Adnan Oktar A9 TV; 13 fevral 2018

Bir mövzuda hökm verərkən ədalətli olmaq üçün heç kimin təsiri altında qalmamaq lazımdır. Ədalət ağıl işidir. Ən ağıllı, ən səmimi, ən doğru nədirsə ədalət onu tapar. Türkiyədə 28 fevral düşüncəsində olan bəzi kəslər ədaləti öz kin və qəzəblərini göstərmək üçün silah kimi istifadə etmək istəyirlər. Ədalət belə çirkin yollara girməz, ədalət dürüst və ağıllıdır, İslam nuruyla nurlanmışdır.

Bu qədər çox insanın, bu qədər çox ölkənin talib olduğu; fərqli-fərqli qrupların bir-birinin əleyhinə olduğu Yaxın Şərq kimi ərazidə sükunətin hakim olması çox çətindir. Türkiyənin də təkbaşına ucsuz-bucaqsız bir əraziyə gücünün çatmasını gözləmək səhv olar. Türkiyə özünü təhlükələrə qarşı müdafiə edən və qoruyan ölkədir. Liviya, İraq, Misir, Suriya, Əfqanistan kimi ölkələrin də içində olduğu belə geniş ərazidə sülh, İslam Birliyi, mehdiyyətin sevgisi və birləşdirici gücü ilə həll edilə bilər.

Darvinizmi elmi olaraq yerlə bir edən, İslam Birliyinin şübhəsiz reallaşacağını izah edən, İsa Məsih və Mehdini şövqlə gözləyən, qadınlara bu qədər dəyər verən, ənənəçi Ortodoks sistemin əsas ziddiyyətlərini Quran ilə ortaya qoyan, Qurandan heç vaxt güzəştə getməməyə diqqət göstərən, pul qarşılığı dinin təbliğ edilməyəcəyini izah edən, İslam əxlaqının dünyaya hakim olacağını müjdələyən tək cəmiyyət bizik.

Dövlətin başçısına sadiq olmaq türk millətinin 5 min illik adətidir. Dövlətin tək bir başçısı var və 83 milyon o liderə bağlı şəkildə hərəkət edəcəyik. Millət olaraq cəsuruq, dəliqanlıyıq, mərhəmətliyik, gözəl əxlaqlıyıq. Hamısından əhəmiyyətlisi Allahın lütfü altında olan millətik. Mütləq çox gözəl günlər görəcəyik.

PKK-nın bölgədən tamamilə silinməsi lazımdır. Bölgədə terrorçu strukturun mövcudluğunu heç bir ölkə qəbul etməz. Türk ordusu çox ağıllı və çox mərhəmətlidir. Dünyanın ən alicənab, ən mərhəmətli, ən şəfqətli ordusudur. Ordumuz istəsə bu əməliyyat çox qısa müddətdə bitər. Lakin mülki vətəndaşlara zərər gəlməməsi üçün tək-tək, seçərək, diqqətlə irəliləyirlər. Heç kim Türkiyəyə və ordumuza qarşı fərqli ittihamla çıxış edə bilməz.

Sevgi və güvən İslam Birliyi üçün zəruri komponentlərdir. İslam Birliyi hər yerdə tərtəmiz ədalət, köməkləşmə, bir-birini qoruma, dostluq, yoldaşlıq, mərhəmət, keyfiyyət və gözəlliyin hakim olması deməkdir.

Allah ordumuzun səfərini mübarək etsin, qələbə versin. Allah Türkiyənin düşmənlərini, namərdləri, xainləri çox pərişan etsin. Münafiqlərin, xainlərin rejimini yerlə-yeksan etsin. İslam əxlaqını dünyaya hakim etsin. Türk millətini müzəffər etsin, İslam Birliyinin öncülü etsin, bizi də Mehdiyə tələbə etsin.

Ərəblərlə türklər qardaşdırlar. Bizi bir-birimizdən ayırmağa çalışan İngiltərə dərin dövlətinin oyununa düşmərik. Buna görə də, bir səhv olduğu zaman təkcə o səhvi edənin məsul olduğunu vurğulamaq əhəmiyyətlidir. Bir cəmiyyəti, xalqı, irqi kütləvi halda ittiham etmək doğru olmaz. Ərəb, kürd, türk, bosniyalı, hamımız birlikdə qardaş olacağıq, İslam Birliyini yaradacağıq inşaAllah.

İngilis rumiliyi, İslam dininə qarşı istifadə etmək üçün İngiltərə dərin dövləti tərəfindən formalaşdırılıb. Anadolu mövləviliyindən fərqlidir. Ateistlər, darvinistlər, İslam əleyhinə olanlar rumiliyi müdafiə edib dəstəkləyirlər. Çünki bu rumilikdə dindən ayrı bir fəlsəfə müdafiə edilir.

İngiltərə dərin dövləti Darvinin türk millətini haşa inkişaf etməmiş heyvan kimi görmək fikrinə sahibdir və əzilməsinin lazım olduğuna inanır. Bu çirkin fəlsəfəyə qarşı, tamamilə milli bir ölkə olaraq, bütün qurumları bunlara qibtə edənlərdən təmizləyərək təsirli ola bilərik.

Milyonlarla müsəlman şəhid edilir. Həmişə əzilir, zülmə məruz qalır. Qanın dayanmamasına, hər gün axmasına insanlar sanki alışmış vəziyyətdədirlər. Lakin bu çox dəhşətli haldır. İslam Birliyi olsa tək damla qan axmaz, tək bir müsəlman haqsızlığa məruz qalmaz. İslam Birliyi mütləq olacaq, lakin ziyalı, müasir, Quran müsəlmanlığının liderliyində olacaq.

Münafiq Qurandan öz murdar əməlləri üçün istifadə etməyə cəhd edər. Bir qədər Qurandan, bir qədər küfr əhlindən öyrəndiyi məntiqlərlə ortaya çıxar. Küfr əhlinə qarşı çıxmaz. Lakin İslam Birliyinə qarşı çıxar. Mehdiyyətə şiddətlə qarşıdır. Peyğəmbərimiz (s.ə.v) dövründən etibarən münafiqlər mehdiyyətə qarşı çıxırdılar, buna görə də əhli-beyti şəhid etdilər. Münafiq, müsəlmanların mənəvi liderinin olmasını istəməz.

Türk dövlətlərinin birləşməsi, Azərbaycan və Türkiyənin bir olması, dərhal ola biləcək gözəllikdir. Rusiyanı da mütləq bu birliyə almaq lazımdır.

İngiltərə dərin dövlətində türk millətinə qarşı nifrət hakimdir. Darvin də türklərin guya aşağı və yox edilməsi lazım olan bir irq olduğunu söyləyirdi.

Fikir azadlığına “hə”, təhqirə “yox” deyək. Heç bir türk məhkəməsi kiməsə fikrinə görə cəza vermir. Təhqir, küfrə görə cəza verilər.

Muxtariyyət, federasiya, əyalət sistemi― bunların hamısı mədəni şəkildə bölünmə adlarıdır. Türk əsgərləri bu adlara etiraz etdikləri üçün şəhid oldular. Heç bir şəhid bunu qəbul etməz. Heç bir türk gənci, müsəlman övladı bunu qəbul etməz.

Türkiyədə yaşayıb, türklüyü qəbul edən, özünü türk olaraq qəbul edən hər kəs türkdür. Burada bir qövm üstünlüyü, bir irqçilik, bir kor-koranə inanc yoxdur. Bir qardaşlıq ruhu var. Bir millətin adı olmalıdır. Bu vətənin də adı Türkiyədir.

Mehdiyyət və İslam Birliyi anlayışı olmadan bir Türk-Birliyi təsirli olmaz. Türk dövlətlərlə ittifaqda Quran ruhu əsas olmalıdır.

Ağıl Quranla birlikdə inkişaf edər. Ağıllı bildiyimiz insan belə Quranı unutduğu zaman yolundan azar, ağıllı ola bilməz. Ağlın yaranması üçün Qurana tam tabe olmaq əsas şərtdir.

Allah axirətdə heç bir bəhanəni qəbul etməyəcək. Lakin Allah orada cəhənnəm əhlini sorğu-sual edəcək və danışdıracaq. Bunun səbəbi cəhənnəm əhlinin nə qədər alçaq və namərd olduqlarını və cəhənnəmə niyə layiq olduqlarını göstərmək və möminlərin qəlblərinə fərəhlik və hüzur olmasıdır.

Allah cəhənnəm əhlini ibrət olsun deyə dünyaya göndərir. Onların da mövcudluğu mühümdür, çünki onları görən möminlər imanlarının dəyərini anlayır, Allaha olan yaxınlıqları artır. Cəhənnəm əhlinin ruhu yoxdur, ölüdürlər. Allah onları insanlara göstərsə insanlar qorxudan küçəyə çıxa bilməzlər, lakin Allah onları bəlli etmir.

Allah, dini son dərəcə azad və rahat yaradır. Amma mövhumatçılar din belə olmaz, qadağalar və çətinliklər olmalı, buna görə biz bir az əlavə edək deyirlər. Bu şeytanın oyunudur. Şeytan yəni dəccaliyyət, dini kilidləmək, içindən çıxılmayacaq hala gətirmək, mürəkkəbləşdirmək, beləliklə kimsənin yaşayamayacağı hala gətirmək istəyər. Dəccaliyyət, səmimi olaraq həqiqi dini yaşamaq və izah etmək istəyənləri də dayandırmağa çalışır. Amma dəccal tərəfdarları hər nə edirsə etsin, boş yerə çırpınmış olur, xeyir və haqq hər zaman qalib gələcəkdir.

Allah əsgərimizə güc, qüvvət, sağlamlıq versin. Onlar dünyanın ən mərhəmətli, ən nəcib ordusunun igidləridir. Allah ordumuzu müzəffər etsin.

Allah Hakkaridə şəhid olan igidimizin şəhadətini mübarək etsin. Nə xoşbəxt ona. Onlar bizim quzumuzdur, igidimizdir, aslanımızdır. Axşam yeməyində Rəsulullah (s.ə.v) ilə birlikdədirlər nə gözəl. Allah bizə də şəhadət nəsib etsin.

Allah igidlərimizin şəhadətini qəbul etsin. Ailələrinə gözəl səbir nəsib etsin. Nə gözəl məqamları var, Allah bizə də o gözəl məqamı versin.