Adnan Oktar A9 TV; 18 Sentyabr 2012

Allah ayədə belə buyurur: "Gözlər Allahı dərk edə bilməz, amma Allah bütün gözləri dərk edər" . Yəni bütün gözlərdən baxan, hər gözü yaradan Allahdır.

Allah bizi bir-birimizi, bütün kainatı ― heyvanları, bitkiləri sevməyimiz üçün yaratdı. Ən başlıcası isə Allah ONU sevməyimizi istəyir.

Bir fikri, xüsusilə, kommunizmi şiddətdən istifadə edərək aradan qaldırmağa çalışmaq onun daha da böyüməsinə səbəb olar. İdeologiya ilə mübarizə aparsaq, psixoloji olaraq ən təsirli zərbəni endirmiş olarıq. Kommunizmə qarşı psixoloji mübarizə elmlə, sevgiylə, ağılla edilməsə, nəticə əldə etmək olmaz, Allah qorusun.

Qədərdə yazılanlardan başqa artıq heçnə baş verməz . Qədərdə tək bir an içərisində Allah bütün hadisələri edib bitirdi. Biz o anı zaman olaraq görürük. Çox qısa bir anı Allah bizə zaman olaraq göstərir.

Allah duanı vəsilə edər, amma nəticə qədərdə dəyişməz.

Cənab Kılıçdaroğlu çox dürüst, alicənab insandır. Bu onun üzündən aydın olur.

Xristianlarla müsəlmanların ittifaq etməsi çox vacibdir. Yəhudilər, xristianlar, müsəlmanlar ittifaq edəcəklər. Allah sevgisi, Allah qorxusu, peyğəmbərlərə hörmət məsələlərində insanlara gözəl nümunə olacaqlar, inşaAllah.

İnsan yaxşılıq edəndə Allah ona yaxşılıq, bərəkət, gözəllik verər. Öz lehinə olar, ruhən və cismən rahat olar. Cənnətdə də Allah onu nemətlərlə mükafatlandırar.

Hökmü Allah verər, hakimi isə vəsilə edər. Qanunda, hüquqda xeyir vardır.

Müsəlman daim şəfqətlə, ağılla, sevgi ilə lazımi izahat tərzi ilə qarşı tərəfə hörmət edərək, razı salaraq mövzuları izah edər. Təhqirə qarşı da rəftarı yenə ağıllı tərzdə olur.

MÜSƏLMANLAR MEHDİYYƏTƏ İNANIB TƏK BİR İNSANIN ƏTRAFINDA BİRLƏŞƏNDƏ BİR BAHAR HAVASI BÜTÜN İSLAM ALƏMİNİ BÜRÜYƏCƏK. Sevgi, sülh, qardaşlıq, demokratiya, sənət, elm hər yeri gözəlliklə əhatələyəcək. Mükəmməl estetik və ədalət duyğusu hər yerə hakim olacaq. Xristianlar, yəhudilər, dinsizlər, ateistlər hamısı bu cənnət kimi mühitdə son dərəcə rahat yaşayacaqlar. Bu da ancaq Mehdiyyət ilə olar.

Allah İslam Birliyini hakim etsin. Allah xristianlarla, yəhudilərlə, dinsizlərlə birlikdə qardaşyana yaşamağı nəsib etsin. Çünki onlar da Allahın quludur, onlara da şəfqət hissi bəsləyirik. Hidayətləri üçün dua edirik. Çünki, Allah etməsin, dindar deyən adam sevinərkən bir də görərsən ki, üç gün sonra imanı gedib. Dinsiz sayılan adam da üç gün sonra görərsiniz ki, övliya olar.

Massonlar və tampliyerlər əvvəllər İslama qarşı gəlirdilərsə, indi İslamın dünyaya hakim olmasını istəyirlər. Bu irəliləyiş heç bir xurafatçının əldə edə biləcəyi bir şey deyil. Əlhəmdülillah, Allah bizləri vəsilə etdi.

Əsgərlərimiz mübarəkdir. Onlar müqəddəs bir vəzifəni yerinə yetirirlər. Allah rizası üçün canlarını verməyə hazırdırlar.

Təbii ki, dua möminin ibadətidir, lakin qədərdə o vaxt yaxşılaşmış olur. Allah duanı bir vəsilə olaraq yaradır. Əks halda qədər heç vaxt dəyişmir. Qədərində onsuz da yaxşılaşacaq. Qədərində elədir. Allah duanı vəsilə edir.

Bir-birimizi çox sevsək və bir sevgi mühiti olsa, insanlar özləri də kommunist olmağa utanar. Onun üçün kürd bacı-qardaşlarımıza xüsusilə sevgi, məhəbbət göstərək. Onlar çox əzildi. Vaxtilə çox əzdilər.

Yaşamaq, sevgi, gözəllik, cənnət çətin deyil. Yalnız dürüst və yaxşı niyyətli olacağıq, bir-birimizi sevəcəyik, vəssalam.

PKK Leninist təşkilatdır. Onlar da o dinin lazım olanını edirlər. Ancaq bu din elm və fəlsəfə ilə yox edilə bilər. Ağıl və sevgi ilə o dinin tərəfdarları qalmayacaq. Bir din yox olduqda, onun tərəfdarları da yox olar. Bir dinin etibarsız olduğunu isbat etsən, tərəfdarı qalmaz.

Allah iman gətirib yaxşı işlər görənlərə xüsusi bir sevgi verir.

İslam Birliyi, Türk-İslam Birliyi yaranmadan Türkiyənin Avropa Birliyinə girməsinin faydası və mənası olmaz. AB onsuz da öz əhəmiyyətini itirmiş, məhv olmuş bir sistemdir. Amma TürkiyəTürk-İslam Birliyinin, İslam Birliyinin lideri olaraq Avropa Birliyinə girsə, AB canlanar.

Hər inanca qulluq edən insana qarşı şəfqətli olmaq lazımdır. Qan axıtmadan, incitmədən, müharibə etmədən insanları dostyana bir yerdə yaşatmaq mümkündür. Bu da ancaq İslam Birliyi ilə olar.

Hədisdə bildirildiyinə görə dəccal insanlar da şeytandır.

Təkcə səhabələrin yaşadığı İslam vardır. Bizim izah və təsvir etdiyimiz İslam anlayışı budur. Bu cənnətdir, gözəllikdir, dünyanın bərbəzəyidir. Bütün dünyanı qucaqlayan sevgi, mərhəmət, dostluq anlayışıdır.

Biz məkan və zaman çərçivəsində hərəkət edirik. Allah isə zamansız və məkansızdır. Bizə an içində zaman yaradır. O anın çərçivəsində zamanı gördüyümüz üçün hadisələri sanki arxa-arxaya baş verirmiş kimi hiss edirik. Halbuki, çoxdan olub bitib. Hamısı bitib.

İsrail anti-kommunist bir ölkədir. Bu İsrail üçün yaxşı cəhətdir.