Adnan Oktar A9 TV; 12 noyabr 2013

İnsanın özünü öldürməsi haramdır, günahdır. Qatil olaraq Allahın hüzuruna gedir, tövbə etmədən. Olmaz elə.

Müsəlman göz görə-görə şərabı necə içsin? Boğazına tıxanar, istəsə də içə bilməz. Mömin zina ilə iflic olar. Əli qolu bağlanar, qüdrəti çatmaz. Günaha girmə gücü olmaz, bəsirəti bağlanar, edə bilməz, inşaAllah.

Qatı dinçilər Allahın Quranda halal buyurmasına baxmayaraq bir çox yeməyi və zinəti haram etməyə meyillidirlər. Allah ayədə "bütün zinətləri Mən yaradıram, sizə kim haram etdi?" deyir. Kim edir? Xurafatçılar edir.

Haram insanı sıxan bir şeydir. Haram mömini parçalayar. Haram olduğunu bilə-bilə harama girmək, haram iş görmək mümkün deyil. Amma imanı zəif olanlarda bədən iflic olduğu üçün, ət çürüdüyü üçün harama girməkdən təsirlənməzlər. Rahat şəkildə harama girərlər. İnsan diri olduğu halda harama girməsi qeyri-mümkündür. İnsan ancaq ölü olduğunda harama girə bilər. Dirinin gücü çatmaz, harama girmək dözülməz bir əzabdır. Möminin edə biləcəyi bir şey deyil.

Mömin haramdan narahat olar, haram mömini iflic edər, harama girməyə gücü çatmaz. Amma ağlı, imanı zəif olan adam üçün halal, haram fərq etmir.

Cəhənnəmə getməmək çox asandır; Allahı sevəcək, Allahdan qorxacaqsan. Allah "dünyanı sizə verdim" deyir. "İstədiyin kimi ye, iç, əylən, sev, oyna, rəqs et". Allahın “sənə dünyanı verdim” deməsi o mənadadır ki, dünya sizindir, hər şey edə bilərsiz". Haramlar çox azdır.

İslamda qadağalar barmaqla sayılır. Halalları saymağa cəhd etsən ömrün çatmaz. Haramları saymaq isə barmaqla sayılacaq qədərdir. Halalların sayı-hesabı yoxdur.

Türk əsgəri şəfqətdə, mərhəmətdə dünyada təkdir. Əsgərimiz hara getsə uğur, bərəkət aparar.

Müsəlmanlar arasında tərəf saxlayan kənarda qalar. Müsəlmanlar arasında tərəf saxlamaq haramdır.

Haram olan hökmlər möhkəm ayələrlə açıqlanmışdır, şərhə ehtiyacı yoxdur.

Allah kainatı ritmlə yaratmışdır. Cənnətdə ağaclar belə rəqs edər. Musiqinin, ritmin, rəqsin haram olduğunu söyləmək düzgün deyil.

Qurandan kənar haram yaratmaq şirkdir.

Qədəhi küfr əlaməti olaraq onlar damğalamışdılar. Mən bu damğanı qədəhin üstündən qaldırıram. Onun halal olduğunu, onun gözəlliyini göstərirəm və bütün gözəlliklərin Müsəlmanlara aid olduğunu vurğulamış oluram.

Qurandan uzaq olanda insanın ağlı gedir, davranışları pozulur, halala, harama diqqət etmir, nizamsız olur. Amma Qurana uyarsa, ağıl tam oturur, işləri yolunda gedir, bərəkət gəlir, üzərinə bir rəhmət, bir xoşluq, nur gəlir. Onun üçün Qurana möhkəm sarılmaq çox vacibdir.

Qatı dinçilər müsəlmanların üstünə elə ağır yük yüklədilər ki, elə bil, müsəlmanları dəliyə döndərdilər. Sağa dönə bilmir, sola dönə bilmir, gülməsi qadağandır, qadınların danışması qadağandır. Allah sənin gülməyini istəyir, şən olmağını istəyir. Niyə boş- boşuna özünə əzab verirsən? Özlərindən qadağalar qoyurlar. Gül, istədiyin kimi gül, istədiyin kimi gəz, evinin divarından portret də as, heykəl də qoy, gənc qızlar istədikləri kimi makyaj etsinlər, baxımlı olsunlar. Gənc oğlanlar rəqs etsin, əylənsin. Qurana görə bunların hamısı halaldır.

Dində həyatın bütün gözəllikləri vardır. Musiqi, əyləncə, nəşə, sevinc, sevgi vardır. Din həyatın hər anını əhatə edir və hamısını halal etmişdir. Qeyri-qanuni, haram olan çox az şey vardır. Halal şeylərin sayı-hesabı yoxdur.

Peyğəmbər özündən Qurandan kənar halallar, haramlar çıxara bilməz. Bu mövzuda açıq Quran ayələri vardır.

Peyğəmbərimiz (s.ə.v) haramları Qurandan öyrənirdi. Quranda bildirilənlərdən başqa haram, halal olmaz. Hz. Aişə anamızdan belə bir şey soruşurlar; "Rəsulullah (s.ə.v)-in sünnəti nədir?", O da; “Qurandır” deyir. İş çıxarmayın. Quranda bildirilənlərdən başqa haram, halal olmaz.

Mehdi (ə.s)-ın dini asanlaşdırması demək; Quranda olmayan haramları aradan qaldırması deməkdir. Məsələn, musiqi haramdırmı? Deyil. Quranda belə bir ayə yoxdur. Musiqinin haram olduğunu iddia edənlərə musiqinin halal olduğunu söyləyəcək.

Quranda tələb olunan şeylər çox azdır. Namaz çox qısa şəkildə izah olunmuşdur, oruc qısa şəkildə izah olunmuşdur, zəkat qısa şəkildə izah olunmuşdur. Mərhəmətli olun, şəfqətli olun, yalan danışmayın, dürüst olun. Yaxşı niyyətli olun, bir-birinizi sevin. Allahı çox sevin. Bir-birinizə kömək edin, mal-dövlət yığma hərisliyiniz olmasın; mal-dövlət Allahındır. Çox qısadır. Bunlardan başqa həmişə kafirlərin törətdikləri pis əməllər, küfr əhlinin, azğınların, dəlalət əhlinin ədəbsizlikləri və bunlara verilən cavablar vardır.

Gələn peyğəmbərlər və mehdilər daim halalların sayını artırmış, haramların sayını isə azaltmışdırlar. Amma müşriklər də daim haramların sayını artırmış, halalların sayını azaltmışdırlar. Halbuki haqq dində halallar çoxdur.

Biz nələrin halal olduğunu Quranda axtara bilmərik. Quranda haramlar axtarılar. Çünki haramların sayı çox azdır. Bir şeyin haram olduğuna dair Qurandan hökm-dəlil gətirildiyi vaxt məsələ həll olar. Amma Quranda haram olduğuna dair bir hökm yoxdursa, uydurmalarla, xurafatlarla qadağa qoymaq olmaz.

Hal-hazırda İslam ölkələri çox baxımsız və pərişandırlar. Bu vəziyyət Mehdi (ə.s)-ın dövründə tamamilə dəyişəcək. Mehdi (ə.s)-ın gəlişi ilə keyfiyyətsizlik və ruhsuzluq aradan qalxacaq.

Mehdiyyətə olan eşq və həsrət müsəlmanın xüsusiyyətidir.

Peyğəmbərimiz (s.ə.v)-in hədislərdə bildirdiyinə görə "hz. Mehdi (ə.s)-ın zühurunun ardınca hidayət, iman və ehtişam gələcəkdir".