Adnan Oktar A9 TV; 21 iyun 2014

Quranı həyata keçirmək bir sənətdir. Ağıllı insan Quranı çox yaxşı anlayar və həyatına gözəl şəkildə tətbiq edər. Məsələn, təvazökarlıq necə ediləcək? Təkəbbür hissi aradan necə qaldırılar? Sevgi necə yaşanar?

Müsəlman Qurana tam sarılsa, Qurana görə hərəkət etsə yaranan gözəllik onsuz da insanı hipnoz edər. Hər insan o cur həyat yaşamaq istəyər.

Allah qanuni yaşayanları, doğru yaşayanı sevər. Çünki qeyri-qanuni yaşayanın üzündəki nur itər. Ağılı itər, bəsirəti, fərasəti bağlanar. Müvazinəti olmaz. Dürüst insan müvazinətli olar.

Qurandan uzaq olanda insanın ağlı gedir, davranışları pozulur, halala, harama diqqət etmir, nizamsız olur. Amma Qurana uyarsa, ağıl tam oturur, işləri yolunda gedir, bərəkət gəlir, üzərinə bir rəhmət, bir xoşluq, nur gəlir. Onun üçün Qurana möhkəm sarılmaq çox vacibdir.

Mehdi (ə.s) dövründə məzhəblər qalxır, hər kəs Qurana görə hərəkət edir. Quranın sadə, gözəl, təmiz, hənif dininə, yəni İslam dininə bütün insanlar daxil olur. Və onu dinc, təhlükəsiz, bərəkətlə yaşayırlar.

Hal-hazırda şirk dini bütün dünyanı bürüdüyü üçün həqiqi İslam dini, Qurana əsaslanan İslam çox nadir yerdə yaşanır. Hakim olan şirk dinidir.

Qadınlar ağlı səy göstərək axtarırlar, çünki özləri çox ağıllı olduqları üçün ağıllı biri onlara çox təsir edir.

Quranın bütün hökmləri asanlıqla yerinə yetirilən hökmlərdir. Yoxsa insan boğular, həyat onu boğar. İnsan onsuz da suyun içində yaşayır. Bu gözəlliklər olduğuna görə insan boğulmadan yaşayır. Bu nemətlər olmasa insan boğulur. Adam suyun dibinə batar.

Namaz qılarkən, dəstəmaz alarkən, təvəkkül edərkən, Allahı xatırlayarkən, Quran oxuyarkən xoşbəxt olarsan, fikrin açılar, çünki zəif varlıqsan. Allah səni buna ehtiyacın olacaq şəkildə yaratmışdır. Bu gözəllikləri yaşamasan boğularsan. Bunlar suda boğulmağın qarşısını alan, can qurtaran nemətlərdir.

Uydurma hədisdən yeni bir din yaratmışlar, ona İslam deyirlər. Halbuki, Quranın izah etdiyi dinə İslam deyilir. Uydurma hədislə yaranan dinə İslam deyilməz. O şirk dinidir.

Din, dünyanın ruhudur. Allah dini dünyaya bir nemət olaraq verir. Dünyanı yaradarkən Allah dünyadan necə istifadə ediləcəyini də yanında kitabça kimi yazmış, Kitabla bizə bildirmişdir. Allahın dediyi kimi istifadə etsək dünya cənnət kimi olar.

Allah Quranda ayələrdə bir liderdən bəhs edir. Müsəlmanlar üçün lider seçilməsindən bəhs edir. Müsəlmanlar onsuz da lidersiz ola bilməz.

Vicdanını istifadə edən, Qurana tabe olan bir insan şəffaf İslam, səhabə, mehdilik yolunu görür.

Həm darvinizm, həm Quran ikisi birlikdə olmaz. İkisindən birini seçmək lazımdır ki, seçilən Quran olmalıdır. Darvinizmlə Quran arasında qalanlar xəstə düşüncəni müdafiə edir.

Quran oxuyan insanlar hər oxuduqları ayədən ağıllarının, əxlaqlarının daha da dərinləşdiyini biləcəklər. Bu Tövratda da vardır. Ona görə yəhudilər Tövratı gecə-gündüz oxuyarlar. Bilavasitə həm əxlaqı, həm şəxsiyyəti inkişaf edir.

Quran çox sadədir. Quranın demək olar ki, yarıdan çoxu təkrardır. Bu, ayələrin daha da yaxşı qavranılması üçündür. Başqa sözlə, Allah bizə ağılın yığcam və sadə qaydalarını izah edir. Onu tətbiq edəndə xeyli ağıllı, qərarlı olarıq.

Quran, eyni zamanda, ağıl öyrədən kitabdır.

Quran və ağıl bir-birilə çox bağlıdır. Quran saf ağıldır. Ağılın yoludur. İnsan Qurana uymaqla ağıllı olar. Quranın xaricində ağıllı olmaq mümkün deyil. Zəkalı ola bilər, amma ağıllı ola bilməz.

Allah səmimi insana ağıl verər. Bu açıq olan bir şeydir. Həmişə bütün peyğəmbərlərin, gözəl insanların ağıllı olduğu məlumdur.

Qurana tabe olan müsəlmanlar hər şeyi xoş qarşılamalı, hər şeyə ağılla yanaşmalıdırlar. Həyəcanla baxmamalıdırlar.

Allah insanın səmimiyyətini gördüyündə (qədərdə onsuz da bilir) ağlını daha da artırar. Səmimiyyətsiz olduğu halda isə ağlını alar və insan divanə olar, manyak kimi olar.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

Allah ağılı anbaan yaradır. Ağıl davamlı axar. Ağıl beynin içində durmaz. İnsanlar zənn edir ki, ağıl küp kimi mühafizə olur, elə bir şey yoxdur. Başın içi bomboşdur. Ağıl başa Allah tərəfindən çay kimi dayanmadan axar.

Axırzamanın Bəni-İsraili (İsrail soyu) Mehdi (ə.s) və tələbələridir. Tövratda Bəni-İsrail deyə baxdığımızda ağılımıza ilk gələcək olan Moşiyah Mehdi və tələbələridir. Həqiqi Bəni-İsrail onlardır.

Allahın vəlisinə qarşı çıxılarsa Allaha xoş gəlməz. Allahın vəlisinə qarşı tələ qurulsa Allaha xoş gəlməz. Allahın sevdiyinə qarşı oyun oynamaq ən təhlükəli işlərdən biridir.