Adnan Oktar A9 TV; 28 dekabr 2016

Dünyanın resepti Qurandır. İslam səhabə dövründəki kimi yaşanmadığı üçün hər yerdə əzab yaşanır. Hüzur, Quranla hakim olar.

Trampın “Radikal İslam”dan bəhs etməsində yanlış cəhət yoxdur. Bununla, Qurana uyğun olmayan səhabə İslamından uzaq İslamı nəzərdə tutur.

Allah Mehdiyə İslam əxlaqının dünya hakimiyyətini, incəsənət, zənginlik və gözəllikdə heyrətamiz irəliləyişi nəsib edəcək inşaAllah.

Allah dünya sistemini güclü olanın zəif olana, zəngin olanın kasıb olana kömək etməsi üçün yaratmışdır. Hamilik sistemi əsas olmalıdır. Hamilik sistemi ilə insanların bir-birinə sahib çıxması Qurana görə fərzdir. Bu fərz tətbiq edildikdə kasıblıq və yoxsulluq qalmaz.

Allah malın kasıblara paylanmasını, yalnız müəyyən zəngin zümrə arasında dövr etməməsinin lazım olduğunu bildirmişdir.

Səhabələr Mehdi haqqında çox maraqlanalar, həmişə Peyğəmbərimiz (s.ə.v)-ə suallar verirdilər. Peyğəmbərimiz (s.ə.v) də Mehdidən çox ətraflı bəhs etmişdi.

Hz. Süleymanın təbliğ üsulu gözəllik, incəsənət, zənginlik, estetika, keyfiyyət və ehtişam idi. Memarlıqda, incəsənətdə həmişə mükəmməllikdən istifadə etdi.

Peyğəmbərimiz (s.ə.v) və səhabələrin Qurandan başqa dini yox idi. Sonrakı nəsillər Qurandan uzaqlaşmağa səbəb oldu.

Cənnətdə qədəhlər, ən gözəl süfrələr, ən gözəl musiqi, ən nəfis incəsənət var. Bu gözəlliklərin hamısı dünyada da müsəlmanlar üçün nemətdir. Rəsm əsərini, heykəli, musiqini, elmi, zənginliyi, ehtişamı, sevinci müsəlmanlar sahiblənməlidir. Bu nemətləri tərk etmələrinə dini cəhətdən heç bir ehtiyac yoxdur.

Məzhəb qarşıdurması İslam aləmini məhv etdi. Səhabə müsəlmanlığı, yəni Peyğəmbərimiz (s.ə.v)-in dövründəki İslam anlayışı yaşansa dünya çox gözəl olar.

Müsəlmanın zəngin olmasında problem yoxdur. Allahın razı olmadığı, pulu yığıb toplamaqdır. Müsəlman malını Allah yolunda xərcləyər. Canını və malını Allaha həsr edənə Allah yağış kimi bərəkət verər. Mənim heç bir bankda adıma pulum, malım yoxdur, hamısını Allah yolunda xərcləyərəm.

Səid Nursi həzrətləri dünyanı idarə edən mənəvi məclisin millət vəkilidir. Çox dəyərli insandır. Bədiüzzaman öz əsrinin ən müasir müsəlmanıdır. Müvəffəqiyyətlə müasir səhabə anlayışını müdafiə edən insandır.

Hz. Mehdi dövründə bütün dünyada çox böyük zənginlik və bolluq olacaq.

Qadınlar Peyğəmbərimiz (s.ə.v) və səhabə dövründə azad idi. Hz. Mehdi dövründə yenə azadlığa qovuşacaq, istədikləri kimi azad yaşayacaqlar.

Mehdiyyət dövrünə qədər həqiqi bolluq meydana gəlməyəcək, iqtisadi böhranlar davam edəcək. Hz. Mehdi dövründə isə görünməmiş zənginlik olacaq.

İqtisadiyyatın kilidlənməsinin və kasıblığın əsas səbəbi mal-dövləti toplama ehtirasıdır. Allah sevgisi və qorxusu ilə birlikdə toplama ehtirası aradan qalxdıqda zənginlik meydana gələr.

Hz. Süleyman təbliğdə həm zənginlikdən, həm insan gözəlliyindən istifadə etmişdir. Bunlar İslamın izah edilməsində təsirli üsullardır.

Quranda bildirilən möhkəm iqtidar; demokratiyanın, azadlığın, zənginliyin, ədalətin mükəmməl olduğu, sülhün və xoşbəxtliyin olduğu iqtidardır.

Müsəlmanın gözəl yaşaması nemətdir. Zənginlik və göstəriş hz. Süleyman (ə.s)-ın da istifadə etdiyi bir təbliğ üsuludur.

Münafiq əhəmiyyətli hesab etmədiyi kəsləri hədəf almaz. Onun seçdiyi bir siyahı var. Ən başda peyğəmbər, sonra səhabələrin qabaqcılları. Bir vəlidirsə, məsələn, o vəli olan insan və vəli olan insana ən yaxın kəslər, ən güvəndiyi kəslər, birbaşa onları hədəf alar münafiq.

Mövhumatçılıq azacıq önü açıldıqda corab söküyü kimi gedər. Olduqca təhlükəlidir. Dövlət bu mövzuda çox qərarlı bir siyasət izləyərək, müasir dövlət quruluşu, müasir incəsənət anlayışı və müasir düşüncəni mütləq yaymağa çalışmalıdır. Yəni İslam müasir mənada yaşanmalıdır. Hansı mənada müasir? Səhabə dövründəki kimi.

Səhabələr Allah üçün mübarizə aparırlar. Münafiqlər isə; “evimiz nəzarətsiz qalıb”, “vuruşa bilsəydik gələrdik” deyirlər. "Sənə qırx kisə qızıl veriləcək, bu şərtlə ki, vuruşa bilmədiyin halda, gəlib vuruşmalısan" desən dərhal gələr. Çünki, mənfəət vardır. Məhz insanın mənfəəti gözəl əxlaq olmalıdır. Qızıl yerinə, pul yerinə imanını qoymalıdır, vicdanını qoymalıdır. Başqa cür olsa insan heyvana dönər.

Sən müvəqqəti dünyanı istəsən, Allah dünyanı səndən həmişə uzaqlaşdırar, dünya bu dəfə başına bəla olar. Halbuki, fədakar insanlarla dünya gözəl olar. Məsələn, Peyğəmbərimiz (s.ə.v) fədakar idi. Səhabələr də fədakar idi. Heç biri mənfəətpərəst deyildi. Mənfəətpərəst insanların olduğu cəmiyyətlər çökür.

Biz bütün dünya üçün İslamın işıqlı üzüyük. Müsəlmanlığı qorxunc, içinə qapalı, sevgisiz, qadınlara məsafə qoyan, həyatı dəhşətə çevirmiş bir sistem kimi tanıyanlar bizim yaşadığımız İslamı gördükcə səhabə İslamına olan heyranlıqları artır və İslamın bir qurtuluş olduğunu da görürlər. Əks halda əzab çəkirdilər.

Müsəlmanların keyfiyyətli, alicənab, mədəni, zövqlü, təmiz, baxımlı olması Quran əxlaqının tələbidir. Qorxunc görünməni din kimi göstərmək zülmdür.