Adnan Oktar A9 TV; 16 fevral 2017

Tövrata görə Mehdi (Moşiyah) doğru olanı etməkdə sürətli hərəkət edəcək.

Allah dünya sistemini güclü olanın zəif olana, zəngin olanın kasıb olana kömək etməsi üçün yaratmışdır. Hamilik sistemi əsas olmalıdır. Hamilik sistemi ilə insanların bir-birinə sahib çıxması Qurana görə fərzdir. Bu fərz tətbiq edildikdə kasıblıq və yoxsulluq qalmaz.

Həm şiələrin, həm də sünnilərin qəbul edəcəyi mənəvi lider Mehdi (ə.s)-dır. İslam aləmi təkcə Mehdi (ə.s) ətrafında birləşəcək.

Müasir mədəniyyət deyildikdə nəzərdə tutulan Türkiyəni elmin, incəsənətin, keyfiyyətin, gözəlliyin hakim olduğu ölkələrdən daha üstün mövqeyə çıxarmaqdır.

Hədislərdə Mehdi dövründə Əsri-Səadət dövründə olduğu kimi kül olmuş duyğuların tək-tək tumurcuqlanıb çiçək açacağı bildirilmişdir.

Ölkələr arasındakı bütün divarlar Mehdi dövründə götürüləcək inşaAllah.

Mehdi dövründə tapılacaq əhd sandığının içində Harunun əsası da olacaq. Harunun əsası cücərmiş, çiçəklənmiş əsadır.

İslam dünyaya son dəfə hakim olacağı, İsa Məsih və Mehdi zahir olacağı üçün dünya çox böyük hadisələrlə bu görüşə hazırlanır.

Müsəlman bacı/qardaşlar incəsənəti, sevgini, keyfiyyəti, dostluğu əsas götürən yeni bir xəttə, mehdiyyət xəttinə girsin. O zaman çox rahat olarlar.

Türkiyəni incəsənət, estetika və keyfiyyətlə gözəlləşdirək. Heç kimin qorxu və gərginlik içində olmadığı bir Türkiyə yaradaq. Düşüncəsi, partiyası, hər nə olsa da, hər kəs tanış olub bir yerə toplansın. Birlik olaq. Qorxuları, narahatlıqları tamamilə aradan qaldıraq.

Mehdi, Peyğəmbərimiz (s.ə.v)-in nəslindəndir. Mehdinin qələbəsi Peyğəmbərimiz (s.ə.v)-in qələbəsidir.

Türkiyənin çox keyfiyyətli olması lazımdır. Natiqliyin, paltarların, evlərin, küçələrin, hər şeyin çox keyfiyyətli olması mühümdür. Avropa incəsənətə, keyfiyyətə əhəmiyyət verdiyi üçün dövlət çevrilişi riski olmur. Hər insan ora getməyə çalışır, çünki incəsənət və keyfiyyət üçün darıxır.

Keyfiyyət maddi imkanla düz mütənasib deyil. Maddi imkan olmasa da keyfiyyətli, gözəl həyat yaşanar, incəsənətdən zövq alınar. Məsələn, betondan qüllə düzəltmək əvəzinə, hər yeri qəribə yaşıl rəngə boyamaq əvəzinə, əlindəki imkanla böyük incəsənət nümunəli və keyfiyyətli işlər görə bilərsən. Paltarda, binada, küçədə incəsənət var, keyfiyyət olmadıqda insanların yaşama gücü yox olur, daxilən qəzəb yaranır, cəmiyyət müəyyən mənada çürüyür.

Tövratda bəhs edilən hakimiyyət, Mehdi (Moşiyah) dövründə İslam əxlaqının bütün dünyaya hakim olmasıdır.

Dəccaliyyətin dünyaya hakim olmasına təəccüblənməyənlər mehdiyyət vəsiləsi ilə İslam əxlaqının hakim olmasına təəccüblənirlər.

İslam əxlaqının hakimiyyəti bütün dünyanın iştirakı ilə olacaq. Rusiya, Çin, Amerika siyasəti, Birləşmiş Millətlər Təşkilatı, masonlar, hamısının iştirakı ilə olacaq. Dünya tarixi mehdiyyətə görə formalaşmışdır. Birləşmiş Millətlər Təşkilatının təməlində də mehdiyyət var.

Axırzamanda müsəlmanlar, dindar xristianlar və dindar musəvilər ittifaq edəcəklər. İslam əxlaqı bütün dünyaya hakim olacaq inşaAllah.

Hz. Süleymanın təbliğ üsulu gözəllik, incəsənət, zənginlik, estetika, keyfiyyət və ehtişam idi. Memarlıqda, incəsənətdə həmişə mükəmməllikdən istifadə etdi.

Peyğəmbərimiz (s.ə.v) bir hırka ilə əyləşər, 2-3 xurma yeyərdi deyə yanlış inancları var. Halbuki Allah Peyğəmbərimiz (s.ə.v)-i zəngin etmişdir. Peyğəmbərimiz (s.ə.v)-in ehtiyac içində yaşadığını iddia etmək səhabəyə də böhtan atmaq olar. Heç bir səhabə Peyğəmbərimiz (s.ə.v)-i ehtiyac içində qoymaz.

Allah malın kasıblara paylanmasını, yalnız müəyyən zəngin zümrə arasında dövr etməməsinin lazım olduğunu bildirmişdir.

Cənnətdə qədəhlər, ən gözəl süfrələr, ən gözəl musiqi, ən nəfis incəsənət var. Bu gözəlliklərin hamısı dünyada da müsəlmanlar üçün nemətdir. Rəsm əsərini, heykəli, musiqini, elmi, zənginliyi, ehtişamı, sevinci müsəlmanlar sahiblənməlidir. Bu nemətləri tərk etmələrinə dini cəhətdən heç bir ehtiyac yoxdur.

Müsəlmanın Qurandan kənar dini olmaz. Müsəlmanın öz ağlına görə meyarları olmaz, Qurana görə əxlaqı və meyarları olar.

İsrail ilə İran, İran ilə Amerika arasındakı gərginlik də sünidir. Türkiyə ilə İran, İsrail ilə İran, İran ilə Amerika əlaqələrini düzəldəcəyik.

Münafiqlər məsələsini gündəmə gətirməyimizdən sonra siyasətçilər də münafiq xarakterinin əxlaqsızlığını vurğulamağa başladılar. Bu, çox gözəldir.

Allah insanları şəfqətlə, kömək sevərliklə, dostluqla yaşayacaq şəkildə yaradıb. Nifrət və kin insanların həyat sevincini yox edər.