar.

Ələvilər Mehdi (ə.s) aşiqidir, Əhli-beyt aşiqidir, hz. Əli (r.ə) aşiqidirlər. Bərabərliyi, birliyi müdafiə edərlər. Qatı dinçiliyə qarşıdırlar. Sünnilərin bəziləri çox xurafatçı və sevgisizdirlər. Aralarında yaxşıları da vardır. Əsas məsələ, Qurana bağlı mehdiyyət təhsilidir. Səhabə İslamının izah edilməsidir. Şəfqət, mərhəmət, məhəbbət anlayışının inkişaf etdirilməsidir.

Osmanlını daxilindən yıxan qatı dinçilər idi. Hal-hazırda da qatı dinçilərin İslam aləmini məhv etdiyinə şahid oluruq. Qatı dinçilər ikrah hissi doğurduqlarına görə, cəfəngiyat danışdıqlarına görə insanlar onlara nifrət edirlər.

Qatı dinçilər Allahın Quranda halal buyurmasına baxmayaraq bir çox yeməyi və zinəti haram etməyə meyillidirlər. Allah ayədə "bütün zinətləri Mən yaradıram, sizə kim haram etdi?" deyir. Kim edir? Xurafatçılar edir.

Qatı dinçilər uydurma hədislərlə guya Peyğəmbərimiz (s.ə.v)-i hörmətdən salmağa çalışırlar, haşa.

İslam aləminin bu an başına gələn bəlanın ən fundamental səbəbi nədir? Qurandan çıxmaları, uydurma hədislərə görə hərəkət etmələridir.

İnsanların paltarlarına müdaxilə etmək lazım deyil. Hər kəs istədiyi kimi geyinər, kiminsə geyimi başqasını maraqlandırmamalıdır. İnsanların paltarlarına deyil, cahilliyinə qarışmaq lazımdır. Yəni cahilliyi aradan qaldırmağa cəhd göstərmək lazımdır.

Qatı dinçilik dini ortadan qaldıran böyük vəsaiti ortaya çıxaran sistemdir. Onun şəxsi varlığı dinə qarşı böyük təhlükə olur. Yəni qatı dinçi heç nə etməsə otursa, yaxud getsə küçədə, yəni nalayiq danışsa kifayətdir. Yəni dəhşətli dərəcədə dinsizlik təbliğatı edirlər.

On qatı dinçi etdiyi dinsizlik təbliğatını on min ateist bir yerə yığışsa edə bilməz! Baxın, qatı dinçilərin üç- beş hərəkəti Türkiyəni necə sarsıdır.

Yaşamaq çətindir, insan dünya həyatında onsuz da çətinlik içində imtahan verir. Bununla yanaşı bir də qatı dinçilik olduqda bunu heç kim qəbul etməz.

Bir çox ölkədə, insanlar ifratçılara şirin görünmək üçün İsraillə düşmənçilik edirlər.

Xurafatçılar yüzlərlə uydurma hədisi Qurandan üstün tuturlar.

Mühafizəkar, xurafata əsaslanan İslam anlayışını dünyanın heç bir yeri qəbul etməz. Nə Avropa, nə Amerika, nə də müsəlmanlar qəbul etməz. Mehdiyyətə, Qurana əsaslanan, səhabə İslamı isə bütün dünya qəbul edər. Bizim təsvir etdiyimiz, göstərdiyimiz İslam anlayışı bütün dünya tərəfindən qəbul edilir.

Avropa İslam ölkələrini işğal etmə marağında deyil, sadəcə qatı dinçilərə nifrət edirlər.

Hz. Mehdi (ə.s)-ı sevmə, istəmə səbəbimiz o dövrün əziyyətli, bəlalı olması, dəccalın olması, darvinizm, materializmin olması, qarışıqlıqların artması, qatı dinçilərin Mehdi (ə.s)-a və iman gətirənlərə qarşı çıxmasıdır. Qatı dinçiliyin dindən kənar, mərhəmətsiz, zalım və qəddarcasına tətbiqlər etməsidir. Bütün bunlara ona görə ehtiyac var ki, hz. Mehdi (ə.s) ortaya çıxsın.

Qatı dinçilərin izah etdikləri din İslam dini deyil. Şiddət, nifrət və vəhşilik dinini izah edirlər.

Buddistlər Arakandakı müsəlmanları qatı dinçi bildikləri üçün onlardan nifrət edirlər. Müsəlmanlar buddistlərə şəfqətlə yaxınlaşsalar, buddistlər mülayimdirlər.

İslam qatı dinçilik şəklində izah edilsə dünyada heç kim İslamı qəbul etməz. Amma həqiqi İslamı isə hətta kommunistlər belə qəbul edər.

Avropa qatı dinçi olan zehniyyət qarşısında dəhşətə düşür və bunun həllinin mehdiyyət olduğunu da təzəcə öyrənir. Görəcəksiniz, ABŞ və Avropa mehdiyyəti bütün gücləri ilə dəstəkləyəcəklər.

Quranın səmimi şərh olunması əhəmiyyətlidir. Qatı dinçi əlində Quranla vəhşilik edər, hz. Mehdi (ə.s) isə əlində Quranla dünyanı cənnətə çevirər.

Qatı dinçilik zehniyyəti içində yəhudi düşmənçiliyini guya müqəddəs hesab edənlər var. Yəhudilər Kitab əhlidir, Allah onlara zülm edilməsinə razı olmaz.

Qatı dinçilər İslam Birliyini, mehdiyyəti istəmir. Bunlar necə müsəlmandır. Bütün müsəlmanları müsəlman hesab etməyən müsəlman ola bilərmi? Düşmən olmadığı insan qalmayıb, deməli, sevgisiz insanlardır. Sevgi İslamın ruhunda, Quranın ruhunda olan əsas mövzudur.

Qatı dinçiliklə İslam fərqli-fərqli anlayışlardır. Qatı dinçilik İslamı yox etmək üçün şeytan tərəfindən ortaya çıxarılmış zülm sistemidir. Müşrik qadınlar və müşrik kişilərdən ibarət olan bir birlikdir. Qurana tabe olan "Quran müsəlmanı" həqiqi müsəlmandır.