Adnan Oktar A9 TV; 3 yanvar 2015

Eqoistlik bölünməyə gətirib çıxarar. Adam malına bağlanar. Eqoistliyin xüsusiyyəti budur. Amma eqoistlik yoxdursa, səxavətli olmaq vardır. Səxavətli olmaq hədd-hüdud bilməz. Məhz belə də olmalıdır ki, sən rahat şəkildə comərdlik edə biləsən, dostluğunu, sevgini rahat şəkildə göstərə biləsən.

Döyüşə yer yoxdur, nifrətə yer yoxdur. Dünyaya sevgini öyrədəcəyik. Nifrət xeyli iztirab verici, əzab verici, yorucu və iyrənc bir şeydir. Sevgi xeyli gözəldir. İsrail, İordaniya, oralar inanılmaz dərəcədə gözəl yerlərdir. Barışın, qucaqlayın bir-birinizi, qardaş olun.

Atatürkçü demək; müasir olmaq, ziyalı, ağıllı, doğru-dürüst olmaq, Allahı çox sevmək, İslam aləminin birliyini, Türk aləminin birliyini müdafiə etmək, Qızıl Almaçı olmaq, nəzakətli, mükəmməl, yaraşıqlı olmaq deməkdir. Atatürkçülük budur.

Sevgisizlik, eqoistlik insanı bölünməyə aparar, parçalanmağa aparar. Sevgi isə birləşməyə aparar. İnsan sevdiyindən ayrılmaq istəyərmi? Sevməyəndə ayrılmaq istəyər. Nifrət etdiyi kimsəni görmək istəməz. Dünyadakı bu bölünmələrin səbəbi sevgisizlikdir.

Dünyada sevgisizlik hakimdir. Sevgisizlik hakim olduğu üçün bölünmə istəyirlər. Ayrılmaq istəyir, nifrət edir. Məsələn, o ölkədən nifrət edir, ölkə də ondan nifrət edir. Həmyerlilər bir-birindən nifrət edir. Ailələr bir-birindən nifrət edir, insanlar bir-birindən nifrət edir. Əvvəlcə sevgi məsələsi həll edilməlidir.

Düşüncə azadlığı; hər kəsi təhqir etmək, hər kəsi kədərləndirmək, incitmək, onun sevincini, sevgisini boğmağa çalışmaq mənasını verməz. Sevgini əsas götürməlidirlər. Düzdür fikir azadlığı müqəddəsdir, amma sevgi daha da müqəddəsdir. Nəzakət daha müqəddəsdir, hörmət daha müqəddəsdir.

Sevgisizliyi əhəmiyyətsiz bir şey hesab edirlər. Bütün dünyanı bu sistem məhv etmədimi? Amerika çökdü, Rusiya çökdü. Hələlik ilk mərhələsindədirlər, daha da çökəcəklər. Avropa məhv oldu, Avropa iflasa uğradı. Tək səbəbi sevgisizlikdir, eqoizmdir. Dünya bütün insanlara min dəfə bəs edər.

Avropa Birliyinə mehdiyyət dövründə daxil olacağıq. O zaman qatı dinçilik aradan qalxacaq, insanlar musiqiyə haram gözüylə baxmayacaq, dekolteli xanımlara hörmət göstərəcəklər. Heykəl, şəkil, musiqi bunlar gözəllikdir. Bunlara qarşı çıxan böyük bir kütlə yaratdığın təqdirdə Avropa səni qəbul etmək istəməz.

Namaz qılmayan və zəkat verməyən insanların öldürülməsi lazımdır kimi bir inanca sahib olub, bunu insanlara izah etsən, onda Avropa İttifaqı səni qəbul etməz. Amma mehdiyyət ruhuyla, Quran əxlaqıyla yaxınlaşsan Avropa səninlə qonşu olmağına sevinər.

Eqoistcəsinə yaxınlaşdığın təqdirdə, onsuz da sevgi olmaz. Eqoistlik, xudbinlik sevginin düşmənidir. Eqoist, xudbin olmasan Allah yolunu açar. Eqoist, xudbin olsan, Allah ayağına dolandırar.

İslam aləminin birləşməsi demək, dünyada cənnət var deməkdir. Sırf İranla Türkiyə birləşsə belə İslam dini rahatlıqla və sürətlə dünyaya hakim olar. Amma məzhəb ayrımı olmamalı və çox səmimi bir sevgi olmalıdır.

Sevgi - terroru, anarxiyanı, eqoist olmağı, xəsisliyi ortadan qaldırar.

Avropa İttifaqı istədiyi qədər üstün görməyə çalışsın, muxtariyyət Türkiyə üçün təhlükədirmi? Təhlükədir. O zaman qəbul etməzsən. Vətənin ali mənfəətləri, millətin ali mənfəətləri əsasdır. Avropa İttifaqının istəkləri bizi maraqlandırmaz. Muxtariyyətin Türkiyəni parçalayacağı açıq həqiqətdir.

Peyğəmbərimiz (s.ə.v) söyləyir, İslam Birliyinin tək ünvanı imam Məhəmməd Mehdidir. Başqa ünvanı yoxdur. Axırzamanın əlamətlərinə inanılsa, Rəsulullah (s.ə.v)-in möcüzələrinə inanılsa bu doğru olar.

Avropa Birliyinə girməyin tək bir yolu var, o da mehdiyyətdir. Mehdilik ruhu, mehdiyyət sevgisi, şəfqəti, səmimiyyəti, mehdiyyətin baxışı demokratiyaya, sənətə, söhbətə, elmə, Avropa Birliyi üçün idealdır. Xristian-müsəlman ittifaqı üçün lazımlıdır.

Ruhu, düşüncəsi olmayan birlik ola bilməz, bu birlik möhkəm olmaz. Mehdisiz İslam Birliyi ilə heç bir ölkə münasibət qurmaz.

Bölünmək vətənin, dinin, imanın, hər şeyin getməsi deməkdir. Ölüm kimi deyil, məhv olmaq deməkdir. Cəhənnəmin ortasında oturmuş kimi, Allah göstərməsin. Biz İslam Birliyi istəyirik, Türk-İslam Birliyi istəyirik. Böyük Türkiyə istəyirik.

İslam Birliyi, Türk-İslam Birliyini istəmək bütün Türkiyənin şüarı olmalıdır.

Bizim gəncliyimizin güclü ola bilməsi üçün dövlətin Türk-İslam Birliyi düşüncəsini rəsmi olaraq ictimaiyyətdə dəstəkləməsi lazımdır.

Hamımız idealistik. Türk-İslam Birliyini müdafiə edən hər kəs idealistdir, milliyyətçidir. Atatürk də idealist idi.

Demokratiya ilə gələn demokratiya ilə gedər. Seçki ilə gələn seçki ilə də gedər. Hakimiyyətə gələn rəhbərlik üç-beş video kasetlə, üç-beş kəlimə ilə dərhal hakimiyyətdən devrilə bilirsə, təhdidlə devrilə bilirsə, deməli ortada demokratiya yoxdur.