Adnan Oktar A9 TV; 20 Sentyabr 2012

Bir fikri, xüsusilə, kommunizmi şiddətdən istifadə edərək aradan qaldırmağa çalışmaq onun daha da böyüməsinə səbəb olar. İdeologiya ilə mübarizə aparsaq, psixoloji olaraq ən təsirli zərbəni endirmiş olarıq. Kommunizmə qarşı psixoloji mübarizə elmlə, sevgiylə, ağılla edilməsə, nəticə əldə etmək olmaz, Allah qorusun.

Biz məkan və zaman çərçivəsində hərəkət edirik. Allah isə zamansız və məkansızdır. Bizə an içində zaman yaradır. O anın çərçivəsində zamanı gördüyümüz üçün hadisələri sanki arxa-arxaya baş verirmiş kimi hiss edirik. Halbuki, çoxdan olub bitib. Hamısı bitib.

Allah bizi bir-birimizi, bütün kainatı ― heyvanları, bitkiləri sevməyimiz üçün yaratdı. Ən başlıcası isə Allah ONU sevməyimizi istəyir.

Gözəllik, sevgi tamamilə Allaha aiddir. Allah o hissi verməsə, istədiyi qədər gözəl olsa da bir mənası qalmaz.

Axır zaman çox şiddətlidir. Darvinist-materialist düşüncə bütün dünyanı bürüyüb. Ona görə Darvinizmə qarşı hər tərəfli, əhatəli iş görülməlidir. HƏR BİR MÜSƏLMAN QARDAŞIMIZ VAR GÜCÜ İLƏ DARVİNİZMƏ QARŞI MÜBARİZƏ APARMALIDIR.

Cənab Kılıçdaroğlu çox dürüst, alicənab insandır. Bu onun üzündən aydın olur.

Müsəlman daim şəfqətlə, ağılla, sevgi ilə lazımi izahat tərzi ilə qarşı tərəfə hörmət edərək, razı salaraq mövzuları izah edər. Təhqirə qarşı da rəftarı yenə ağıllı tərzdə olur.

Allah İslam Birliyini hakim etsin. Allah xristianlarla, yəhudilərlə, dinsizlərlə birlikdə qardaşyana yaşamağı nəsib etsin. Çünki onlar da Allahın quludur, onlara da şəfqət hissi bəsləyirik. Hidayətləri üçün dua edirik. Çünki, Allah etməsin, dindar deyən adam sevinərkən bir də görərsən ki, üç gün sonra imanı gedib. Dinsiz sayılan adam da üç gün sonra görərsiniz ki, övliya olar.

Massonlar və tampliyerlər əvvəllər İslama qarşı gəlirdilərsə, indi İslamın dünyaya hakim olmasını istəyirlər. Bu irəliləyiş heç bir xurafatçının əldə edə biləcəyi bir şey deyil. Əlhəmdülillah, Allah bizləri vəsilə etdi.

Başçısı olmayan bir birlik düşünsək hər kəsin bir tərəfə doğru getdiyini, qüvvələrin dağıldığının şahidi olarıq. Amma Mehdi (ə.s) başçı olarkən, bütün qüvvələr bir tərəfə doğru getdikləri üçün Mehdi (ə.s)-ın arxasınca gedəcəklər. Amma bir şeyi iki tərəf birdən çəksə, iki tərəfə də çətin olar və nəticədə qüvvəsini itirər. Hal-hazırda islam aləmində yaşanan vəziyyət belədir .

Baş nazirimizdən təkrar xahiş edirəm. İşgəncə ilə əlaqədar məhkəmə işləri zamanı səhv etməsinlər. İşgəncə ilə əlaqədar yanlış qərar dərhal ləğv olunsun. Bu çox vacib mövzudur.

İran kommunistlərlə deyil, İslam aləmi ilə birlik olmalıdır.

Peyğəmbərimiz (s.ə.v) üçün vaxt qiymətlidir, hər anı qiymətlidir. Ümmətin faydası üçün, ümmətin mənfəəti üçün dəqiqəni, saniyəni belə diqqətli istifadə edir. Onun üçün elə boşa zaman istifadə edənlər, boşa vaxt xərcləyənlər peyğəmbərimiz (s.ə.v)-i narahat edir.

Mömin üçün başına gələn hər hadisə, həyatının hər anı xeyirdir. Bu sırf savab xeyiri deyil, dünyada da, xeyiri görülən həqiqi vəziyyətdir.

Bezmək, Allahın imtahanını istəməmək deməkdir. Sevgidən bezmək deməkdir. Belə bir şey möminin qədərində yoxdur. Mömində bezginlik olmaz. Bezginlik ölü olaraq yaradılmış varlıqlarda olar. Onlar yeməkdən, əylənməkdən, gəzməkdən hər şeydən bezərlər. Möminin isə hər anı həyəcan, hər anı yenilik, hər anı sevincdir. Mömin hara dönsə yaxşılıq, hara dönsə xeyirdir.

Hal-hazırda inanc savaşı vardır. Kommunizm inancdır. Ona qarşı inanc formalaşdırmalısan. Darvinizm və materializm də bir inancdır. Elmlə və ağılla ona qarşı inanc formalaşdırmalısan, əzərək deyil. Ağlını, fikrini, düşüncəsini əzmək lazımdır.

Təkcə səhabələrin yaşadığı İslam vardır. Bizim izah və təsvir etdiyimiz İslam anlayışı budur. Bu cənnətdir, gözəllikdir, dünyanın bərbəzəyidir. Bütün dünyanı qucaqlayan sevgi, mərhəmət, dostluq anlayışıdır.

Darvinizmdən istifadə edərək bütün Yaxın Şərqi məhv etdilər. İsrailin qəddarlığının səbəbi də Darvinizmdir. Həqiqi yəhudi belə bir qırğın törətməz, Fələstinli uşaqları qanına qəltan etməz.

Hər inanca qulluq edən insana qarşı şəfqətli olmaq lazımdır. Qan axıtmadan, incitmədən, müharibə etmədən insanları dostyana bir yerdə yaşatmaq mümkündür. Bu da ancaq İslam Birliyi ilə olar.

Mən dindar yəhudilərlə görüşdüm. Çox mədəniyyətli, əxlaqlı və döyüşdən bacardıqları qədər çəkinən insanlardır. Amma İsrail dövləti Darvinistlərin, materialistlərin əlindədir. Bomba da yağdırar, zülm də edər. Bu dediklərim ümumi mənadadır, təbii ki, istisnalar da vardır.

İslam Birliyi, Türk-İslam Birliyi yaranmadan Türkiyənin Avropa Birliyinə girməsinin faydası və mənası olmaz. AB onsuz da öz əhəmiyyətini itirmiş, məhv olmuş bir sistemdir. Amma TürkiyəTürk-İslam Birliyinin, İslam Birliyinin lideri olaraq Avropa Birliyinə girsə, AB canlanar.

AK Partiyanın içərisində Səadət Partiyasının yox olması mümkün deyil. Milliyyətçi Hərəkət Partiyası, Böyük Birlik Partiyası kimi Səadət Partiyası da mütləq lazımdır. Çünki bunlar məktəbdir. Bunlar Türkiyənin təməlidir, ona görə çox əhəmiyyətlidirlər.

Problem ondadır ki, PKK-nın kommunist üsyanı ciddiyə alınmır. Çox ciddi döyüşlər gedir, qan su yerinə axır. İstiqlal Mübarizəsindən bəlkə daha geniş miqyaslı düşmən hücumu vardır. Çox ciddi şəkildə tədbir görülməlidir.

PKK-ya qarşı mütləq anti-kommunist, anti-Marksist, anti-Leninist, anti-darvinist təhsil lazımdır. Problemin 99% həlli budur, digər tədbirlərin təsiri1% -dir.

Allah ayədə belə buyurur: "Gözlər Allahı dərk edə bilməz, amma Allah bütün gözləri dərk edər" . Yəni bütün gözlərdən baxan, hər gözü yaradan Allahdır.