Adnan Oktar A9 TV; 27 oktyabr 2016

Allaha həmd etmək, təşəkkür etmək çox əhəmiyyətlidir. Hər an hər şeyi yaradan Allahdır. Sevgini də nemət olaraq yaradan Allahdır.

Meyvə-tərəvəz satan dükanlara qidaları düzən, əczaxanalara dərmanları qoyan, atomları insanlara xidmətçi edən Allahdır. Allah rahatlığımız üçün hər şeyi yaradıb. Atomlar sanki 15 milyard illik pilot kimidirlər. 15 milyard ildir ki, heyrətamiz ağıl və şüurla heç bir yerə dəymədən həmişə hərəkət halındadırlar.

Allah gecəni, gündüzü, yuxunu, fəsilləri yeknəsəqliyi yox etmək üçün xüsusi yaradır. Allah yeknəsəqliyi sevmir.

Şirk, Allaha hörmətdə qüsur işləməyə cürət etməkdir. Hər şeyi Allahın etdiyini bildiyi halda, haşa Allah etməmiş kimi davranmaq çox çirkindir. Şirk sevgiyə hücum olduğu üçün Allah istəmir. Şirk çox böyük ağılsızlıqdır. Allah min bir gözəlliklə bitkiləri, meyvələri, heyvanları yaradır, "yox bunlar təsadüflə yarandı" deyirlər. Bu sevgiyə çox böyük hücumdur.

Bütün bəzəkləri, bütün əşyaları, bütün gözəllikləri yaradan Allahdır. İncəsənət xadimini, insanı vəsilə edər, lakin əsil yaradan Allahdır.

Şeytan imtahan olmamız üçün insanlara müsəllət olur. Şeytan müstəqil güc sahibi deyildir. Şeytanın bütün danışıqlarını yaradan Allahdır.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Gündəlik işlər, futbol, məktəb, müzakirələr və s. ucbatından insanların əksəriyyəti əsil düşünməsi lazım olan mövzular barəsində bir dəfə belə düşünmür.

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

Bir insanın irfan sahibi, dərin düşünən, dərin qavrayan olması əhəmiyyətlidir. Təkcə mədəniyyətin olmasının insana faydası olmaz.

İşıq və rəng çox böyük hadisədir. Qapqaranlıq beyinin içində çox təfərrüatlı rəngli görənin kim olduğu barəsində darvinistlər heç düşünmək istəmirlər. Səsin eşidilməsi, səsi idrak edən bir şüurun olması çox böyük hadisədir. Hiss edən, eşidən, qoxunu qəbul edən kimdir? Bunlar çox böyük möcüzədir.

Allahın varlığının dəlillərini incə-incə, tək-tək, təfərrüatlı düşünmək əhəmiyyətlidir. Yüzlərlə mövzunun içində boğulmaq deyil, bir mövzunu düşünmək lazımdır.

Həqiqi iman yaranması üçün bütün diqqəti Allaha yönəldərək, həmişə Allahdan yana olaraq dərin düşünmək lazımdır. Diqqət dünyaya verilirsə, olmaz.

Çox düşünmək, çox məsuliyyət almaq zehin və şəxsiyyətin inkişafı üçün çox faydalıdır.

Yerin altında maqma qaynayır, meteoritlər həmişə dünyaya toxunub keçir, insanların böyük hissəsi nişan, toy, çek, sənəd arxasınca qaçır. Heç düşünmədən yaşayırlar.

İslamda düşünmək vacibdir. Allahı xatırlayarkən, Allahın adlarını söyləyərkən də düşünərək, Allahı çox sevərək, mənasını bilərək söyləmək əhəmiyyətlidir.

Qadınların iqtisadi azadlığı əhəmiyyətlidir. İş yerlərində qadınlara prioritet verilməli və qadınların hər cəhətdən çox gözəl qorunmaları lazımdır.

İnşaatda işləmək çox çətindir. İnşaatda işləyən qardaşlarımızın tələbləri çox haqlıdır. İş təhlükəsizliyi üçün hər cür tədbirin tam alınması lazımdır. Mərhəmətsizcə bir iş rejimi olmamalıdır. İnsanların sağlam yaşaya biləcəyi, düzgün qidalana biləcəyi, bütün hüquqlarının qorunduğu mühit olmalıdır.

İş təhlükəsizliyi mühüm mövzudur, müqəddəs vəzifədir. Universitetlərdə təhsili verilməsi də çox doğru qərardır.

İş təhlükəsizliyi mühüm məsələdir. İşçilərin həm iş, həm də istirahət mühitlərinin ən rahat şəkildə olmalıdır. İşəgötürənlərin işçiləri övladları kimi görmələri lazımdır. İşçilərin rahatlığından və təhlükəsizliyindən kəsib daha çox qazanmaq doğru deyil. Onlar üçün xərclənən bərəkət olar.

Qadınların xoşladıqları işlərdə işləməsi gözəl olar. Ağır iş sahələrində işləmələri məni vicdanən narahat edər.

Başa öz-özünə məlumat gəlməz. Tərbiyə edilməlidir, öyrədilməlidir. Başını qoy yerə yat, bu cür olmaz, insan xüsusi olaraq məşğul olmalıdır. Düşünmək namaz kimi ibadətdir.

Allah yaratdığı hadisələrlə insanlara Özünü düşündürür. Düşünmək çox əhəmiyyətlidir. Allah Quranda insanı düşünməyə təşviq edir.

Möcüzələri həmişə yaşayırıq, düşünən fərqinə vara bilər. Allah düşünməyən insanlar üçün xüsusi tələ, yəni səbəb tələsi qurmuşdur. Səbəbin içində boğular və görə bilməz. Elə zənn edir ki, özü gəzir, oturur, yeyir, içir. Amma bütün bunları edən Allahdır. Bir yerə getmək istədiyi zaman Allah aparar.

Dünyada imtahan üçün verilən müddət də tam idealdır. İslam asanlıq dinidir. Allah insanlardan çətinlik istəmir, "Məni sevin sizi Sevim" deyə buyurur.