Adnan Oktar A9 TV; 3 sentyabr 2016

İmtahan olmadıqda, təfərrüatlar olmadıqda cənnətin qiymətini anlamaq da, Allahın sənətini anlamaq da mümkün olmur. Adi imtahan olsa adi cənnət həyatı olar. İmtahan nə qədər qarmaqarışıq olsa, həyat o qədər gözəl olar, sevgi o qədər böyük olar. Allah xüsusən Axırzamanda yüksək imtahan istəyir. İmtahan nə qədər yüksəkdirsə, insanın cənnəti də o qədər yüksəkdir.

Adi imtahan olunsaq dünyanın da, cənnətin də mənası olmaz. Təhsilin mükəmməl olması üçün Allah hər cür şəraiti yaradıb. Yaralanmadan, xəstələnmədən, əziyyət olmadan asan yaşayıb axirətə getmək olmaz. İmtahan çətin və ətraflı olmalıdır, bu təfərrüatların içində gözəlliyi tapmaq vacibdir.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Yaxın Şərq bataqlığı deyirlər, bu yanlış ifadədir. Yaxın Şərq imtahan sahəsidir deyilməlidir. Bura peyğəmbərlər torpağıdır, Mehdi Məsih buradan çıxacaq, imtahan buna görə çətin olur.

İmtahan şirin olsa sonu acı olar. Yüngül imtahan gözləməsinlər, Axırzamandayıq. Allah böyük sevgi istəyir. İmtahan nə qədər şiddətlidirsə, sevgi o qədər böyükdür. Cənnətin bəzəyi sevgidir, sevgi böyük olmalıdır ki, cənnət mənalı olsun. İmtahanın müddəti qısadır, cənnət isə əbədidir. Əbədi böyük sevgi üçün imtahan güclü olmalıdır. Əziyyətə etiraz etmək olmaz.

İmtahanın sirrini ətraflı izah etmək lazımdır. Kafirlər və münafiqlər imtahan üçün xüsusi olaraq yaradılıb. İmana hücum edəcək fəlsəfələrin olması, dərin dövlətlərin zalımlığı, münafiqlərin ayrı, kafirlərin ayrı mövcudluğu imtahanın mükəmməlliyidir.

Eşq əhli olan şiddətli imtahan olunar. Böyük eşq böyük əziyyətlə birlikdə hərəkət edər. Eşqi cılız olanın imtahanı da cılız, zəif olar.

Pis söz söyləyən müsəlmana savab qazandırar. Biz dünyaya savab qazanmaq üçün gəlirik inşaAllah. Pis söz sahibinə əzab və sıxıntı gətirər.

Allah imtahanı çox təfərrüatlı şəkildə yaradır. Mənfi hallar olmasa çox sabit həyat olar. Həyatı sabitlikdən çıxaran imtahandır.

Dəccaliyyətin məqsədi dünyanı dinsiz tək dövlət halına gətirməkdir. Mehdi isə İslam əxlaqını bütün dünyaya hakim edəcək.

İslam əxlaqı hakim olduqda insan ağlının qavradığı və istədiyi ən gözəl mühit olacaq. Dostluq, sevinc, qadın azadlığı, hürriyyət tam olacaq.

İngiltərə dərin dövlətinin vermək istədiyi mesaj; İslam heç vaxt hakim ola bilməyəcək, müsəlmanların parça-parça olması daha yaxşıdır mesajıdır. Bu günə qədər edilən tətbiqlər müsəlmanlara sizin müvəffəqiyyətli olmağınız qeyri-mümkündür, hər dəfə məğlub olarsınız mesajı idi. Bu planı ifşa etdik.

İslam Birliyi dünya cənnətidir. Sülhün, qardaşlığın, sevginin olduğu, müharibənin və döyüşün olmadığı, incəsənət, gözəlliyin hər yerə hakim olduğu sistemdir.

İslam hakim olduqda İslamın gözəlliyini görən bir çox insan boşuna İslamdan uzaq olmuşuq, boşuna özümüzə əziyyət vermişik deyəcək.

Türkiyənin gələcəyi çox gözəldir. Türkiyə inşaAllah lider ölkə olacaq. İslam əxlaqı dünyaya hakim olacaq, hər kəs İslamın gözəlliyini görəcək.

İslam əxlaqının hakimiyyəti də batini elmlə reallaşacaq. Quranda bir çox hekayədə batini elmə işarə var.

Allah Nur surəsinin 55-ci ayəsində İslam əxlaqını dünyaya hakim edəcəyini bildirir. Məhz bu hakimiyyət İslam Birliyi və mehdiyyətdir.

Mömini gücləndirən münafiqlərdir. Yoxsa möminin cənnətdəki mövqeyi yüksəlmir. Münafiqin ədəbsizlikləri, oyunları, hiyləgərlikləri, namərdlikləri, xainlikləri olmasa möminin mövqeyi müəyyən qədər arta bilər. Lakin münafiqlə çox yüksələr. Kafirlə bir yüksəlirsə münafiqlə milyon dəfə yüksələr. Çünki münafiq daha çox şiddətlidir.

Münafiq ən yüksək xüsusiyyətdə mənfi qüvvə olduğu üçün münafiqlə elmi mübarizə aparmaq möminin savabını ən yüksək nöqtəyə çıxarar.

İmtahanın uzunluğu və güclü olması o insanın lehinə olar. İnsana nə qədər çox əziyyət, sıxıntı, çətinlik gəlirsə, deməli, o, bir o qədər çox savab qazanır.

Mehdiyyət çox uzun bir dövrdür. Dövrün uzun olmasının, 40 il davam etməsinin səbəbi savabının çox olması üçündür. Yoxsa Allah istəsə, İslamı bir ildə də hakim edər. Lakin o zaman bir illik savab alınar. Allah savabının çox olması üçün mehdiyyəti 40 ilə yaymışdır.

Vəsvəsəyə ən gözəl cavab heç cavab verməməkdir. Vəsvəsə ilə heç müsahib olmamaq lazımdır. Vəsvəsə gəldikdə heç təşvişə ehtiyac yoxdur. Vəsvəsə ilə heç vaxt müsahib olmamaq şeytana tabe olmamaqdır, müsahib olmadıqda insan ibadət savabı qazanmış olar.

Zəlzələdə evləri dağılanlar sədəqə hökmündə, yaralananlar qazi hökmündə savab qazanırlar. Hamısına Allah uzun ömür versin.

Müsəlman təbliğ etməklə məsuldur. Qarşı tərəf dinləsə də, dinləməsə də, müsəlman təbliğ etmiş olmanın savabını qazanar.

Qiyamətdən əvvəl yaşayacaq son müsəlman nəslin imtahanı çox fərqli olacaq. Onlar özlərini tamamilə gizlədəcək.