Adnan Oktar A9 TV; 24 aprel 2015

Səmimiyyət insana baha başa gələr. Əzab çəkər, yorular, hətta bəzi hallarda başı bəlaya da girər. Sən çox yaxşı yaşayırsan. Lazım gələndə mənfəətini güdürsən. Mənfəətini bir körpəni qoruyan kimi qoruyursan. Burada səmimiyyət vardırmı?

Çox az sayda insanın həqiqi mənada iman etməsi bütün dünyanın imanını güclü edir.

Əgər şövqlü sevgi varsa, şövqlü iman da vardır. Əgər insan qadını şövqlə sevirsə, bilin ki, o, iman şövqünə də sahibdir. Bu, onun əlamətidir.

İnsan ətdən, sümükdən, qandan əmələ gəlmiş bir varlıqdır. Min bir cür də acizliyi vardır. İnsan bunu mu sevəcək? Bunu etməsi üçün dəli olmalıdır. Ancaq Allahın ruhunu daşıyırsa, nəcib bir varlıqdırsa, sonsuzluğu yaşayacaq bir varlıqdırsa sevilər.

Bir insan Allaha inanmırsa, ruhunda Ona qarşı güvən hissi olmaz. Allahı görməyəcək bir ağıla sahibdirsə, onu necə görə bilər? Allaha şükür edə bilməyəcək bir vəziyyətdədirsə, insana necə təşəkkür edə bilər? Allaha vəfa göstərməyən, quluna necə vəfa göstərə bilər? Sevginin enerjisini, nəcibliyini təmin edən imandır.

Allah bizim imani həssaslığımızı yoxlayır. İnsanlar, hz. Adəm (ə.s)-dan başlamış qiyamətə qədər heç səhvə yol verilmədən mükəmməl imtahan olunacaqlar. Heç kimə ağlının ixtiyarını alacaq bir imtiyaz verilməmişdir.

Sübh namazına necə oyanacaqlarının dərdini çəkirlər. Həmişə; "necə oyanacağıq?" deyə şikayət edirlər. Sabahı gün sizə təmənnasız şəkildə 5 min lirə pul verəcəyik desən, səhərə qədər yatmazlar. Əlli dəfə üzünü, əlli dəfə qolunu, əlli dəfə də ayağını yuduğun təqdirdə, hər səhər 5 min lirə pul alacaqsan desən, milyonlarla insan sıraya düzülər. Bax, Allah əbədi cənnət həyatı vəd edir, inanmadığı üçün etmir. İnansa edər.

Sevgi Allaha inanmağın əlamətidir. İman etsə, onsuz da sevgi dərhal yaranar. Allah sevgini dərhal qəlbinə qoyar. Allah ayədə; “iman edənlərin qəlblərində bir sevgi yaradacağını” söyləyir.

Yaxşı niyyətli, təmiz qəlbli bir qadın çox gözəl olur. İçi şeytanlıqla dolu olduqda, üzü çox çirkin olur, ağlı da itir. Mənfur olurlar.

Allahın tək məqsədi nədir? Sevmək və sevilməkdir. Amma necə sevilmək? Saxta deyil, səmimi şəkildə sevilmək. Bunun üçün insan daim səmimi sevgi axtarır, bütün dünya səmimi sevgi axtarır.

Ən qorxulu şey saxta sevgidir. Bu Allahın qətiyyən sevmədiyi şeydir. Münafiq kişilər və münafiq qadınlar, kafir kişilər və kafir qadınlar, zalım kişilər və zalım qadınlar saxta sevginin ustasıdırlar.

Allah “ibadət edən” demir, “səmimi ibadət edən” deyir. Allah mütləq belə bir şərt qoyur. Sevgi, sırf onlara məxsus nemət kimi verilir.

Allahın hədəfi, insanların daim səmimi və güclü imana sahib olmalarıdır. Allah dünyadakı insanların səmimi və güclü imana sahib olduqlarını gördükdə, dünyanın bərəkəti artır. İnsanlarda iman zəifliyi olduqda isə Allah verdiyi bu bərəkəti azaldır. Buna görə də, xas və səmimi möminlər var gücləriylə bu mənəvi xüsusiyyəti möhkəmləndirməyə davam etməlidirlər.

Səmimiyyət Quranla əlaqəli bir sözdür. Quranı bilməsək səmimiyyətin nə olduğunu bilmərik. Səmimiyyət; insanın sərbəst düşünməsi, hər şeydə Allahın tərəfdarı kimi düşünməsi, Allah qorusun, Allahdan gileylənməməsi, Allah qorusun, Allahdan şikayətçi olmaması, üsyan etməməsidir.

Əksər insan Allaha üsyan edir və ya Ondan gileylənir. "Mənə kömək etmir, mənim övladımı əlimdən aldı, avtomobilimi əlimdən aldı, malımı əlimdən aldı" deyə gileylənir. Övladı kim verir? Allah verir. Bəs kim alır? Allah alır. Yəni gileylənmək çox ağılsız bir hərəkətdir. Qeyri-səmimi rəftardır. Allah bu cür rəftarı sevmir.

Allah, güclənmiş bir imanı istəyir. Amma bu səmimi ruhla əldə edilir. Səmimi vicdana sahib olmadan bunu əldə etmək olmaz.

İnsanlar tək bir molekuldakı ağlı yaxşı düşünsə və görsələr Allahın sənətinə heyran qalarlar. Lakin əksər insan heç düşünmədən yaşayır.

Gündəlik işlər, futbol, məktəb, müzakirələr və s. ucbatından insanların əksəriyyəti əsil düşünməsi lazım olan mövzular barəsində bir dəfə belə düşünmür.

İmtahanda ən mühüm məsələ Allahın sənətini unutmamaqdadır. Məsələn, bir yarpaqdakı ağıl insan ağlından minlərlə qat üstündür. Hətta tək bir toz zərrəsində belə nəhəng həyat var. Bakteriyalarda böyük ağıl var. Allahın sənəti çox heybətlidir. Bəzi insanlar Allahın sənətini düşünməkdən qaçırlar, az düşünməyin lazım olduğunu zənn edirlər. Halbuki Allah ətraflı düşünməyimizi istəyir.

Allahı həmişə zikr etmək və düşünmək üçün çox təfsilatlı məlumatlar şərt deyil. İşığın hər an yaradılması təkcə çox mühüm nemətdir.

Bir insan səmimi dərin düşünərək, başqalarının belə etməməsinə fikir vermədən, diqqətini, iradəsini açıq-aşkar ölüm həqiqətini dərk etməyə yönəltməlidir. Başqa insanlar fərqində olmaya bilərlər. Çünki Allah beynimizin içində bizə imtahan verərək insanları elə göstərir, bəlkə bir çoxu ölüdür.

Batini olaraq yanaşsaq insan qədərində olmayanı düşünə bilmir. Məsələn, düşüncəsindəki pərdələr açılır. "Dərin düşünərək bu hala gəldim" deyə fikirləşər, amma dərin düşündüyü saat, vaxt da müəyyəndir. Ondan artıq dərin düşünə bilməz.

BİZİM DƏRİN DÜŞÜNMƏK KİMİ XÜSUSİYYƏTİMİZ OLMALIDIR. QURAN BİZİ DƏRİN DÜŞÜNMƏYƏ, DƏRİN TƏFƏKKÜR ETMƏYƏ YÖNƏLDƏR. İnsanlar həmişə hazır məlumat əldə etmək istəyir. Hər şey açıq olsun və insanlar da artıq məcbur qalıb iman etsinlər. Elə olmaz.

Mehdi (ə.s)-a tabe olacaqlar, İsa Məsihə tabe olacaqlar. Dünya başsız olduqda divanə olar. Başa düşülməyəcək bir tərəfi yoxdur.