Adnan Oktar A9 TV; 14 yanvar 2018

Açıq şüurla, ağıllı insanın Allahı inkar etməsi qeyri-mümkündür.

Ağıl, Allahdan qorxan insanın Qurana görə özünə və ətrafına faydalı olmasını təmin edən həyat formasıdır.

Ağıl, ehtiras və dərinlik kimdədirsə qadın ona yönələr. Eşqin sonsuz dərinliyinə özünü çəkə bilən kişi üçün qadın dəli-divanə olar.

Ağıl gücünü inkişaf etdirmək üçün beynini yormağa ehtiyac yoxdur, sadəcə çox-çox dürüst olmaq və Allaha heç vaxt xəyanət etməmək lazımdır. Gün ərzində Allaha xəyanət etmə məsələləri yarana bilər. Məsələn, başın ağrıyar, yorularsan, gücün çatmaz, birindən pis söz eşidərsən, ayağına bir şey ilişər, müvəffəqiyyətsizliyə uğrayarsan, min cür tərsliklə qarşılaşarsan. İnsan həmişə haşa Allahın bunu niyə etdiyini düşünməsinə vadar edəcək hadisələr yaşayar. Bu imtahan üçün məcburi olan, Allahın bizim sevgimizi çoxaltması üçün yaratdığı nemətlərdir. Əsla nankorluq, tərslik, mənfi düşünmə, bir sözlə, çox böyük ağılsızlıq olar. Əbəs yerə kütləvi nemət itkisinə səbəb olar. Həm dünyada, həm də axirətdə insana çox böyük zərər verər. Allahı heç vaxt tərk etməmək lazımdır. Həmişə müsbət düşünmək lazımdır, çünki Allahın gördüyü hər şey müsbətdir.

Ağıllı, dürüst, vicdanlı yaşadıqsa öldüyümüz zaman bizi həyəcanla gözləyən izdihamla qarşılaşacağıq. O andan etibarən hər mərhələsi mömin üçün cənnətdir. Möminin ölümlə birlikdə keçdiyi hər mərhələ cənnətdir. Möminin narahat olduğu, qorxduğu, narahatçılıq yaşayacağı heç nə olmaz. Mömin ölüm anında heyrətamiz, çox güclü əmin-amanlıq duyğusu hiss edər. Bu, Allahın möminlərə nemət olaraq verdiyi sakitlikdir. Mömində ölümlə birlikdə çox kəskin və aydın fikir aydınlığı və hüzur yaranar. Mömin üçün axirətə keçdiyi andan etibarən hər dəqiqə cənnətdir. Möminin sorğusu da ucalığını, yaxşılığını, gözəlliyini ona vurğulamaq üçündür, mömini ən kiçik şəkildə belə narahat edən his olmaz.

Ağıllı insan hər yaşda sevgi, dostluq, qardaşlıq əlaqəsini yarada bilər. Yaş, zəif ağıllı insanlar üçün maneə olar.

Ağıllı, səmimi insanın tənqidi qiymətlidir. Səmimi sevən dostun insanın yaxşı olması üçün göstərdiyi səyi təqdir etmək lazımdır. Necə də gözəl, sənin lehinə olub sənin görə bilmədiyini görən bir göz sənə faydalı olur. Al o tənqidi başının üstünə qoy. Lakin sırf əxlaqsızlıq olsun deyə, qarşısındakını pərt etmək üçün tənqid edən olduğu zaman onun cavabını gözəl şəkildə vermək lazımdır.

Ağlını dondurmuş insanın üzündə sevgi ifadəsi yaranmaz. Sevgini axmaqlıq kimi görər. Kinliliyi, nifrəti, qeyri-səmimiliyi ayıq-sayıqlıq zənn edər. Bataqlığın içində ömrünü çırpınaraq keçirdiyini də anlaya bilməz. Sevgini axmaqlıq kimi görmək çox böyük ağılsızlıqdır.

Allah hər dəfə zikr edildikdə qəlb fərəhlənər. Allahu-Əkbər deyərsən, sonsuz böyük gücün himayəsi altında olduğunu görüb beynin hüzurlu olar, gündəlik bütün dərdlərindən xilas olarsan. Allahı böyük adı ilə zikr etdiyin zaman dərdlər üzərindən gedər, Allahın böyük olduğunu unutduğun zaman dərdlər üzərinə yüklənər. SübhənAllah deyərsən, Allahın bütün qüsur və nöqsanlardan uzaq olduğunu düşünərsən. Bəziləri Allaha sığınır, lakin haşa Allahın gücünün əksik olduğunu zənn edir. Allah yorulmaz, yatmaz, bezməz. Allahın əksikliyinin olmadığını bilmək, xatırlamaq böyük rahatlıqdır. Əlhamdülillah deyərsən, Allaha həmd etdiyin zaman fərəhlənərsən və nemət artar. Əstəğfürullah dediyin zaman Allahın mərhəmətinə sığınarsan, nə böyük gözəllikdir.

Allah ilə səmimi əlaqə vardırsa, imanın ləzzəti və axirətin sevinci ilə insan xoşbəxt olar. Bundan savayı gəmi ilə gəzmək, avtomobillə gəzmək, kotlet yeməklə insan xoşbəxt olmaz. İstədiyi qədər özünü zorlasın, heç yerdə heç bir şəkildə əylənə bilməz. Haradan gəldiyini bilməyən, hara gedəcəyini düşünməyən insanın əylənməyə çalışması nəticə verməz. Belə insan əylənə bilməz, sadəcə əylənirmiş təqlidi edər.

Allah münafiqləri tənha qoyur. Münafiqlər həmişə təcrid olunmuşdur, yoldaşları, dost ətrafları yoxdur. Münafiq fotoşəkillərinə baxdığınız zaman həmişə münafiqlərin digər münafiqlərlə olduğunu görərsiniz. Bu, Allahın onlara cəzasıdır.

Allah Onu zikr edənə nur verər. Nur ilə Allahı zikr etmək eyni anda yaradılar. Gözəlliklə Allahı zikr etmək eyni anda yaradılar.

Allahı heç unutmamaq Allahı zikr etməkdir. Əylənərkən, danışarkən hər zaman Allah ağılda olar.

Allahı heç unutmasaq, Allahı çox sevdiyimizi və yaxın dost olduğumuzu həmişə yadda saxlasaq, şirkdən şiddətlə çəkinsək, gücün sahibinin Allah olduğunu heç unutmasaq çox doğru bərəkətli yolda irəliləyərik. Allahın gücünün hər şeydən üstün və hər şeyə hakim olduğunu düşünmək əhəmiyyətlidir. Haşa müəyyən yerə qədər gücü varmış kimi düşünmək olmaz.

Allahı zikr etmək Allahın həmişə qəlbdə saxlanılması, həmişə yaddaşda olması, şüurda olmasıdır. İnsanın Allahı həmişə sevməsi, ağlında Allahı təfəkkür etməsi, düşünməsi, Allahın möhtəşəm sənətini, əbədiliyini qəlbində saxlamasıdır.

Allahı zikr etməklə nicat tapmaq üçün tam səmimi itaətlə Allaha bağlanmaq lazımdır. Əks təqdirdə insanların xoşbəxt olması qeyri-mümkündür. Nicat tapmaq və xoşbəxtlik üçün Allaha qəlbən təslim olmaq, Allaha tam bağlanmaq əsas şərtdir.

Baxışlardakı dərinlik və ehtiras Allah tərəfindən xüsusi yaradılan sistemdir. Əvvəlcə Allaha aşiq olmaq, Allaha dost olmaq lazımdır. Allaha aşiq olana Allah sevəcəyi, ehtiras bəsləyəcəyi gözəlliklərlə təcəlli edər.

Bəzi insanlar təkəbbürlü birini gördükləri zaman onun yanında əzilməmək üçün təkəbbürlü olmağın lazım olduğuna inanarlar. Liseylərdə və ya sosial mühitlərdə təkəbbürlü olan insanın yanında, əslində o insandan nifrət etmələrinə baxmayaraq, çox insan olar. Buna görə digərləri də təkəbbürlü olmağın əhəmiyyətli və dəyərli olduğunu düşünər. Halbuki təkəbbür insanın özünü alçaldan haldır. Təkəbbürlü insan yarı dəli kimidir. Məhz din olmadıqda insan düzgün qiymətləndirmə apara bilmir və qəribə meyarlar müəyyənləşdirir, ziq-zaq çəkməyə başlayır. Allah dinin əhəmiyyətini bir daha göstərir. Quran əxlaqı ilə baxan insan məsələləri tam doğru şəkildə anlayar.

Bir evə qonaq gələn insan, ev sahibinə heç təşəkkür etmədən çəkib getsə, bu insanın gözəl əxlaqlı və hörmətcil olduğunu söyləyə bilmərik. Allahın mövcudluğunu bildiyi halda, Allaha heç təşəkkür etməyən, Allaha heç yönəlməyən insanın da gözəl əxlaqlı olduğunu söyləyə bilmərik.

Bir insanın səmimi sevgisini gözlərindən, səs tonundakı səmimiyyətdən, qurduğu cümlələrdən, sözləri seçməsindən, göstərdiyi ehtiramdan, təbii hörmətindən anlayarıq. Qadınlar bu məsələdə Allah tərəfindən xüsusi olaraq yaradılmışdır. Özlərini qoruya bilmələri üçün ehtirası və eşqi dərhal tanıyacaq qabiliyyətlə təchiz ediliblər. Yalan sevgi ilə həqiqi sevgini dərhal ayırd edərlər. Ruhları həssas cihaz kimidir. Baxan kimi qarşısındakı insanın həqiqətən sevib-sevmədiyini anlayarlar.

Böyük hadisələrin artdığı bir dövr daha olacaq. O zaman şübhəyə düşən və ya qorxan itirmiş olar. Dava insanı qorxmadan davam edər.

Çətin vəziyyətdə olan insana yardımçı olmaq üçün o insanı tanımağa ehtiyac yoxdur. Darda olan insana dərhal kömək etmək lazımdır. Xüsusilə də gənc qız, qadın və ya uşaq çətin vəziyyətdədirsə dərhal kömək etmək lazımdır.

Dəliqanlıların gənc qızlara edəcəkləri ən böyük yaxşılıq güvən verməkdir. Qadınlar güvəni axtarmaqda çox haqlıdırlar. Onların canının, namusunun və xoşbəxt yaşamasının təminatını verməlisiniz. Lakin bunu demaqoqluqla deyil, səmimi Allah rizası üçün etməlisiniz. O zaman gənc qızlar çox rahat olarlar və sizinlə dost olmaqdan zövq alarlar.

Gənclərə qızlarla oğlanların çox gözəl dost ola biləcəklərindən gözəl və qısa şəkildə bəhs edilsə, onlar çox gözəl dostluqlar qurarlar. Bir-birilərinə hörmət göstərməyin, dost olmağın, sevməyin yolu göstərilsə çox möhtəşəm dost olarlar. Qızlar çox rahat olarlar heyrətamiz hörmət görər və rahat yaşayarlar. Lakin bir çox insanın təzyiq göstərməkdən başqa bildiyi üsul yoxdur. Sadəcə təzyiq göstərməyi, qadağan etməyi bilirlər.

100 minə yaxın gənclə görüş keçirdik. Hamısı müasir, sevgi dolu, sülh və dostluqdan yanadır. Qadınların dəyər görməsini istəyir, dini sevirlər. Məhz bu Quran müsəlmanlığının və mehdiyyətin sürətli inkişaf etdiyinin sübutudur.