Adnan Oktar A9 TV; 27 yanvar 2018

Bizim yaxşı cəhətimiz mühafizəkar təbəqə ilə dünyəvi təbəqəni uzlaşdıran anlayışımız olmasıdır. İki təbəqə arasında əlaqə olmaması, cəmiyyəti parçalamaq, ayırmaq istəyənlər tərəfindən istifadə edilə bilir. Keçmişdə bunun bir çox nümunəsi yaşandı. Bir daha bənzər hadisələrin baş verməməsi üçün bizim fəaliyyətlərimiz, işlərimiz çox əhəmiyyətlidir. İki təbəqə də bu vətənin insanıdır, iki təbəqə də dəyərlidir. Qatı anlayış olduğu zaman mühafizəkar təbəqənin sahil bölgələrində yaşayan xalq ilə, dünyəvi insanlarla əlaqə qurması qeyri-mümkün olur. İki tərəf də öz içində yaşayır. Biz Quranın demokratiya, dünyəvilik və azadlığı gətirdiyindən bəhs etdiyimiz zaman hər iki tərəfin ön mühakimələrini aradan qaldırmış oluruq. Lakin bəzi mövhumatçılar cəmiyyəti parçalamaq məsələsində qətiyyətli kimi görünür, biz də bunu düzəltməyə çalışırıq. Qardaşcasına birlikdə sevgiylə yaşayacağıq inşaAllah.

Dindar mühafizəkar təbəqə ilə dünyəvi təbəqə arasında qarşılıqlı kəskin ön mühakimə hakim idi. Qəzəb sanki qapıda gözləyir və ən kiçik hadisədə cəmiyyət iki yerə bölünürdü. Biz bu qəzəbi yox etdik və razılaşma təmin etdik. Bizim həm müasir, ziyalı, həyat dolu cəhətimiz, həm də çox dindar olmağımız, iki təbəqənin razılaşa biləcəyinin canlı nümunəsi oldu.

Hörmət olması üçün əvvəlcə Allaha qarşı dərin sevgi olması lazımdır. Diqqət həmişə Allaha verildiyində hörmət olur. Əksinə olanda isə, eqoizm inkişaf edər və insanlar sanki heyvanlaşıb təcavüzkarlaşarlar.

İnsan həssas varlıqdır. Sevgiyə görə yaradılmışdır. Evində, ailəsində, küçədə, məktəbdə, əyləncədə sevgini tapa bilmədikdə, insanlar böyük stressə düşür. 3-5 il sonra, əsrlərdir insanlardan getmiş olan sevgi geri qayıdacaq. Bunu hamımız birlikdə görəcəyik inşaAllah.

Mömin dünyanı cənnətə döndərmək istəyər. Şeytan isə dünyanın cəhənnəm kimi olmasını istəyər. Nifrət yayılsın istəyər. Diqqət edirsinizsə insanların çoxu bir-birindən nifrət edir. Bir partiyanı sevirsə, digərindən nifrət edir, bir komandanın tərəfini tutursa digərindən nifrət edir. Hər kəs bu vətənin övladıdır. Hər kəs bir-birinə hörmət göstərərək qardaşcasına gözəl yaşaya bilər. Qardaşcasına yaşamaq olduğu halda, ağlasığmaz dərəcədə nifrət üslubu olması dəccaliyyətin həmləsinin yaratdığı nəticədir. Bütün gücümüzlə bu sevgisizlik kirini təmizləmək üçün elmlə, irfanla səy göstəririk. Müsbət aura ilə, sevgiylə, hörmətlə həmişə insanlara keyfiyyəti, dostluğu, gözəlliyi, qardaşlığı sevdirmək üçün səy göstəririk və Allaha şükür çox müvəffəqiyyətli oluruq. Dostluq və sevginin qalib gəldiyini 3-5 il sonra görəcəksiniz.

Uşaqlara hörmətlə yanaşmaq lazımdır. Bir evin içində uşaq olması çox böyük nemətdir, o evin ən böyük lüksüdür.

Ərbakan hocamız və Başbuğ Türkeş Türkiyəni kommunizmə təslim olmaqdan qurtaran iki əhəmiyyətli insandır. İkisi də çox dəyərli insandırlar, əzmli, inanclı, cəsur gənclər yetişdirdi.

Fələstin və İsrail Peyğəmbərin nəslindəndirlər. Bir Peyğəmbərin iki övladı. Peyğəmbər övladlarının bir-birini sevdiyi, qardaş olduğu, dost olduğu bir mühit olsun istəyirik. Bütün problemlərin tək həlli sevgidir. Hz. İbrahimin övladları bir-birinə sarıldığında bölgə cənnətə dönəcək. Ittihadı İslamın ilk addımı da bu sevgi olacaq.

İnsanların bir qismi şeytandır, şeytan olaraq vəzifələndirilmişdir. Onlar ins şeytanlarıdır. Bunlar insanlar arasında gəzər, amma xalq fərqinə varmaz. Münafiqlər da belədir. Mənfi ünsürlərin olması isə müsəlmanlar üçün hər zaman faydalıdır.

İnsanların çoxu səmimi sevgini bilmir. Dindən uzaq olduqda, Allah yada salınmadıqda səmimi sevgi olmur. Həm Darvinist materialist sistem həm də mövhumatçılıq sevgini iki tərəfdən öldürür. Sevginin yenidən canlandırılması ancaq Mehdiyyətlə mümkündür.

İsrail və Fələstin arasındakı mübarizəni Allahın icazəsi ilə bitirəcəyik. İkisi də Peyğəmbər nəsli olan bu iki xalqın qardaş olaraq yaşamasını istəyirik. Günahsız bir fələstinli şəhid edən də günahsız bir musəvinin canına qıyan da zalımdır. Biz hər cür zalımlığa qarşıyıq. Fələstinli canımız qardaşlarımızın hüzur və təhlükəsizlik içində yaşamasını istəyirik. Hz. Musanın bizlərə əmanəti olan yəhudilərin hər yerdə təhlükəsizlikdə olmasını istəyirik. Allahın izni ilə bu gözəl sülh mühiti Mehdiyyət dövründə meydana gələcək.

Pislərin çox olması yaxşıların az olması, yaxşıların yetişməsi üçün məcburi sistemdir. Yaxşı insanın yaxşı yetişməsi üçün pislərin çox olması lazımdır. Necə ki, xüsusi təyinatlıların təlimi üçün xüsusi çətin şəraitlər yaradılırsa, hər maneə onları necə gücləndirirsə, pislərin çoxluğu da yaxşının təhsili üçün əsas şərtdir.

İnsanın özünə hörməti yoxdursa, sevmə qabiliyyəti və sevmə gücü olmaz. Əvvəl özünün sevmə qabiliyyəti qazanması lazımdır. Bunun olması üçün də Allahın böyüklüyünü qavraması, Allahı çox sevməsi və Allahdan çox qorxması lazımdır. O zaman sevgiyə aç hala gəlir və sevmə qabiliyyəti meydana gələr.

Azərilər bizim canımızdır. Nur kimi iki millət, "iki dövlət bir millət" olaraq birləşəcəyik inşaAllah. Bu gözəl günlərə az qaldı.

Bir tərəfdə darvinist, materialist, insanın heç bir məqsədi olmadığını söyləyən soyuq dünya, digər tərəfdə isə sevgini, nəzakəti, keyfiyyəti bilməyən, hər şeyi ölümlə cəzalandıran mövhumatçılıq. Gənclər bu iki fəlakətin altında qaldıqları üçün yaşama həyəcanlarını itirmişdilər və laqeyd olmuşdular. Elmlə, irfanla bu iki fəlakəti də aradan qaldırırıq inşaAllah.

Gəncləri darvinizm və ənənəçi ortodoks İslam arasında, yəni iki atəş arasında seçim etməyə məcbur edirlər, belə olduqda insan ateizmə üz tutur. Ağılla, elmlə, incəsənətlə İslam izah edildiyi zaman, hamı sevə-sevə İslamı qəbul edər. Bizim elmi işlərimiz ateizmi böyük dərəcədə zəiflətdi. Gənclər ağıllı, real və səmimi izahata qapalı deyildirlər.

Mömin özünə həmişə nəzarət etməlidir. Səmimi olub-olmadığını, yaxşı niyyətli olub-olmadığını, dürüst olub-olmadığını həmişə yoxlamalıdır. Allah səmimi mömini heç vaxt cəhənnəmə qoymaz, lakin mömin həmişə özünə nəzarət edərək ümid və qorxu arasında yaşamalıdır.

Münafiq, müsəlmanların arasında 20 il namərd, alçaq, xəbərçi, xain olduğunu bilərək yaşayar. Heyvan olsa belə qorxunc həyata dözə bilməz. Lakin Allah bunları müsəlmanlara xidmət etməsi üçün xüsusi yaradır.

Münafiqlərin möminlərin arasında 10-20 illik kürtlük dövrləri vardır. Sonra bir anda şeytanın ilhamı ilə ölü hüceyrələr kimi canlanarlar və həmləyə keçərlər. Münafiqin həmləsi küfr əhlininki kimi deyildir. Münafiq müsəlmanlardan daha müsəlman kimi görünməyə çalışaraq həmləyə keçər. Şeytanlıqlarını gücləndirmək üçün bunu ayələrdən istifadə edərək edərlər. Halbuki özlərinin nə qədər alçaq olduğunu çox yaxşı bilərlər və tam xain vəziyyətinə düşməmək üçün "islah edirik" iddiası ilə çıxarlar. Quranda da münafiqlər üçün onlar barədə: ““Yer üzündə fəsad törətməyin” deyildiyi zaman: “Biz təkcə islah edənlərik”” dedikləri bildirilir (Bəqərə surəsi, 11). PKK, homoseksuallar, rumilik, mövhumatçılıq, İngiltərə dərin dövləti ilə elmi mübarizə onları heç maraqlandırmaz. Onlar var gücləri ilə müsəlmanlara hücum edərlər. Müsəlmanların arasında da (şeytanın yönləndirməsi ilə) ən təsirli, ən xeyirli olanlarını seçərlər.

Suriyadan gələn bacı-qardaşlarımız ölmək və ya yaşamaq arasında qalmış insandırlar. Canlarını qurtarmaq üçün Türkiyəyə sığınırlar. Şəfqətlə və anlayışla baxmaq lazımdır. Şəfqətsiz üslub bizim millətimizə yaraşmaz.

Ağıl Quranla birlikdə inkişaf edər. Ağıllı bildiyimiz insan belə Quranı unutduğu zaman yolundan azar, ağıllı ola bilməz. Ağlın yaranması üçün Qurana tam tabe olmaq əsas şərtdir.

Allah axirətdə heç bir bəhanəni qəbul etməyəcək. Lakin Allah orada cəhənnəm əhlini sorğu-sual edəcək və danışdıracaq. Bunun səbəbi cəhənnəm əhlinin nə qədər alçaq və namərd olduqlarını və cəhənnəmə niyə layiq olduqlarını göstərmək və möminlərin qəlblərinə fərəhlik və hüzur olmasıdır.

Allah cəhənnəm əhlini ibrət olsun deyə dünyaya göndərir. Onların da mövcudluğu mühümdür, çünki onları görən möminlər imanlarının dəyərini anlayır, Allaha olan yaxınlıqları artır. Cəhənnəm əhlinin ruhu yoxdur, ölüdürlər. Allah onları insanlara göstərsə insanlar qorxudan küçəyə çıxa bilməzlər, lakin Allah onları bəlli etmir.

Allah, dini son dərəcə azad və rahat yaradır. Amma mövhumatçılar din belə olmaz, qadağalar və çətinliklər olmalı, buna görə biz bir az əlavə edək deyirlər. Bu şeytanın oyunudur. Şeytan yəni dəccaliyyət, dini kilidləmək, içindən çıxılmayacaq hala gətirmək, mürəkkəbləşdirmək, beləliklə kimsənin yaşayamayacağı hala gətirmək istəyər. Dəccaliyyət, səmimi olaraq həqiqi dini yaşamaq və izah etmək istəyənləri də dayandırmağa çalışır. Amma dəccal tərəfdarları hər nə edirsə etsin, boş yerə çırpınmış olur, xeyir və haqq hər zaman qalib gələcəkdir.

Allah əsgərimizə güc, qüvvət, sağlamlıq versin. Onlar dünyanın ən mərhəmətli, ən nəcib ordusunun igidləridir. Allah ordumuzu müzəffər etsin.