Adnan Oktar A9 TV; 26 noyabr 2014

Prezident idarəetmə sistemi heç bir ölkədə normal seçki yoluyla, xalqın istəyi ilə tətbiq olunmağa başlamamışdır. Həmişə baş verən döyüş, çevriliş nəticəsində tətbiq olunmağa başlanmışdır. Harada bir hadisə, bir çevriliş baş versə, arxasınca prezident idarəetmə sistemi tətbiq olunmağa başlamışdır. Yəni zorla tətbiq olunmağa başlandı.

Məktəblərdə darvinist təhsil verərək; "Allah yoxdur" deyirsən. "Elmi baxımdan yoxdur, amma istəyirsənsə, ürəyin istəyirsə inan" deyirsən. Bunun saxta bir elm olduğundan xəbərsiz olan gənclər də: "Mən elmi həqiqəti müdafiə edərəm" deyir və beləliklə də, dinsiz olurlar. Bu qorxunc bir şeydir. Mütləq darvinizmin elmi cavabı verilməlidir.

Xalq prezident idarəetmə sistemini istəmir, təhlükəlidir. Əsgər buna görə şəhid oldu, polis buna görə şəhid oldu; Türkiyə parçalanmasın deyə. Amerika Birləşmiş Ştatları, adından göründüyü kimi "Birləşmiş ştatlar". ABŞ modeli prezident idarəetmə sistemi olduqda, Türkiyə ayrı-ayrı dövlətlərdən ibarət olacaq. Məhv olduğumuzun şəklidir. Bunun bizə nə faydası olacaq? Parça-parça olarıq, Allah qorusun.

Qərbli güclər Sevr müqaviləsindən sonra Türkiyəni parça-parça etməyə qərar veriblər. Sevr müqaviləsinin tətbiq olunması mövzusunda çox qərarlı davrandılar, imtina etmədilər. Buna görə də prezident idarəetmə sistemini tam biçilmiş libas kimi görürlər.

Bir sirr verim, Allah silah, güc, pul, siyasət sahibi dünyaya hakim olacaqdır demir. Namazlarını qılanlar, oruclarını tutanlar da dünyaya hakim olacaqdır demir. Allah: "Səmimi olan qullarım xilas olar və dünya hakimi olar"―deyir, yalnız səmimi!

Əsl mehdiyyət dövründə mal və zənginlik bərabər paylanacaq. Bütün insanlar zəngin olacaqlar. Buna çox az vaxt qaldı.

Uşaqlarda günahsızlığın hüzuru, aydınlığı və təmizliyi olur.

Bəşər Əsəd Türkiyəyə də gələ bilər. Gəlsin, qonağımız olsun. Biz ömür boyu xidmət edərik. Türkiyədə başından bir tük belə əksik olmaz, söz veririk, söz bir, Allah bir.

Kürd, türk, ərəb olmağa biz yox, Allah qərar verir, qədərdə bizi o şəkildə yaradır. Bundan ötrü bir insanı alçaltmağa cəhd göstərmək, zərər vermək, əzab vermək çox böyük bir əxlaqsızlıqdır. Din qardaşıyıq, bizi birləşdirən İslamdır. Eyni ümmətdənik: Məhəmməd (s.ə.v) ümmətiyik.

Baş nazirimizin Qəzza səfərinin əvvəlində və ya qayıdarkən İsrailə də baş çəksə, yaxşı olar. Orada da yəhudi uşaqları sevməsi, ravvinlərlə görüşüb söhbət etməsi bir gözəllik olardı.

Hörmətli Destici səmimi bir müsəlmandır, Allah yolunu açıq etsin. Mücahidləri də Allah nur etsin, onların şövqünü artırsın.

Biz elmlə, mədəniyyətlə danışdıqca dəccal, separatçılar mənəvi cəhətdən əriyirlər, duzun suda əriməsi kimi əriyirlər. Dəccaliyyət qəddarlıq, mərhəmətsizlik, şiddət, terror, qan axıtmaq, zalım sistem və buna aid hər cür hərəkətin edilməsidir.

Keyfiyyətsizlik, çirk bir məmləkətdə yayılsa orada sənət, elm, estetika, ruh ölər, Allah əsirgəsin. Bu heç də gözəl deyil. Buna görə də gözəlliyi, estetikanı sona qədər axtarmaq, hər yeri gözəlləşdirmək lazımdır.

Başqalarını təhqir edənlər və buna qarşılıq olaraq məhkəməyə veriləndə buna reaksiya göstərənlər eyni təhqiredici sözlər özlərinə qaytarılanda, bu dəfə də özləri təhqirlərə görə məhkəməyə verirlər. Bu, səmimiyyətsizliklərinin açıq sübutudur.

İnternetdəki kvotanın mənası belə çıxır, sanki adamın əlindən kitabı alıb, cırırsan. Sanki biri kitabxanaya gedir, qapıda durub "girə bilməzsən" deyə onun qarşısını kəsirsən. Kitab oxumasının, araşdırmasının, dünyanı öyrənməsinin qarşısını alan səhv bir sistemdir. Bu limit, kvota və ədalətli istifadə bunların ədalətlə, ədalətliliklə əlaqəsi yoxdur. Bunların hamısını aradan qaldıraq.

Qatı dinçilik kommunizm kimi bir bəladır. Qorxunc ideologiyalardan biri də qatı dinçilikdir.

Müsəlman torpaq, ən təvazökar olacaq. Baş deyil, həmişə ayaq olmağa çalışacaq. Baş olmaq ehtirası qeyri-normal bir hərəkətdir. Eqoist bir ehtirasdır. Gözəl deyil. Müsəlmanın təqvalısı, yaxşı olanı həmişə ayaq olmaq, xidmətçi, torpaq olmaq istəyəndir. Onlar məqbuldur.

Sevmək üçün Allah qorxusu, Allah sevgisi lazımdır. Ət, sümük sevilməz; Allahın təcəllisi sevilər. Əgər ölüb gedəcək, yox olacaq bir varlıq kimi düşünürsənsə, onda nəyini sevməlisən? Əbədi olan sevilər. Əbədi olan Allahdır, Allahın təcəllisi olaraq sevə bilərsən.

PKK-nın əfv olunması demək, onun sərbəst buraxılması deməkdir, Mehmetçiyin, polisin öldürənin sərbəst olması deməkdir. "Cənub-Şərq bölgəsində müstəqil dövlət yaradacaq, Abdullah Öcalanı da onun başçısı edəcəyik" deyir. Ondan sonra vətən, millət, bayraq heç bir şey qalmaz. Ləyaqət, şərəf, namus da qalmaz.

Müsəlmanlar dəccaliyyətə qarşı təcili surətdə xristianlarla ittifaq yaratmalıdır, yəhudilərlə ittifaq yaratmalıdır. Müsəlmanlar xristianlarla sıx əlaqədə olmalıdırlar.

Müsəlmanlar dindar xristianlarla ittifaq yaratsın. Yoxsa dəccal həm müsəlmanları, həm yəhudiləri, həm də xristianları əzəcəkdir. Müsəlmanları, xristianları, yəhudiləri, bir sözlə, heç kimi sağ buraxmamağı düşünürlər.

Qatı dinçi insanlarda sevgidən əsər-əlamət yoxdur, mərhəmət, şəfqət, dostluq, yoldaşlıq yoxdur. Birlik, bütövlük düşüncəsi belə yoxdur. Bunlar daim Mehdi (ə.s) əleyhdarı, İsa Məsih əleyhdarıdırlar. Kommunizm və darvinizm qarşısında boyun əymiş vəziyyətdədirlər. PKK-ya da təslim olmuşlar, yaman qorxaqdırlar.

Türkiyəni parçalamağa çalışanların çox geniş bir məkanı olar; o da cəhənnəmdir. Ondan başqa bir yerləri olmaz. Heç kim başını bəlaya soxmasın. Türkiyəni bölmələrinə izin vermərik. Bunu biləcəklər.