Adnan Oktar A9 TV; 13 sentyabr 2016

İran, İslam Birliyini sevgi ilə gözləyən bir ölkədir. Türkiyə ilə İranın ittifaq etməsi əhəmiyyətlidir.

Hər kəsdən şübhə edən bir növ paranoyya halıyla hərəkət etmək doğru olmaz. Təvəkkül edib, demokratiya və azadlığı müdafiə edərək hərəkət edilməlidir. İncəsənəti, keyfiyyəti ön planda tutaraq, birlik ruhunu gücləndirərək, İslam Birliyini məqsəd edib gözəl şəkildə irəliləmək lazımdır.

Bəziləri müsəlmanların aciz olduğuna qənaət gətirib. Hər kəsi aciz, özlərini də tək ağıllı insan zənn edirlər. Müsəlman çox ağıllıdır.

Müsəlmanların əleyhinə fəaliyyət göstərdiyini zənn edən hər kəs əslində müsəlmanlara, İslama, Qurana xidmət etmiş olar.

Müsəlmanlara mənəvi cəhətdən elə təzyiq göstəriblər ki, dində olmayan qaydalarla sanki zehinlərini dondururlar. Musiqi, incəsənət, gülmək, şən olmaq, həyat dolu olmaq potensial cinayət kimi göstərildiyi və özlərini də potensial günahkar gördükləri üçün hər yerdə aciz mövqedə olurlar. Qurana tam tabe olan müsəlmanlar ziyalı, keyfiyyətli, özünə inamlı və çox ağıllıdır. Acizliyi heç bir müsəlman əsla qəbul etməməlidir.

Xeyli insan müsəlmanları, haşa ağılsız, asanlıqla aldadıla bilən, malını, mülkünü əldən verən, hər cür cinayətə hazır olan insanlar hesab edirlər. Müsəlmana hörmət göstərmirlər. 24 saat ağıllı olan dinsiz olar, hörmət göstərilməli olan dinsizlikdir təlqini verirlər. Bu fəlakətli mənzərəni də xeyli müsəlman qəbul edib, acizlik hiss edirlər. Halbuki Qurana tam tabe olan müsəlman dünyanın ən ağıllı insanıdır.

Bəzi insanların müsəlmanlara olan baxış prizmasını kitab halına gətirmək lazımdır. Haşa müsəlmanların qoyun kimi idarə edəbiləcəyini zənn edirlər. Ateistə, kommunistə və sairəyə ağıl verməyənlər, öz aləmlərində müsəlmanları ağlı zəif, hər şeyi idarə edəbilən insanlar hesab edirlər. Müsəlmanlar ağıllıdır.

Müsəlman cəmiyyətlərin arasını vurub müsəlmanlara zərər vermək istəyirlər, heç kim bu oyuna gəlməsin. Səhvə yol verən oldusa da imtina etsin.

Küfr əhli münafiqi dərhal müəyyən edər, çünki münafiq özünü müsəlmanlardan gizlədər, lakin küfr əhlinə qarşı açıq davranar.

Əbdüləzizin ən böyük hədəflərindən biri İslam Birliyi idi. Müasir, ziyalı dindardı və darvinizmə qarşı çıxan bir insan idi.

İngiltərə dərin dövlətinin İslam anlayışında Mehdiyyət, İslam Birliyi yoxdur. Bu, parça-parça edilmiş, rumi edilmiş, darvinist İslam anlayışıdır.

İslam aləminə baxıldığı zaman fərqli hərəkatlar deyil, ingilis islam fəlsəfəsi olduğu görünər. İslam Birliyini rədd etmək bu fəlsəfənin əsasıdır. İngilis İslam fəlsəfəsi darvinist, şərab kimi haramları halal hesab edən, Allahın haram etdiyi homoseksuallığı qanuniləşdirməyə çalışan inancdır.

Əbdüləziz xan Osmanlı ordusunun müasirləşməsi və güclənməsi üçün mühüm işlər görmüş, İslam Birliyini istəyən dindar bir padşah idi.

İngiltərə dərin dövləti Əbdüləziz xana çox qarşı idi, çünki Əbdüləziz xan dindardı, İslam Birliyini istəyirdi, darvinizmə qarşı idi. Xanlar xanı Cənnət Məkan olan Əbdüləziz xandır.

İslam Birliyi dünya cənnətidir. Sülhün, qardaşlığın, sevginin olduğu, müharibənin və döyüşün olmadığı, incəsənət, gözəlliyin hər yerə hakim olduğu sistemdir.

Türklər, kürdlər, ərəblər, çərkəzlər, hamısı birləşəcək, İslam Birliyi meydana gələcək. Kürd qardaşlarımız bilavasitə öz əlləriylə PKK-nı yox edəcəklər. Kürd qardaşlarımız istədikləri yerdə sərbəst yaşayacaqlar. Qırmızı kommunistlərin onları əzmələrinə icazə verməyəcəyik.

Müsəlmanların başında mənəvi bir lider olması və İslam Birliyinin reallaşması İslam əxlaqının tələbidir.

Allah Nur surəsinin 55-ci ayəsində İslam əxlaqını dünyaya hakim edəcəyini bildirir. Məhz bu hakimiyyət İslam Birliyi və mehdiyyətdir.

İslam Birliyi meydana gəlsə yaşanan bütün sıxıntılar dərhal bitəcəyi halda, müsəlmanlar birləşmədikləri üçün bu əzablar artaraq davam edir.

Müsəlmanların bir-birinə sevgisi münafiqlərə böyük əzab verər. Sanki həsəddən məhv olarlar.

Münafiq həmişə müsəlmanların əleyhinə hökm axtarar, mömin də həmişə müsəlmanların lehinə hökm axtarar.

Müsəlmanlara qarşı, haşa hər an cinayət işləyəcək nizamsız insanlar kimi tədbir almaq, İngiltərə dərin dövlətinin təlqinidir, bunu hər yerə yayırlar. Müsəlmanlara qarşı bu haqsız üsula və çirkin üsluba bəziləri də heç bilmədən dəstək verir. Buna qarşı çox diqqətcil olmaq lazımdır.

Hər yerdə müsəlmanlara təzyiq var. Hələbdə hər gün mərhəmətsiz şəkildə uşaqlar şəhid edilir. Artıq müsəlmanların oyanma vaxtı gəldi.

Müsəlmanlar Allahın ruhudur. Hamısı RuhulAllahdır. Dünya da, axirət də müsəlmanlarındır. Mömin Allahın ruhunu daşıyar.

İslamda musiqi, əyləncə, gözəllik, sevinc, iffət, təmizlik, ağıl, sevgi, ehtiras, yəni gözəl olan hər şey vardır.