Adnan Oktar A9 TV; 22 Sentyabr 2012

MÜSƏLMANLAR MEHDİYYƏTƏ İNANIB TƏK BİR İNSANIN ƏTRAFINDA BİRLƏŞƏNDƏ BİR BAHAR HAVASI BÜTÜN İSLAM ALƏMİNİ BÜRÜYƏCƏK. Sevgi, sülh, qardaşlıq, demokratiya, sənət, elm hər yeri gözəlliklə əhatələyəcək. Mükəmməl estetik və ədalət duyğusu hər yerə hakim olacaq. Xristianlar, yəhudilər, dinsizlər, ateistlər hamısı bu cənnət kimi mühitdə son dərəcə rahat yaşayacaqlar. Bu da ancaq Mehdiyyət ilə olar.

Hal-hazırda İslam aləmində qulağı, gözü, beyini olmayan bir sistem var. Çünki İslam aləmi başçısız, lidersizdir. Hər yerdən bir səs, səda gəlir. Amma tək lider olsa, İslam aləmində dərhal dinclik, sevgi, sülh, qardaşlıq və demokratiya mühiti olar. Mehdi (ə.s)-ın tək bir sözü ilə hər şey həll olar.

İSLAM ALƏMİNİN BAŞINDA DURACAQ BİR LİDER MÜTLƏQ LAZIMDIR. Bu da hər hansı bir adam deyil yalnız (ə.s) ola bilər. Hz. Mehdi (ə.s)-dan başqa heç bir kimsəni İslam aləmi qəbul etməz. Axtarsınlar, tapacaqlar. İsa Məsihi də axtarsalar, tapacaqlar. Amma sözümə qulaq asmasalar, qiyamət və fəlakət qapıdadır. Allah qorusun.

Müsəlman daim şəfqətlə, ağılla, sevgi ilə lazımi izahat tərzi ilə qarşı tərəfə hörmət edərək, razı salaraq mövzuları izah edər. Təhqirə qarşı da rəftarı yenə ağıllı tərzdə olur.

Türk-İslam Birliyi deyərkən türk millətinin irqi üstünlüyü ortaya çıxmır. Biz İslam aləminin qulluqçusuyuq. Əziyyət və çətinliyi çəkəcək olan bizik.

Türkiyənin Avropa Birliyinə girməsinə ehtiyac yoxdur. Avropa Birliyi bir müddət sonra Türkiyəni razı salmağa çalışacaqdır ki, onlar da Türk-İslam Birliyinə daxil olsunlar.

Saqqal necə imanın ölçüsü deyilsə, hicab da bir iman ölçüsü deyil, inşaAllah.

İslam Birliyini müdafiə etməyən müsəlman, deməli, Quranın əsas hökmünü yerinə yetirmir. İslam Birliyi namaz və orucdan da üstün, böyük fərzdir.

Bir fikri, xüsusilə, kommunizmi şiddətdən istifadə edərək aradan qaldırmağa çalışmaq onun daha da böyüməsinə səbəb olar. İdeologiya ilə mübarizə aparsaq, psixoloji olaraq ən təsirli zərbəni endirmiş olarıq. Kommunizmə qarşı psixoloji mübarizə elmlə, sevgiylə, ağılla edilməsə, nəticə əldə etmək olmaz, Allah qorusun.

Hər inanca qulluq edən insana qarşı şəfqətli olmaq lazımdır. Qan axıtmadan, incitmədən, müharibə etmədən insanları dostyana bir yerdə yaşatmaq mümkündür. Bu da ancaq İslam Birliyi ilə olar.

İslam Birliyi, Türk-İslam Birliyi yaranmadan Türkiyənin Avropa Birliyinə girməsinin faydası və mənası olmaz. AB onsuz da öz əhəmiyyətini itirmiş, məhv olmuş bir sistemdir. Amma TürkiyəTürk-İslam Birliyinin, İslam Birliyinin lideri olaraq Avropa Birliyinə girsə, AB canlanar.

İnsan zəkası inkişaf etmiş bir zəka olduğu üçün, əgər Allahdan qorxmursa, Allahı sevmirsə, şeytanın təsirinə girir. Şeytanın təsirinə girəndə isə böyük ehtimalla da qeyri-normal hərəkətlər etməyə başlayır.

Həqiqətən də insanların səhvlərini düzəltmək istəyirsinizsə, İslam Birliyini yaradın, hər kəs təməlindən düzəlsin, terrora da, anarxiyaya da son qoyulsun.

Daim müsbət, optimist danışmaq lazımdır. İddialı danışırlar. Ona görə də insanlarda irəliləyiş yoxdur. Şövqləndirici, əzmli tərzdə danışılmalıdır.

İslam Birliyi yaransa, təhqirdən söz gedə bilməz. Amma müsəlmanlar parçalansa, müsəlmanları da, haşa, peyğəmbər (s.ə.v)-i də, Quranı da təhqir edərlər, Allah qorusun. Rəbbimizə, digər dinlərə də çirkin söz söyləyirlər, Allah qorusun. İSLAM BİRLİYİ QURULSA, NƏ İSLAM, NƏ XRİSTİANLAR, NƏ YƏHUDİLƏR, NƏ DƏ BAŞQA KİMSƏ TƏHQİR OLUNAR.

Mehdi (ə.s)-ın ətrafında toplaşıb İslam Birliyini yaratmaq lazımdır və İsa (ə.s)-ın da xristian aləmini birləşdirməsi, onların da müsəlman olması, bu iki qüvvənin birləşməsi ilə islamı dünyaya, ən ucqar bölgələrə qədər hakim edəcəyik, inşaAllah.

Türkiyə çox gözəldir. Bölmək alçaqlıq olar. Əsla qəbul etmərik. Əksinə daha da inkişaf edəcək, İslam Birliyini yaradacağıq, inşaAllah.

Xurafatçı ilə müsəlmanı ayırd edərək həm müsəlmanların, həm Avropalıların, həm də Amerikalıların reaksiya göstərməsi, eyni zamanda da müsəlmanlığı da həm Avropanın, həm də müsəlmanların, hər kəsin dəstəkləməsi lazımdır.

Peyğəmbərimiz (s.ə.v)-in hz. Mehdi ilə əlaqədar sözünü saymayan İslam aləmi bu gün pərişan haldadır və hər yerdə əzilir və təhqir olunurlar. Bəziləri öldürülür, digər qisminə küfr qoşulub, kimlərinsə evlərini yandırırlar, amma Mehdi (ə.s)-ın ətrafında toplansalar bayram, sevinc, gözəllik, xoşbəxtlik, bütün dünyaya hakim olacaq.

Səmimi müsəlman Mehdi (ə.s)-ı, İslam Birliyini müdafiə etmək, İsa Məsihin yer üzərində görünməsi üçün Allaha dua etmək məcburiyyətindədir və bu sevinci, həyəcanı yaşamalıdır.

Xristianların və yəhudilərin sərbəst ibadət etməsini və bütün dünyanın mehriban olmasını təmin etmək ən mükəmməl ibadətdir. Müsəlmanlar əgər bu ibadətləri etmirsə, digər üsullarla ibadət etməklə dəccaliyyətə, dəccala xidmət edər .

İsa (ə.s)-ın enişi və Mehdiyə tabe olmağa müqavimət göstərməməlidirlər. Hər ikisinə də sevgiylə, həyəcanla hazır olmalı və gözləməlidirlər. Həm də Cənabı Allahdan istəməlidirlər. Bunu istəmədikləri müddət ərzində dünyadakı bu fəlakətlər getdikcə artacaq.

Ən böyük savab İslam Birliyini və müsəlmanların birliyini müdafiə etməkdir.

Müsəlmanlar dinsizlərə, ateistlərə, xristianlara və yəhudilərə qarşı şəfqətlə, hər birisinin Allahın yaratdığı bəndə olduğunu dərk edərək rəftar etsələr savab qazanarlar.

Müsəlman şəfqətli, mərhəmətli, ağıllı olmalıdır. Çirkin sözlərə qarşı rəftarı, münasibəti yenə də ağıllıdır.