Adnan Oktar A9 TV; 12 sentyabr 2013

Məsələn, adam var ki, dinsizdir, amma zalım deyil, heç kimə zülm etmir. Bu cür insanların cəhənnəmi ayrı olur. Yəni monoton həyat yaşayırlar. Cənnətlə müqayisə etdikləri üçün iztirab çəkirlər. Sıxıcı, durğun, sönük, mənasız bir həyat yaşayarlar. Bu da cəhənnəmin təbəqələrindən biridir. Orada sıxılar, böhrana düşərlər. Sevgisizlikdən, cənnətin gözəlliyi ilə müqayisə etməkdən böhrana düşər. Allah onlara bu şəkildə əzab verər.

Allah dünyada birini yandırmış adamı cəhənnəmdə sonsuza qədər yandırar. Birini zəncirə bağlayan müsəlmanı cəhənnəmdə sonsuza qədər zəncirə bağlayar.

Türkiyədə, Amerikada sevgini müdafiə edən çox az sayda nur kimi insanlar var. Allah sırf onlara görə dünyanı qoruyub yaşadır. Getdikcə bu nurların sayı artaraq işıq hər yeri bürüyəcək. Sonra bu nurlar zaman keçdikcə azalacaq, yox olanda qiyamət qopacaq.

Nə məscidlə, nə də cemeviylə qurtuluş olmaz. Məscidə, cemevinə gedən insanların təhsilinə, keyfiyyətinə əhəmiyyət vermək, sevgini yaxşı öyrətmək lazımdır.

Hal-hazırda dünyada sevgini müdafiə edənlər işıq saçırlar. Onsuz da Allah dünyanı onlara görə qoruyur. Yəni qiyamətin qopmamasının səbəbi budur.

Dinsiz olub, amma zalım olmayanların cəhənnəmi fərqlidir. Allah can yandırmayan dinsizlərə cəhənnəmdə darıxdırıcı, sıxıcı bir həyat yaşadır. Dünyada birini yandıranı Allah da cəhənnəmdə sonsuza qədər yandırır, insanları zəncirləyəni Allah cəhənnəmdə sonsuza qədər zəncirləyər.

Sevgisizlik, mərhəmətsizlik, şiddət hər yeri bürümüşdür. Bunun yerini sevginin tutması üçün sevgiyə sahib olan, sevgini istəyən insanların cəhdlərini artırmaları lazımdır. Mehdi (ə.s), İsa Məsih aşiqlərinin, tələbələrinin var gücləri ilə cəhd göstərmələri lazımdır. Cəhd göstərdiklərində gözəl nəticə əldə edəcəklər.

Hər kəs sevgini axtarmalıdır. Dünyadakı ən böyük ehtiyac, ən böyük nemət və ən böyük gözəllik sevgidir. Allah sevgi olduğu üçün kainatı yaratmışdır.

Yaxşılıq, mərhəmət etmək, şəfqət, sevgi göstərmək çətindir. Qırıb-tökmək çox asandır. Bəziləri əlinə tüfəngi alıb ətrafdakıları biçib qırır. Amma sevgi göstərmək əmək, iradə, mərdlik istəyir. Səbrin, əzmin ən son mərhələsini istəyir.

Şübhəli, ürəyi qara, yaxşı niyyətli, dürüst olmayan, ürəyində fəsad olan, insanların yaxşılığını istəməyən, sevgiyə, məhəbbətə istək duymayan bir insanın bəsirətini, fərasətini Allah bağlayar. Hərəkətlərinin yerini bilməz. Baxışı, danışığı, məntiqi pozular. Allah yolunu bağlayar, bərəkətsizlik verər.

Biz burada danışırıq, bundan pul qazanmırıq. Əksinə, biz Allahı izah edə bilmək, dini sevdirmək üçün pul veririk.

Biz dünyaya Allaha, dinə xidmət üçün gəlirik. Gözəl əxlaqı, sevgini, vəfanı yaşamağa gəlirik. Dünyəvi mənfəət arxasında olanlar parazit düşüncədə yaşayırlar. Müsəlman dünyəvi mənfəət arxasınca qaçıb dünya malına tamah salmaz. Özünü Allaha tam təslim edər.

Allahı sevmək ağıl və əmək tələb edir. Eləcə də həqiqi dindarlıq ağıl, incəlik, vicdan tələb edir.

Zalımı da yaradan Allahdır. Zalım imtahan üçündür.

Yalnız "mən Allahı sevirəm" demək kifayət deyil. Allah qorxusu çox əhəmiyyətlidir. Allahdan qorxmayan təkəbbürlü, qürurlu olur. Allah qorxusu oldanda isə insanda mükəmməl əxlaq meydana gəlir. O insanda eqoistlik olmur. Mehriban və dürüst olur.

Allahı sevən insanların yaşadıqları məkan çox rahat olur.

Quran əxlaqını mənimsəyən, Allahı sevən, Allahın ən mükəmməl təcəllisi olan, qadınları da çox sevər. Amma qadın, ruhu ilə gözəl olar. Ruh və bədəndir. Qadın həm cismani, həm ruhani mükəmməl bir varlıqdır.

Binayla, daşla insanlar xoşbəxt olmaz; Allah sevgisi ilə, Allah qorxusu ilə xoşbəxt olar. Quran möcüzələrini, iman həqiqətlərini biləcək, Allaha aşiq, Allaha təslim olacaqlar, yalnız belə olduqda həyatın bir mənası olar.

Mehdi (ə.s)-ın camaatının əsas xüsusiyyəti sevgidir― Allah onları sevir, onlarda Allahı sevirlər.

İsa Məsih (ə.s), Mehdi (ə.s) sevgisi Allah sevgisindən qaynaqlanar.

Allahın Quranda bildirdiyi kimi insanların bir çoxu cahil və zalımdır. Bunun aradan qaldırması üçün Quran əxlaqı yayılmalıdır.

ALLAHı HAQQI İLƏ SEVMƏK ÇOX ƏHƏMİYYƏTLİDİR. Allahı insanların çoxu haqqı ilə sevmirlər və çox böyük haqsızlıq, vicdansızlıq edirlər. Buna görə Allah "insanlar zalım və cahildir , nankordurlar" deyir.

İNSANLARIN BİR QİSİMİ DƏRD VƏ BƏLA OLMADAN ALLAHA DÖNMÜRLƏR. Allah bir fırtına anında gəmidə dua edənləri nümunə verir . Allah xəstəliklər yaradır. Lakin buna baxmayaraq dəlicəsinə nemətlərdən istifadə etməyə çalışan, lakin neməti verənlə də heç bir şəkildə əlaqə qurmayan, şükr etməyən insanlar olduğunu görürük. Ona görə Allah insan üçün "zalım və nankordur" deyir. Allah o ruh azğınlığını qırmaq üçün o dərdləri və bəlaları verir.

Son 30 ildən bəri Mehdiyyət mövzusunu izah etmək sanki qadağan edildi. Baxın bu, Hz. Mehdi (ə.s)ın gəldiyinə dair çox böyük bir əlamətdir.

Ələvilər Mehdi (ə.s) aşiqidir, Əhli-beyt aşiqidir, hz. Əli (r.ə) aşiqidirlər. Bərabərliyi, birliyi müdafiə edərlər. Qatı dinçiliyə qarşıdırlar. Sünnilərin bəziləri çox xurafatçı və sevgisizdirlər. Aralarında yaxşıları da vardır. Əsas məsələ, Qurana bağlı mehdiyyət təhsilidir. Səhabə İslamının izah edilməsidir. Şəfqət, mərhəmət, məhəbbət anlayışının inkişaf etdirilməsidir.