Adnan Oktar A9 TV; 13 sentyabr 2016

Allah dini həm zövqlü, həm də insan fitrətinə uyğun şəkildə yaradıb. Dinsiz həyat cəhənnəm kimidir. Lakin bəziləri dini cəhənnəmə döndərmək istəyir.

İslamda musiqi, əyləncə, gözəllik, sevinc, iffət, təmizlik, ağıl, sevgi, ehtiras, yəni gözəl olan hər şey vardır.

Rəqs, musiqi, əyləncə, sevinc, söhbət, hamısı İslamdadır. İslamın yaşanmadığı heç bir yer olmaz. İslam həyatın hamısıdır, İslam hər yerdə yaşanar.

Dini, yaşanması qeyri-mümkün bir şey kimi və ürküdücü göstərirlər, dinə xidmət edirmiş kimi görünüb insanları dindən uzaqlaşdırırlar.

Din cənnətdir. Dini cəhənnəm kimi göstərənlərə qarşı həqiqi İslamdan həmişə bəhs edəcəyik.

Çimərliyə gedildiyi zaman dinlə əlaqənin kəsilməsinə inanırlar. Din hər yerdədir. Həyatın hər anında din var.

Din hər yerdə var. Yeməkdə, əyləncədə, idmanda, çimərlikdə hər yerdə din var. Allah hər yerdə bizimlə birlikdədir.

Dini haşa ehkam və adət kimi görüb Qərbin Mövlana fəlsəfəsi ilə uzlaşacağını söyləmək çox yanlış məntiqdir. Rumiliyi sevmələrinin səbəbi İngiltərə dərin dövlətinin İslamsız, Quransız bir müsəlmanlıq yaratmaq istəməsi, rumiliyi də buna uyğun görməsidir.

Türkiyənin gələcəyi çox gözəldir. Türkiyə inşaAllah lider ölkə olacaq. İslam əxlaqı dünyaya hakim olacaq, hər kəs İslamın gözəlliyini görəcək.

Bizim həyat dolu İslam anlayışımız Quran müsəlmanlığıdır. İnsanlara İslamı çətin göstərən dəccaliyyətdir. Gözəl olan hər şey İslamdadır.

Müsəlmanların başında mənəvi bir lider olması və İslam Birliyinin reallaşması İslam əxlaqının tələbidir.

Bəzilərinin izah etdiyi İslam anlayışının yaşanması qeyri-mümkündür, onsuz da ən yaxınları və hətta özləri belə izah etdiklərini yaşamırlar. Belə donuq, ağır, elmdən və incəsənətdən uzaq üslubla İslam izah edildikdə gənclərə, onları yetişdirə biləcək bir sistem meydana gəlmir.

Qınayanın qınağından çəkinməyən, yalnız Allahdan qorxan, heç bir mənfəət arxasında olmayan, bütün həyatını İslama həsr edən, bütün mənliyi ilə İslama xidmət edən, səhabə əxlaqını, İslamı yaymaq üçün səy göstərən, müasir, ziyalı, incəsənətdən və keyfiyyətdən zövq alan bir cəmiyyətik. Bizim bu xarakterimiz İslama qarşı olan bütün kütlələrə sanki mənəvi zərbə olur.

İslam adından sevgisiz, zorakılığa əsaslanan bir dünya modelini müdafiə edənlər İslamı deyil, müşrik sistemi müdafiə edirlər. Müşrik sistem ilə İslam eyni deyil.

Din ağıl və dərinlik tələb edir. Darvinist materialist təhsillə insanlar imandan uzaqlaşdırılır. Məscidlərin dolması üçün güclü iman lazımdır.

İslamın sevgisi, mərhəməti aparıcı olacaq, müasirlik, keyfiyyət, incəsənət, demokratiya, dünyəvilik, gözəllik, Allah qorxusu, Allah sevgisi, bütün dinlərə hörmət hər yerə hakim olacaq, Türkiyə də aparıcı olacaq.

Quranı bilmədikləri üçün şirk dinini İslam zənn edirlər. Qurana əsaslanan İslamın həqiqi din olduğunu bilmirlər.

Din olması üçün səmimiyyət olmalıdır. Bunun üçün də dinsizliyin fəlsəfəsi olan darvinizmə elmi yolla cavab vermək lazımdır.

Biz İslamın həyatın məhz özü olduğunu göstərdik. Rəqs etmək, gülmək, sevinc hissi, pul, zənginlik, gözəl olan hər şey müsəlmanlar üçündür.

Dini insanın fitrətinə zidd, haşa qarışıq və ürküdücü kimi insanlara təqdim edirdilər. Dinin ağla, məntiqə, fitrətə uyğun olduğunu açıq izah etdik. Dinin gözəlliyini bilavasitə yaşadığımız həyatla bütün insanlara göstərdik. Xurafatın olmadığı, ağlın və məntiqin hakim olduğu dini göstərdik. Dinin asan olduğunu, sevginin dində hakim olduğunu yaşayaraq bütün insanlara göstərdik.

Dürüst, köməksevər, mərhəmətli olmaq dinlə mümkün olur. Ölüb yox olacağını düşünən insan dürüst və yaxşı insan olmaq üçün iradə işlətməz.

Din yaxşı insanla pis insanı qəti şəkildə ayırd edər.

Allah imtahanı çox təfərrüatlı şəkildə yaradır. Mənfi hallar olmasa çox sabit həyat olar. Həyatı sabitlikdən çıxaran imtahandır.

Şeytanın və küfr əhlinin olması mömin üçün enerji vəsiləsidir. Sevginin kökündə də şeytana qarşı aparılan imani, mənəvi mübarizə var.

Darvinizm Allahı inkar etmək üçün ortaya atılmış bir fəlsəfədir. Darvinizmi Quranla uyğunlaşdırmağa çalışmaq, boşuna çalışmaq deməkdir.